ورتݨ آلے نال ڳالھ مہاڑ:خضر عباس ملکانڑیں

سرائیکی صوبہ دا مطالبہ

1940 دے منشور اچ اے گال قائدہ اعظم نے کیتی ہئ جو قومیں کوں اپنڑے اپنڑے حقوق میلسین 1947وچ پاکستان تے بنڑ گیا لیکن اوں وقت صرف اور صرف ڈو قومیں کوں شناخت ملی ہک سندھی تے بئے پنجابی سندھ وچ اجاں تک وی انھیں دے بالیں کوں سندھی پرائمری کنے پڑاھی ویندی ہے انھیں دے تھانڑے ایف۔ائی۔ار سندھی وچ کٹی ویندی ہے او الغرض انھیں دی سندھی زبان دی اپنڑی پہچانڑ ہے۔اوندے بعد پنجابیے کوں شناخت ڈتی گی۔بنگالی وی ہنیں گال تے آڑ گے جو آساں ہسے بنگالی تے ساکوں مشرقی پاکستان کیوں آکھیا ویندا پئے اور ساڈی زبان بنگالی کوں سرکاری زبان قرار کیوں نئ ڈتا ویندا پیا او لڑیے اونھے قربانیاں ڈتییاں اُنھیں کوں آخر کار الگ ملک مل گیا ۔سر حد عالے وی اے مقدمہ لڑدے رہ گئے کہ آساں پٹھان ساکوں پختون دی شناخت ڈتی ونجے انھیں دے صوبے کوں آخر کار زرداری دور وچ اٹھاویں ترمیم وچ سرحد کوں خیبرپختونخوا دا ناں ڈتا گیا ۔ پختون کنے پہلے خیبر لا کے خیبر پختون خان بنڑا ڈتا یعنی

انھیں کوں وی صوبے دا ناں ڈے ڈتا بلوچستان وی جڈاں پاکستان نال ضم تھیاں انھیں کوں اوں ویلھے صوبہ بنڑایا گیا بلوچے کوں وی شناخت مل گی لیکن ہک مسئلہ ساڈا ویندا پئے ہک سرائیکییے کوں اجاں تک شناخت نئ ملی کیوں ساڈے بالیں کوں پرائمری مڈل ہائی تک سرائیکی کیوں نئ پڑھائی ویندی پئ؟ اور ہر قوم دا الگ کوٹا ہے ہر محکمے دے سیٹیں وچ سرائیکی محروم کیوں ہین ؟ ساڈا اختلاف کہیں قوم نال نئ بلوچ،پنجابی،پٹھان ساڈے بھیرا ہین ساڈا کہیں نال کہیں قسم دا اختلاف نی ساڈا حق سرائیکی صوبہ ساڈی شناخت ہے آساں او منگدوں ساڈا حق ہے ساڈی پہچانڑ ساڈی ماء بولی مٹھی تے من بھانوڑی سرائیکی کوں لازمی مضمون قرار ڈتا ونجے میٹرک تک ہر سکول وچ باقاعدہ پڑھایا ونجے۔تاکہ ساڈے بالیں کوں میٹرک تک لکھنڑ پڑھنڑ اور سرائیکی دی تاریخ ،سرائیکی دے ہیرو، سرائیکی دے دانشور ،سراییکی دے شاعر،سرائیکی دے قاعد انھیں دے بارے پتا لگے ۔ست کروڑ سرائیکیے دی آبادی ہے تے انھیں کوں انھیں دی بنیادی زبان وی ناں پڑاھائی ونجے انھیں نال وانجھ کیتا ویندا پئے اور سب کنے وڈا ظلم ہے ۔میں امید کریندا سرائیکی قوم کنے جو انویں انھیں کوں حق ناں ملسی جب تک او آپ کینا جاگسین۔آواز نہ اوٹھیسین ۔جئے تاڑی بال نا روے ماء کھیر نئ ڈیندی۔تے بغیر آواز اوٹھائے ساکوں شناخت وی نئ مل سگدی یاد رکھائے سڑکاں توہاکوں توہاڈا حق گھینا تے ڈیسین توساں بیدار تھیوو 

وسدا رہوے سارا وسیب آمین

۔خضر عباس ملکانڑیں جنرل سیکرٹری طلبا ونگ پاکستان عوامی سرائیکی پارٹی❤️

حمید اصغر شاہین دی برسی دا مختصر حال

کل 25 دسمبر بروز چھنڑ چھنڑ سائیں حمید اصغر شاہین دی برسی ہئ جیرا سرائیکی قوم دا سچا رہنما ہا اوں رہنما جاں لوگ صدیے بعد دھرتی تے پیدا تھیندین ۔شیر دل لیڈر ہا جیراھا کہیں وڈیرے لوٹیرے سیاسی بندے دے اگو جھکیا نا ہا ڈٹ تے سرائیکی صوبے دی گال کیتی ہے ۔بھوں دھرنے ڈتے کٹھ کیتے سرائیکی قوم کوں کٹھا کیتا ہک جاہ بھلیا۔سبق پڑھایا سرائیکی دی الف ،ب تو گھین تئیں سرائیکی صوبے دے نقشے تک ساری گال سمجھائی پڑھائی سرائیکی صوبے دے ضلعے گنڑ سونڑواے جغرافیائی حوالے نال وی صوبہ سرائیکستان ثابت کر تے ڈیکھایا۔ حمید اصغر شاہین ہک پوری یونیورسٹی دا ناں ہے انھیں جہیرا فلسفہ ڈتے جو چھل دی خیر کل دی خیر یعنی آساں اگر سوکھے تے سارا ملک سوکھا ساڈے تے مشکلات تے سارے ملک وچ امن ختم سب کنے وڈی قربانی اپنڑے پتر دا ناں وی سرائیکیستان رکھ ڈتا ایں واسطے جو کہیں ادارے ونجے کہیں علاقے ونجے کہیں ضلعے ونجے کہیں صوبے ونجے الغرض دھرتی دے کہیں کونے خطے تے ہوے ایندا ناں لوگے دے ذہین وچ جزبات گھین تے اوسی تحریک ڈیسی نوے صوبے دی دشمن وی پریشان تھیسن ایں ناں کنے ۔اور ہر دھرنے تے ہر کٹھ حمید اصغر شاہین نے پہلے اپنڑے پتر کوں اگو کیتے جو میں باقی لوکے دے بالیں کوں بعد وچ اکھساں میڈا اکھنڑ بجا وی ہوسی جڈا میڈا اپنڑا پتر سب کنے پہلے کھڑا ہوسی، برسی تے تمام سرائیکی صوبے تے متلاشی اپنڑی مٹی نال محبت کرنڑ عالے بھوئیں دا مقدمہ لڑنڑ عالے اپنڑے محسن حمید اصغر شاہین دی یاد وچ سائیں ہونڑیں دے گھر جمع تھے میں سمیت سردار اکبر خان ملکانڑیں چیر مین پاکستان عوامی سرائیکی پارٹی۔سردار عبدلحادی خان گاڈی صدر طلبا ونگ پاکستان عوامی سرائیکی پارٹی،اکبر خان کھوسہ ،سجاد اکبر ملکانڑیں،پروفیسر ڈاکٹر سہیل اختر صاحب ایج ۔او۔ڈی شعبہ ہسٹری غازی یونیورسٹی ڈیرہ غازی خان۔شامل تھے ۔سب نے اپنڑے اپنڑے حصے دی تقریر کیتی شاہین صاحب نال محبت دا ثبوت ڈتا انھیں دے ڈتے فلسفے تے متحد تھیونڑ دی ساری سرائیکی قوم کو التجا کیتی سرائیکی صوبے دی جہد وجہد کرنڑ دا یقین ڈیوایا کٹھے رل کے سفر کرنڑ دے وعدے وٹے کیتے آخر تے انھیں دے اہل خانہ کوں صبر دی تلقین تے والد دے عمل کو اگو ٹورنڑ دی تلقین کیتی واپس اے ڈکھ دل وچ گھین تے آگے جو شاہین صاحب جاں لوگ ساڈے درمیان کہنی اینجھیں لوگ جنھیں دی موت دے دھرتی ماتم کرے او اپنڑے حقیقی خالق نال ونج ملین لیکن انھیں دے کارنامے کو قوم صدیاں یاد رکھسی آخر تے دعا جو اللہ پاک شاہین صاحب دے صغیرہ کبیرہ گناہ معاف کرے اور انھیں کو جنت وچ اعلیٰ مقام ڈیوے اور مزید درجات بلند کرے آمین۔

خضر عباس ملکانڑیں مرکزی جنرل سیکرٹری طلبا ونگ پاکستان عوامی سرائیکی پارٹی خضر عباس ملکانڑیں (ڳالھ مُہاڑ) ١٢:٣٩, ٧ جنوری ٢٠٢٢ (PKT)

