ویپر کمپریشن
ویپر کمپریشن (Vapor Compression) ہک تھرموڈائنیمک سائیکل ہے جیہڑا فریج، اے سی تے ہیٹ پمپاں وچ استعمال تھیندے۔ ایں عمل وچ ریفریجرینٹ ہک گیس دی شکل وچ کمپریسر وچ داخل تھیندے تے اینکوں دباؤ نال سکیڑیا ویندے۔ ایں عمل نال ریفریجرینٹ دا درجہ حرارت ودھ ویندے۔
مراحل
[لکھو | ماخذ وچ تبدیلی کرو]1. کمپریشن : کمپریسر ریفریجرینٹ گیس کوں سکیڑ کے اینکوں ہائی پریشر تے ہائی ٹمپریچر بݨا ڈیندے۔
2. کنڈینسیشن (ٹھڈھا تھیوݨ): اے گرم گیس کنڈینسر (ٻاہر والا کائل) وچ داخل تھیندی ہے، جتھاں او ہوا نال ٹھڈھی تھی کے مائع وچ تبدیل تھی ویندی ہے۔
3. ایکسپینشن (پھیلاؤ): مائع ریفریجرینٹ ایکسپینشن والو توں ہک دم گزردے جیندے نال ایندا دباؤ تے درجہ حرارت گھٹ ویندے۔
4. ایوپوریشن (بخارات): اے ٹھڈھا تے کم دباؤ والا ریفریجرینٹ، ایوپوریٹر (اندر والا کائل) وچ داخل تھیندے جتھاں او کمرے دی گرم ہوا نال گرم تھی کے واپس گیس وچ بدل ویندے تے ایں عمل وچ کمرے دی ہوا توں گرمی گھندے۔
ایں طرح اے سائیکل بار بار دہریندا رہندے تے گرمی ہک تھاں توں ݙوجھے تھاں تے منتقل تھیندی رہندی ہے۔ "ویپر کمپریشن ہک طریقہ ہے جیندے ذریعے گرمی کوں ہک جاہ توں چھک کے ݙوجھی جاہ تے منتقل کیتا ویندے، جیویں کہ فریج یا اے سی وچ تھیندا ہے۔" [١]
حوالے
[لکھو | ماخذ وچ تبدیلی کرو]- ↑ تحقیق، اسماعیل بھٹہ