وزیر آباد جنکشن ریلوے ٹیشݨ

وزیر آباد جنکشن ریلوے ٹیشݨ، پنجاب وچ کراچی–پشاور ریلوے لائن تے واقع ہے۔ ایتھو ہک مین لائن تے ݙو برانچ لائناں نکلدیاں ہن۔ مین لائن تاں کراچی توں براستہ لاہور، راولپنڈی، پشاور تک ویندی ہے۔ہک برانچ لائن وزیر آباد توں سمبڑیال، سیالکوٹ جنکشن تے بارڈر پار ڄموں ریلوے ٹیشݨ تک ویندی ہے۔ شاہین پیسنجر ایں لائن تے وزیر آباد تے سیالکوٹ دے وچالے اچ چلدی ہے۔ کݙاہیں کݙاہیں علامہ اقبال ایکسپریس وزیر آباد توں سمبڑیال، سیالکوٹ، ناروال تے شاہدرہ توں لاہور آندی ہے۔ ݙوجھی برانچ لائن وزیر آباد، خانیوال برانچ لائن ہے جیڑھی وزیر آباد توں حافظ آباد، سانگلہ ہل جنکشن، فیصل آباد، شورکوٹ جنکشن تے خانیوال جنکشن تے آ کے ولا کراچی، پشاور مین لائن نال مل ویندی ہے۔

ایں برانچ لائن دیاں اہم ٹریناں پاکستان ایکسپریس، عبد الرحمان بابا ایکسپریس تے سرسید ایکسپریس ہن۔

ریلوے ٹیشݨ کوڈ:

پاکستان ریلویز دی سرکاری ویب سائٹ دے مطابق وزیر آباد جنکشن ریلوے ٹیشݨ دا کوڈ WZD ہے۔

موجودہ حالت:

اینہہ وقت اے ٹیشݨ پاکستان ریلویز دے استعمال وچ ہے۔ ہݨ توں تھوڑے عرصے پہلے اے ہک ٻہوں فعال تے صاف ستھرا ٹیشݨ ہا جیندے توں فیصل آباد تے ٻئے قصبیاں دیاں لوکل گاݙیاں چلائیاں ویندیاں ہن۔

محل وقوع:

وزیر آباد جنکشن ریلوے ٹیشݨ راولپنڈی، - لاہور سیکشن تے واقع ہے، پوادھ وچ سیالکوٹ، ابھے وچ گجرات تے لمے وچ گوجرانوالہ واقع ہن۔