انقلاب

نظم عنوان انقلاب ساڈی جنگ اے وقت دے فرعوناں دے نال

ہوکے ہک دینہہ اساں کامیاب آونڑائے

ظلم دی رات دی ہوونڑیں اے سحر

انقلاب آونڑائے انقلاب آونڑائے

ساڈے محسن تاں دے گئے ریاست اسن

ساڈی ملت نوں کوئ پاسباں نہیں ملا

ساتھے ہوگئے مسلط بے حس حکمراں

کوئ مخلص کوئ مہرباں نہیں ملا

سارا اجڑائے چمن ہے گلستاں ویراں

انہاں باغاں نوں کوئ باغباں نہیں ملا

سکدے مر گئے امیداں دے پنچھی سبھے

شاخِ گل تے کسےءِن آشیاں نہیں ملا

رُتیں ولسن بہاراں دے رنگ ہوونڑن

از سرِنو چمن تے شباب آونڑائے

ظلم دی رات دی ہوونڑیں اے سحر

انقلاب آونڑائے انقلاب آونڑائے

دینِ احمد دا پرچم لہرایا ویسی

کفرو باطل دا قصہ تمام ہوونڑائے

نسل و نسب دی تفریق کوئ نہ ہوسی

ہکے صف اچ کھڑا خاص و عام ہوونڑائے

نفرتاں تے اناواں دفن ہوونڑائے

بغض و عناد دا اختتام ہوونڑائے

ہوسی فرقہ واریت دی جنگ وی ختم

ہر دشمنڑ دی سازش ناکام ہوونڑائے

دورِ فاروقی دی یاد تازہ ہوسی

ساتھے ول کے او ویلا نایاب آونڑائے

ظلم دی رات دی ہوونڑیں اے سحر

انقلاب آونڑائے انقلاب آونڑائے

مڑ امیداں دا سورج طلوع ہوونڑائے

حق و انصاف دا بول بالا ہوسی

ہر مایوس چہرے تے خوشیاں ہوسن

کھلدے ہوٹاں دا درشن نرالا ہوسی

ہر ظالم نوں پھانسی چڑایا ویسی

ساڈی محرومیاں دا ازالہ ہوسی

ملک دشمنڑ سبھی بے نقاب ہوونڑن

خواب پورا ساڈا انشاءاللہ ہوسی

ہر جابر دی شامت دا دینہہ ہونڑائے

ہر غاصب تے یومِ حساب آونڑائے

ظلم دی رات دی ہوونڑی اے سحر

انقلاب آونڑائے انقلاب آونڑائے

بنڑسی قلعہ ملک ساڈا اسلام دا

ساڈے محسن تے راہبر دا فرمان ہے

صدقہ مدنی دے رب سن عطا کیتا ہے

پنجتنؑ پاک دا خاص عرفان ہے

ادی حرمت دفاع لئ خدا دی قسم

ہر محاز اُتے حاظر ساڈی جان ہے

کِسے شِمر توں طاہر نہیں ڈردے اسی

ساڈا وارث تاں کربل دا سلطان ہے

اس دھرتی نوں نسبت ہے پاکاں دے نال

ساڈی امداد لئ ابو تراب آونڑائے

ظلم دی رات دی ہونڑیں اے سحر

انقلاب آونڑائے انقلاب آونڑائے خضر عباس ملکانڑیں (ڳالھ مُہاڑ) ١٢:٤٢, ٧ جنوری ٢٠٢٢ (PKT)

ماء بولی

" ماء بولی"

                   ۔۔۔۔۔۔۔۔۔۔۔۔
                   ۔۔۔۔۔۔۔۔۔۔۔۔

لکھت ۔۔۔۔۔۔۔۔ ۔۔۔۔۔۔۔۔

      «شاعر خضر عباس ملکانڑیں»

