ویرو کوہلی

ویرو کوہلی
معلومات شخصیت
ڄَمّݨ دی تریخ تے جاء	سنہ 1964ء (عمر 60–61 سال)  جھڈو
شہریت	پاکستان
مذہب	ہندو مت
تعداد اولاد	11
عملی زندگی
پیشہ	سیاست دان ،  کارکن انسانی حقوق
ماء ٻولی	اردو
پیشہ ورانہ زبان	اردو

ویرو کوہلی (اردو: ویرو کہولی، کنوں) ہِک پاکستان وِچ ڄَمّݨ آلی بندھوا مزدور اَتے انسانی حقوق دی کارکن ہِے۔ اِین٘دی شہرت دی وݙّی وجہ ایہ ہِے جو اِیں نے غلامی دے خلاف پورھئیا شروع کِیتا۔ انّھاں کوششتاں دا اَغاز اِیں نے آپ وِیہ ورھے بندھوا مزدوری وِچ گُزارݨ دے بعد کِیتا۔

ذاتی حیاتی

ویرو ہِک غریب ہری کاشت کار ٹٻّر وِچ اللہ دینو شاہ گاؤں جھڈو، سندھ صوبے وِچ ڄَمّی ہَئی۔ اُوہ 16 ورھیاں دی عمر وِچ ہِک اِیہو جیہیں ٹٻّر وِچ پرنائی ڳئی ہئی جہڑے انّھاں دی زمین دے مالک دے کول بندھوا مزدور ہَئی۔ اُوہ ہُم ہِک بیوہ ہِے جین٘دے 11 ٻال ہِن۔ این٘دے ناں وِچ اَخیر وِچ واؤ کوں کݙان٘ہیں مجہول اَتے کݙان٘ہیں معروف پڑھیا وین٘دا ہِے اَتے انگریزی وِچ ݙُون٘ہیں تلفّظ دے ملحوظ رکھین٘دے ہوئے ݙُون٘ہیں طرحاں نال لِکّھیا وین٘دا ہِے۔

مہمّاں

2013ء وِچ اُوہ ہِک اَزاد اُمیدوار دے طور تے حیدر آباد دے صوبائی چوݨاں کِیتے کھڑی تھئی۔

اِیں کنوں پہلے اُوہ جنوبی پاکستان وِچ ٻانّھی رہ چُکی ہَئی پَر آپݨے قابضین کنوں اُوہ ٻچ کے نِکّل ڳئی۔

زوریں وَلا بندھوا مزدوری وِچ چلے ونْ٘ڄݨ دے بعد اُوہ ارباب مجاز نال رجوع تھئی اَتے ملی آپݨی اَزادی حاصل کرݨ وِچ کامیاب تھی ڳئی۔ اِین٘دے وِچ اِین٘دی مَدَت پاکستانی انسانی حقوق کمیشن نے حیدر آباد وِچ کِیتی ہَئی۔ اِین٘دے تجربیاں نے ٻِنّھاں کوں اَزادی کِیتے اُٹّھی کھڑوؤݨ دی ہمّت پُچائی ہَئی ۔ اِین٘دے مطلب ایہ ہِے جو اِیکوں سرائیکی ٻولݨ آلی تھی تے اردو وِچ مہارت حاصل کرݨاں ہَئی تاں جو اُوہ کئی گوشیاں دے لوکاں نال ہم کلام تھی سڳے۔ آکسفام نے اِین٘دے خیالیاں دے فروغ اَتے اعتماد دی بحالی وِچ مَدَت کِیتی۔

2009ء وِچ اِیکوں فریڈرک ڈگلس فریڈم ایوارڈ فری دی سلیوز تنظیم دی طرفوں ݙِتّا ڳِیا۔