ٹھوٹھا

دھریجہ نگر وچ اَسور ویلے گھوڑے آلا فقیر اَمدا ہا ، خیرات دی صدا ݙیندا ہا۔ مولود تے کافیاں  پڑھدا ہا ، نانا سئیں  اَکھیندے ہَن اَسور ویلے آلا گداگر چنگا ئے جو لوکیں  کوں  نماز دی جاڳ تھیندی ویندی ء ِ  ۔ہَن تاں  پِن کھاوݨے پر گھوڑا قیمتی رکھدے ہَن تے ٹھوٹھا وی وݙا ہوندا ہا ۔اے پتہ کینھی گودڑی ءِچ لعل ہوندے ہَن یا کائنا ، پر اَٹا ضرور ہوندا ہئی ۔فقیریں  دیاں  کئی ذاتن،کپر فقیر جھیڑے باز ہَن۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان