وکیپیڈیا:پنج ارکان

ویکی پیڈیا دے "پنج ارکان" توں مراد ویکی پیڈیا دے بنیادی اصول ہن جنہیں تے ایں ویب سائٹ دی بنیاد رکھی ڳئی ہے۔ اے اصول ہر ویکی پیڈیا ورتݨ آلے کیتے اہم ہن تے انہیں تے عمل کرݨ نال ویکی پیڈیا ہک بہتر تے معلوماتی ذریعہ بݨدا ہے۔ اے پنڄ ارکان ہیٹھ لکھیے ڳئے ہن:

انسائیکلوپیڈیا: ویکی پیڈیا کوئی لغت، اخبار، یا فورم نئیں۔ اے ہک انسائیکلوپیڈیا ہے جیندے وچ مختلف موضوعات تے معلومات ݙتی ویندی ہے۔ معلومات مستند تے معتبر ذرائع توں ڳھدی ہوئی ہووݨی چاہیدی ہے۔ معتدل نقطہ نظر: مضامین غیر جانبدارانہ انداز وچ لکھیے ون٘ڄن۔ کہیں وی ہک خاص نقطہ نظر دی حمایت نہ کیتی ون٘ڄے بلکہ سارے اہم نقطہ نظر پیش کیتے ون٘ڄن۔ آزاد مواد: ویکی پیڈیا دا مواد آزادانہ طور تے استعمال کیتا ون٘ڄ سڳدے۔ تساں ایں مواد کوں ونڈ سڳدے ہاؤ، تبدیل کر سڳدے ہاؤ تے کہیں ٻئی جگہ تے وی استعمال کر سڳدے ہاؤ پر اصلی لکھاری کوں کریڈٹ ݙیوݨا ضروری ہے۔ شائستگی: ویکیپیڈیا تے بحث مباحثے شائستگی نال کیتے ون٘ڄن۔ کہیں دی دل آزاری نہ کیتی ون٘ڄے تے رل مل تے کم کرݨ دی کوشش کیتی ون٘ڄے۔ قواعد و ضوابط دی پابندی نہ ہووݨ: ویکی پیڈیا دے کجھ اصول تے ضابطے ہن پر سختی نال انہیں دی پابندی ضروری نئیں۔ اگر کہیں موقع تے کوئی اصول تروڑنا وی پووے تاں رل مل تے فیصلہ کیتا ون٘ڄ سڳدے۔ اے پنج ارکان ویکیپیڈیا دی بنیاد ہن تے انہیں تے عمل کر کے اساں سب رل تے ویکیپیڈیا کوں ہک بہتر تے معلوماتی ذریعہ بݨا سڳدے ہیں۔