ٹوݨے ٹوٹکے
ایہ ہک ترکیب ہے جیندے وچ ٹوݨے تے ٹوٹکے ݙو الڳ الڳ شئیں ہِن ۔ ’’ٹوݨاں‘‘ جادو؍ منتر کوں آہدِن ۔ جیندے وچ پُھوکامارݨ ، کُئی عمل کرݨ شامل ہے ۔ ٹوݨاں کرݨ آلے کوں ’’ٹنہایا‘‘ آہدِن ۔ ’’ٹوݨاں‘‘ ہندی لفظ ہے ۔
’’ٹوٹکا‘‘ اُردو لفظ ہے جیندے معنے ہِن: جادو ، ٹونا ، منتر ۔
ٹوٹکاغیر مصدقہ علاج کوں وی آہدن ۔ جیویں آہدن ’’کُئی ٹوٹکا کرو‘‘۔
ٹوٹکا، معمولی تدبیر کوں وی آہدِن ۔ جیویں آہدِن:
ٹوٹکیاں نال وݙی بماری؍ مصیبت نِھیں ٹلدی۔
ایں لحاظ نال ’’ٹوݨے ٹوٹکے، ݙونہیں مترادف لفظ ہِن ۔ جیندا مطلب ہے دم درود ، غیر مصدقہ علاج ۔
کُجھ ٹوݨے ٹوٹکے ایہ ہِن:
پاݨی دی کمی آلے بِمار کیتے دم درود
[لکھو | ماخذ وچ تبدیلی کرو]جیکر کئیں آدمی اِچ پاݨی دی کمی تھی ونجٖے تاں تلویں لفظ ؍ جملے ٻول کے اُوندے اُتّے پُھوکیا ویندے۔
بسم اللہ ، اوّل نام خُدا ، دوسرا نام محمد رسول اللہ
تیسرا نام چار یار ، کلام خُدا دی ، ہُدّٰی بادشاہ دستگیر
کڑا سُلطان سید احمد کبیر ، چِٹّا گِدّڑ ، کُتّا لڑے
برکت پیر مخدوم جہانیاں نال خیر آجاوے
ترجمہ: بسم اللہ پڑھتا ہوں ، پہلے نام خدا کا ، دوسرا نام محمد رسول اللہ کا ، تیسرا نام چار خلفاء راشدین کا ، کلام اللہ تعالیٰ کا ، گرفت بادشاہ دستگیر کی ، کِیلا ہوا سلطان سید احمد کبیر کا ، سفید گیدڑ ؍ کُتّا کاٹ کھائے پیر مخدوم جہانیاں کی برکت سے آرام آ جائے گا۔
آنݨی دا ٹوݨاں
[لکھو | ماخذ وچ تبدیلی کرو]ایں بِماری دا مریض فجر نال کئیں دا ٻوہا ونجٖ کھڑکاوے اَتے پُچھّݨ اُتّے آکھے:
گُوں تِڑِکیّ
میں ݙتی تیں گھدّی
ایہ آکھ کے وَل ونجٖے ۔ بِماری آپے مُک ویسی۔