وینس دا تاجر

جھوک پبلشرز ملتان دی طرفوں شیکسپیئر؍اقبال نسیم صحرائی (م) دی کتاب ’’وینس دا تاجر‘‘2001ء وچ چھاپی ڳئی۔اے ڈرامہ دراصل شیکسپیئر دے ڈرامے Merchant of Veniceدا ترجمہ ہے ۔ دیباچہ ڈاکٹر طاہر تونسوی لکھیئے ۔ گل عباس اعواݨ ، ظہور دھریجہ تے پروفیسر مزمل حسین کتاب تے تبصرہ لکھیئے۔ ڈاکٹر طاہر تونسوی لکھدن جو جھوک دا اے کم عالمی ادب دا حصہ بݨسے او لکھدن جو:

’’ایں ڈرامے دا اصل موضوع یہودیت تے عیسائیت دا تقابل ، انہیں دے مزاج ، رویے تے روایات ہے ۔ جیندے وچ یہودیت کوں شکست تے عیسائیت کوں فتح تھیندی ءِ …… ایں ڈرامے دی اصل خوبی اے ہے جو ایندے وچ رومانٹنک کامیڈی پیش کیتی ڳئی ہے تے شیکسپیئر تخلیقی اظہار دا شاہکار اَتے آفاقی ڈرامہ ہے ۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی