وستیں دی درجہ بندی

وستیں کوں حجم تے سرگرمیں دے مطابق ترتیب ڈتا ویندے ۔ جیویں جیویں وستی دا حجم ودھدا ونجے تاں اُوندیں دئیں سرگرمیں وچ وی ودھارا تھیندے ویندا ۔

1.ذیلی گاؤں / وستی  Hamlet   ‎

‘‘اے سب کنوں چھو ٹی وستی گاؤں اے جہڑھی چند گھریں تے مشتمل ہوندی اے۔ اے گھر ہک بئے کنوں پرے پرے ہوندن ۔ تے انہیں دے ادھ وچ زمین کاشتکاری / رہاوݨ کیتے استعمال تھیندی اے اینجھیں وستیں کوں ذیلی گاؤں آکھیا ویندے۔ ’’ (6)

2.گاؤں Village

گاؤں ، ذیلی گاؤں کنوں وڈا ہوندے اے کافی زیادہ گھر یں  تے مشتمل ہوندے ۔ گاؤں اچ زیادہ تر گھر زرعی زمینیں دے نال بݨائے ویندے ہن۔

3.قصبہ Town

اینجھیں وستی جیڑھی گاؤں کنْوں وَڈی تے شہر کنوں چھوٹی ہووے ۔ قصبہ اکھیندی اے۔ اِیندے وچ گاؤں تے شہر ݙوہیں دیاں خصوصیات پاتیاں ویندن ۔ قصبے اچ بازار، تعلیمی ادارے ، ہسپتال تے سرکاری دفاتر وی موجود ہوندن۔ایندے علاوہ آبادی دی حدود دے وچ تے باہرو کاشتکاری وی کیتی ویندی اے۔

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی