ولید مشتاق
اصل ناں ولید مشتاق
تخلص ولیدؔ
جٖمنْ 1985ء
تعلیم گریجوایٹ
پیشہ کمپنی منیجر
فون نمبر 009665837510000
جاہ پتہ جدّہ سعودی عرب
شعری مجموعہ ’’سنجٖانْ ‘‘دے خالق ولید مشتاق دا تعلق خان بٖیلہ ضلع رحیم یار خان دی دھرتی نال ہے۔لیکن انہاندی پیدائش سعودی عرب وچ تھئی تے اجٖکل وی اوہ جدہ سعودی عرب وچ مقیم ہن۔کمال تاں ایہ ہے جو ولید مشتاق دیارِ غیر وچ پیدا تھئے ، تے ہُنْ تک دی 35 سال دی عمر وی سعودی عرب گزار ڈٖتی ہے۔مگر ایندے با وجود اوہ اپنْی تہذیب و ثقافت کوں ہاں نال لئی ودے،تے اپنْی ماء بٖولی وچ شاعری وی بھر پور کریندے۔ایندا سارا کریڈیٹ اوندے استاد امجدؔ بلوچ دو ویندے ، جئیں ولید دے والد مشتاق احمد خان دی فرمائش تے ولید دی شاعری دی اصلاح تے ادبی تربیت کیتی۔تے اجٖ اوہ ہک صاحب کتاب شاعر دی حیثیت نال شعر و ادب دے میدان وچ اپنْے آپ کوں منوا چکے۔ نمونہ کلام۔
غزل
[لکھو | ماخذ وچ تبدیلی کرو]بے وفا کوں با وفا دی لوڑ ہے
پیار دی ٹھڈڑی ہوا دی لوڑ ہے
کیوں سمجھدا نئیں میڈٖی گنگی زباں
عقل اندھے کوں ضیاء دی لوڑ ہے
اوندے لہجے کوں وڈٖائی ویڑھ گٖئی
میکوں وی اپنْی انا دی لوڑ ہے
میں تاں اپنْی ذات وچ ضم تھی گٖیاں
اوندے ہتھیں کوں حنا دی لوڑ ہے
کر کے پوجا کجھ نسی حاصل تھیا
ہُنْ اوکوں میڈٖے خدا دی لوڑ ہے
پارسائی رل گٖئی ہے خاک وچ
رُل گٖئی کوں ہُنْ دعاء دی لوڑ ہے