وسیب اچ ٹیلی ویژن

کہیں وی علاقے دی سماجی ، ثقافتی تے کاروباری حیثیت کوں اُچا کرݨ واسطے ٹیلیویژن تے ریڈیو دا کردار اہم ہوندے ۔ سرائیکی وسیب اچ سرکاری سطح تے پی ٹی وی ملتان بݨایا ڳے ، پر اتھاں فنڈز تھوڑن، سٹاف دی کمی اے تے پی ٹی وی دا اے سنٹر پی ٹی وی ملتان سنٹر او کم نی پیا کر سڳداجیڑھے جو ٻئے سنٹراں کوں سہولتاں حاصل اِن۔ پی ٹی وی ملتان دی بے نصیبی اے ہے جو اڄݨ تک اینکوں کیبل نیٹ ورک تے نی گھن آیا ڳیا ، جیندی وجہ توں خود پی ٹی وی ملتان اپݨے احاطے دے وچ اپݨے پروگرام نی ݙیکھ سڳدا ۔ سرائیکی وسیب دے وچ ٹیلی ویژن بوسٹر اِن جنہاں اچوں شجاع آباد بوسٹر ،جمال دین والی ، جمن شاہ وغیرہ دے ناں قابلِ ذکر اِن ۔ ایں دے نال نال پرائیوٹ چینل اساں ݙیکھوں تاں وسیب ہے پر او وݙے چینلیں دا مقابلہ نی کر سڳدا۔ اوندے وی ڈھیر سارے مسئلے ہِن ۔ روہی شروع کیتا ڳیا تاں سرائیکی اچ ہا پر بعد اچ بند کر ݙتا ڳیا ، ہُݨ ول جیں ویلھے شروع تھئے تاں اردو اچ ہے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء