وستی دی اہمیت

‘‘ سرائیکی وسیب اچ دیہات شہر تے کھیت رہائش دے مابین رابطے دا ذریعہ ہن ۔ کھیتیں وچ راہݨ آلے لوکیں دی ضروریات دیہات کنْوں پوری تھیندی اے۔ جیندے وچ سکول ، جامع مسجد، عید گاہ ، کاروبار، دکاناں، علاج کیتے حکیم یا ڈاکڑ ، دیہاتی ڈاک خانے ، یونین کونسل دا دفتر، پٹواری ، درزی، لوہار، درکھان، موچی ، نائی، کمبھار وغیرہ شامل ہن۔اتے شہریں دی مصنوعات دیہات دے دکانداریں دے ذریعے دیہات آلیں تک تے کھیتیں دے آباد کاریں تک پہنچدی اے۔۔ جیندے نال شہریں دا صنعتی مال دیہاتی علاقیں اچ کھپدے۔ اجتماعی پروگرام وی دیہات اچ تھیندن جنہیں داواسطہ اِیڈو اْوڈو دے لوکیں نال ہوندے۔ انتخابی مہم دامنڈھ وی دیہات دے قائد کریندن۔ جیڑھی چفیر دیہات اچ کھنڈ ویندی اے۔کھیڈیں دا انعقاد دیہات دے سکول یا یونین کونسل دے دفتر اچ دیہات دے انہیں  جوانیں کنْوں تھیندے جیڑھے ایندے وچ دلچسپی گھندن۔ ’’  

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی