وستی ٻڈھݨ

وستی ٻڈھݨ تحصل کوٹ چھٹہ تے ضلع ݙیرہ غازی خان دی ہک چھوٹی جہی وستی ہے ایندی کل آبادی وچ 4 توں 5 ہزار لوک شامل ہن. ای وستی دی اکثریت آبادی نوجوان نسل تے مشتمل ہے. جیندے وچ اکثر پڑھیے لکھے ہن. وستی ٻڈھݨ وچ اباد مشہور قوماں اچ سنجراݨی ، چنگواݨی ، سہو ، مغل ، لنگاہ ، ماجھی ، شیخ تے بھٹی شامل ہن. ای وستی دیاں مشہور شخصیت وچ. حضرت خواجہ گل محمد شاہ جمالی دا روضہ ، پیر اعظم شاہ جمالی دا روضہ ہے. اے ݙو ہستیاں ای وستی دی شناخت ہن. اے ولی اللّٰہ ہن.  سرائیکی زبان دا ہک نعت گو شاعر ساجد چنگواݨی مرحوم دا تعلق وی ہی وستی نال ہے. اتھوں دے لوکاں دا زریعہ معاش رڑ رہاوݨ ، مال ڈھانڈے دی ݙیکھ بھال تے اکثر نوجوان سعودی ارب تے دوبئ وچ مزدوری  کریندن. ای وستی تے لغاری ہر دفع ووٹ جیت ویدن کیوں اتھوں دے گودے انھاں دا ساتھ ݙیدن.