ورلڈ ریسورسز انسٹی ٹیوٹ

ورلڈ ریسورسز انسٹی ٹیوٹ
معلومات
تاسیس	1982
محل وقوع
ملک	ریاستہائے متحدہ امریکا
شماریات
ویب سائٹ	باضابطہ ویب سائٹ

ورلڈ ریسورسز انسٹی ٹیوٹ (ڈبلیو آر آئی) ہِک عالمی تحقیقی منافع نہ کماوݨ آلی تنظیم ہے جہڑی 1982ء وِچ میک آرتھر فاؤنڈیشن دی مالی مدَت نال جیمز گسٹاو سپیتھ دی اڳواݨی وِچ بݨائی ڳئی۔ اِین٘دے بعد دے صدراں وِچ جوناتھن لیش (1933 – 2011ء) اینڈریو ڈی۔ اسٹیئر (2012 – 2021ء) اَتے موجودہ صدر اینی داس گپتا (2021ء) رلّے ہوئے ہِن۔

ورلڈ ریسورسز انسٹی ٹیوٹکاروبار، معاشیات، مالیات اَتے حکمرانی کِیتے پائیدار طریقیاں دا مطالعہ کرین٘دا ہِے، جین٘دا مقصد انسانی معاشرے کوں چھی شعبیاں وِچ چَنڳی مَدَت ݙیوݨاں ہِے: خوراک، جنگلات، پاݨی، توانائی، شہر اَتے پاݨی تے ہوا۔ انسٹی ٹیوٹ دی فلیگ شِپ رپورٹ سیریز ورلڈ ریسورسز رپورٹ ہے، جنّھاں وِچوں ہر ہِک انجو انج موضوع دے متعلق ہِے۔ ورلڈ ریسورسز انسٹی ٹیوٹ عالمی اَتے اوپن سورس منصوبیاں سمیت نگرانی، ڈیٹا تجزیہ اَتے خطرے دی تشخیص دے اقدامات دا حوصلہ ودھارا کرین٘دی ہِے۔ ڈبلیو آر آئی  نے یکم اکتوبر 2008ء کنوں چیریٹی نیویگیٹر کنوں 4 وِچوں 4 تاریاں دی درجہ بندی برقرار رکھی ہے۔

تنظیم

ورلڈ ریسورسز انسٹی ٹیوٹ (ڈبلیو آر آئی) دا مشن "معاشرے کوں موجودہ اَتے آوݨ آلیاں نسلاں دیاں لوڑاں اَتے آساں دی فراہمی کیتے متحرک کرݨ ہِے۔" اِیہ ہِک پائیدار انسانی معاشرے کوں فروغ ݙیوݨ دی کوشِت کرین٘دی ہے جین٘دے وِچ انسانی صحت اَتے تندرستی، ماحولیاتی پائیداری اَتے معاشی مواقع دی بنیاد ہووے۔

ورلڈ ریسورسز انسٹی ٹیوٹ برازیل، چین، کولمبیا، ایتھوپیا، ہندوستان، انڈونیشیا، کینیا، میکسیکو، نیدر لینڈ، ترکی، برطانیہ اَتےامریکا وِچ بین الاقوامی دفتراں کوں برقرار رکھین٘دی ہِے اَتے پنڄاہ کنوں ودھ مُلکاں وِچ سرگرم ہِے۔

اقدامات

ڈبلیو آر آئی دیاں سرگرمیاں پاݨی دے علاقیاں (سمندر دے جنگلاں، آب و ہوا، توانائی، خوراک اَتے شہراں اُتے مرکوز ہِن)۔ ڈبلیو آر آئی نگرانی، ڈیٹا تجزیہ اَتے خطرے دی تشخیص دے اقدامات وِچ سرگرم ہِے۔