ٹامس لنڈاہل
ٹامس لنڈاہل: سویڈش برطانوی سائنسدان تے نوبل انعام یافتہ
[لکھو | ماخذ وچ تبدیلی کرو]ٹامس رابرٹ لنڈاہل (ڄمݨ 28 جنوری 1938) ہک سویڈش برطانوی سائنسدان ہن جیڑھے کینسر ریسرچ اچ مہارت رکھدن ۔ 2015 اچ ، انہاں کوں ڈی این اے دی ڳنڈھ تروپ دے میکانکی مطالعات کیتے امریکی کیمیاء دان پاول موڈرچ تے ترک کیمیاء دان عزیز سانکار دے نال مشترکہ طور تے کیمسٹری دا نوبل انعام ݙتا ڳیا ۔
تعلیم
[لکھو | ماخذ وچ تبدیلی کرو]لنڈاہل کنگشولمین ، سٹاک ہوم ، سویڈن اچ فولکے رابرٹ لنڈاہل تے ایتھل ہلڈا ہلتبرگ دے گھر پیدا تھیا ہا ۔ انہاں 1967 اچ پی ایچ ڈی دی ڈگری ، تے 1970 اچ سٹاک ہوم اچ کارولنسکا انسٹی ٹیوٹ توں ایم ڈی دی ڈگری حاصل کیتی ۔
سائنسی پرکھ پرچول
[لکھو | ماخذ وچ تبدیلی کرو]اپݨی تحقیقی ڈاکٹریٹ حاصل کرݨ دے بعد ، لنڈاہل پرنسٹن یونیورسٹی تے راکفیلر یونیورسٹی اچ پوسٹ ڈاکٹریٹ تحقیق کیتی ۔ او 1978–82 اچ گوٹنبرگ یونیورسٹی اچ میڈیکل کیمسٹری دے پروفیسر ہن ۔ برطانیہ منتقل تھیوݨ دے بعد او 1981 اچ امپیریل کینسر ریسرچ فنڈ (ہݨ کینسر ریسرچ یوکے) اچ ہک محقق دے طور تے شامل تھئے ۔ 1986 توں 2005 تک او ہرٹ فورڈ شائر اچ کینسر ریسرچ یوکے دی کلیئر ہال لیبارٹریز دے پہلے ڈائریکٹر ہن ، 2015 توں فرانسس کرک انسٹی ٹیوٹ دا حصہ ہن ۔ انہاں 2009 تک اتھائیں تحقیق جاری رکھی ۔ انہاں ڈی این اے دی ڳنڈھ تروپ تے کینسر دی جینیات تے ٻہوں سارے پیپرز اچ سانجھ کیتی ہے ۔
آدر تے ایوارڈ
[لکھو | ماخذ وچ تبدیلی کرو]لنڈاہل کوں 1974 اچ ایمبو دا ممبر تے 1988 اچ رائل سوسائٹی دا فیلو (ایف آر ایس) چݨا ڳیا ہا ، انہاں دے الیکشن دے سرٹیفکیٹ تے ایہ تحریر ہے
ڈاکٹر ٹامس لنڈاہل بیکٹیریل تے ممالیہ خلیاں اچ مالیکیولر سطح تے ڈی این اے دی ڳنڈھ تروپ دی سمجھ اچ انہاں دیاں سانجھاں کیتے ڄاݨئے ویندن ۔ او ممالیہ ڈی این اے لیگیس کوں انج کرݨ والا پہلا شخص ہا تے ڈی این اے ایکسائزن ریپیئر دے ثالث دے طور تے ڈی این اے گلائکوسیلیز دے ہک بالکل غیر متوقع نویں گروپ دا بیان کرݨ والا پہلا شخص ہا ۔ انہاں ممالیہ خلیاں اچ اینزائمز دی ہک منفرد کلاس وی دریافت کیتی ہے ، یعنی میتھائلٹرانسفیریز ، جیڑھے ڈی این اے دے الکائیلیشن دے رد عمل دی ثالثی کریندن تے ݙیکھایا ہے کہ انہاں اینزائمز دا اظہار ادا جین ولوں ریگولیٹ تھیندا ہے ۔ حالیہ اچ انہاں بلومز سنڈروم اچ مالیکیولر نقص کوں ڈی این اے لیگیس I دی کمی قرار ݙتا ہے ۔ ڈی این اے دی ڳنڈھ تروپ دے عمل دی نوعیت اچ گہری بصیرت فراہم کرݨ توں علاوہ انہاں دیاں ٻہوں اہم سانجھاں کینسر دے علاج کیتے زیادہ منتخب کیموتھراپیوٹک دوائیاں دے ڈیزائن کوں آسان بݨاوݨ دا وعدہ کریندن ۔ لنڈاہل ایپسٹین بار وائرس ولوں بی-لیمفوسائٹس دی تبدیلی دے طریقہ کار کوں ڈی این اے دی سطح تے سمجھݨ اچ وی ٻہوں ساری اہم سانجھاں کیتیاں ہن ۔ انہاں اچوں سب توں قابل ذکر لمفائڈ خلیاں اچ بند سرکلر ڈوپلیکس وائرل ڈی این اے دی موجودگی دا پہلا بیان ہا ۔
لنڈاہل کوں 2007 اچ رائل سوسائٹی دا رائل میڈل ݙتا ڳیا "ڈی این اے دی ڳنڈھ تروپ دی اساݙی سمجھ اچ بنیادی سانجھاں کرݨ کیتے ۔ انہاں دیاں سوبھاں انہاں دی وݙی اصلیت ، وسعت تے دیرپا اثر کیتے نشابر ہن ۔ " او نارویجن اکیڈمی آف سائنس اینڈ لیٹرز دے ممبر ہن ۔ انہاں کوں 2010 اچ کوپلے میڈل ݙتا ڳیا ۔ انہاں کوں 1998 اچ اکیڈمی آف میڈیکل سائنسز (FMedSci) دا بانی فیلو چݨیا ڳیا ہا ۔ 2018 اچ ، او نیشنل اکیڈمی آف سائنسز دے غیر ملکی ایسوسی ایٹ چݨئے ڳئے ہن ۔
انہاں 2015 اچ کیمسٹری اچ نوبل انعام سانجھا کیتا ۔ سویڈش اکیڈمی نوٹ کیتا کہ "کیمسٹری دا نوبل انعام 2015 مشترکہ طور تے ٹامس لنڈاہل ، پاول موڈرچ تے عزیز سانکار کوں 'ڈی این اے دی ڳنڈھ تروپ دے میکانکی مطالعات کیتے' ݙتا ڳیا ۔ "