وݙا شاعر کون

ڈھیر سارے لوک ڳال کریندن جو اوٻا شاعر وݙا ہے اوٻا شاعر وݙا ہے ۔ سرائیکیءِچ اساں اپݨے اُستاد توں وݙا کیں کوں نی ݙٹھا ۔ اے ٹھیک اے جو اُستاد دیاں لاٻیاں نہ ہَن تے نہ او ٹولی باز شاعر ہن ، من ترا حاجی بگو تو مرا حاجی بگو آلی ڳال وی نہ ہئی ، سدھا صفا نہ ، کھرا بندا ہا ، جیویں اندروں ہا ایویں ٻاہروں ، اوندے سچے ڳالھیں توں ڈھیر سارے لوکیں کوں مرچاں لڳ ویندیاں ہَن ۔ میں اپݨی ڳال ریکارڈ کرویندا پیاں تاں اوہا ڳالھ کریساں جو میں ݙٹھی اے یا سُݨی اے ودھ گھٹ نہ اَلیساں ، کیوں جو ڳال تھیندی پی اے اُستاد دی تے اُستاد دی سچائی دی ۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان