وسیبی منظر نگاری

قصہ عموماً اوں وسیب دا ہوندے جیندے وچ سُݨایا ویندے ہک کامیاب قصہ گو ایں ڳالھ دا خاص خیال رکھیندے جو او اُوں علاقے دی تہذیب و ثقافت اَتے طرزِ معاشرت کنوں ٻاہر نہ نکلے جیندے حوالے نال قصہ پیش کیتا ویندا پیا ہوندے ۔ قصہ گو جیڑھلے قصے کوں کہیں ٻئے علاقیاں ‘ دھرتی تے گھن ویندے تاں وَل او اُتھوں دے حالات و واقعات ‘ اُتھوں دی طرزِ معاشرت تے تہذیب و ثقافت دے حوالے نال پیش کریندے۔ بعض اوقات مافوق الفطرت عناصر دے اقوال و عوامل وی ساکوں ساڳی وسیبی نظردن ‘ جیندے وچ قصہ پیش کیتا ویندا پیا ہوندے۔

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ‘ ملتان