کہیں وی قوم دی بنیادی اکائی زبان ہوندی ہے ۔ جیکوں آساں ماء ٻولی دا ناں ڈیندوں۔قوم دی سنجاݨ زبان نال ہوندی ہے ۔زبانے دے ناں تے قومیں دے ناں ہوندین ۔سندھی بولݨ آلیے کوں سندھی آکھیے ویندے اوندی بولی دی وجہ نال پشتو ٻولݨ آلیے کوں پشتون ،پنجابی ٻولݨ آلیاں کوں پنجابی تے انویں وی ساڈی زبان سرائیکی ساڈی پہجاݨ ،سنجاݨ ہے ۔اساں ملک دے کہیں کونے تے ہووں لہجہ ڈیکھ کے اے اندازہ لایا ونج سگدے اے سرائیکی ہے ۔ساڈی حکومت دے وزیر خارجہ وزیر اعلیٰ جڈا اقوام متحدہ وچ ٻھاندین ہک ڳال آکھ تے اندین۔او ہک ڳال وعدہ ہوندا ہا۔جو جیرھی بنیادی تعلیم ہے اساں ہر قوم کوں انھیں دی زبان وچ ڈیسوں۔پرئمری مطلب پنج تک پنجابیے کوں پنجابی ،سندھیے کوں سندھی،بلوچے کو بلوچی اور سرائیکیے کوں سرائیکی وچ ڈیسوں۔کافی قومے نال اے وعدہ وفا وی تھیندا رہ گیا وقت نال نال ڈو ہزار پندرہ وچ پنجابی زبان دی تعلیم وی جاری تھی ڳی۔لسانی طور تے ہک قوم سرائیکی نال وانجھ کیتا ڳیا انھے دے ٻالے کوں سرائیکی وچ تعلیم ناں ڈتی ڳئ۔ایف۔اے وچ ہک مضمون سرائیکی دا شامل ہا او وی اختیاری طور تے جو رکھݨ چاہوے۔لازمی طور تے سرائیکی دا مضمون شامل نا کیتا ڳیا۔اڳو سرائیکی ڈیپارٹمنٹ وی کینا ہا ۔بی۔ایس سرائیکی وی ٻھوں ساریاں یونیورسٹیاں جیرھیاں سرائیکی وسیب وچ ہن اوندے وچ کینا ہئ۔سرائیکی قوم دے لیڈر قوم کوں جگیندے رہ گئے احساس ڈیویندے رہ گئے ۔مقدمے درج کیتے عدالتے وچ ۔سرائیکی قوم دے کٹھ ۔دھرنے سڑکے تے اے ہک پیغام حکومت کوں ڈوایا ۔سرائیکی قوم وی ہے ۔بلا آخر نو فروری کوں حکومت اے فیصلہ کیتا سرائیکی کوں وی بطور مضمون پرئمری ،مڈل،ہائی ،سکینڈری،گرییجویشن،تے ماسٹر لیول تے پڑاھایا ویسی۔کوئی جاب ریشو ہوندی ہے او مضمون وچ ونڈیندی ہے ہوݨ سرائیکی دی سیٹ جیرھا سرئیکیے دا حق ہا او سرئیکیے کوں میلسی۔انویں وی اجاں ساکوں ڈھیر جہدو جہد دی لوڑھ ہے اجاں ساکوں بطور سرائیکی اپݨی شناخت گھینڑی چاہیدی ہے ۔اڃاں ساڈے صوبے آلہ موقف انوے اپݨی جاہ تے کھڑے کیوں جو ۔لسانی،جغرافیائی طور تے ساڈا حق الگ صوبہ ٻنڑدے اے ساڈا حق اجاں حکومت کنے ادھار ہے ۔اڳر قوم سرائیکی اجاں تک کجھ اپݨی قوم کوں نال نئ ملا سڳیے تے ضرور کوشش کرین پہلے اپت وچ جڑ ونجین ولا ونج کے ہک ڈینھی اپݨی شناخت گھینسوں تے ضرور گھینسوں سرائیکستان زندہ باد خضر عباس ملکانڑیں (ڳالھ مُہاڑ) ٠٨:١٠, ١٠ فروری ٢٠٢٢ (PKT)

میلہ شاہ صدر دین

"میلہ شاہ صدر دین"

لکھت ۔۔۔۔۔۔۔۔ ۔۔۔۔۔۔۔۔

 *شاعر خضر عباس ملکانڑیں*

زندڳی وچ ترے(3) چیزاں انسان کوں چاہنیدے نا چاہندیے میلدین 1:_خوشی 2:-غمی 3:_یاداں

       خوشی وی عارضی طور تے میلدی ہے زندڳی جیرھی نشیب وفراض دا ناں ہے غم وی زندڳی دا حصہ ہین لیکن غم وی مسلسل نئ راہندے کئ لمحہ ضرور خوشی دا آندے  مطلب خوشی ہوئے یا غم اے عارضی چیزاں ہین لیکن ! یاد ہک او شئے ہے جیرھی ذہین نشین تھی ویندی ہے ۔یاداں اکثر یاد اندین کہیں نال ڈوکھے  سوکھے ویلھے یاد اندین ۔زندہ دل لوگ ایں دھرتی تے ہر چیز کوں غور نال ڈیدھین ہر لمحہ انجوئے کریندین۔

کجھ ڈینھ پہلے ساڈے یار جیرھے شاہ صدر دین دے قریب شادہ لنڈ شہر نال تعلق رکھدین ڈسیا جو شاہ صدر دین دا میلہ شروع ہے ساڈا وی پروگرام ہے توساں ساڈے نال جولو یاداے وچ اضافہ تھیسی میں اپنڑے ہک بئے یار نال صلاح کیتی او وی مثبت وچ سر ہلایا اور متفق تھی ڳیا۔ ڈیٹ اساں منگل 8 تاریخ مارچ دا مہینے دی طے کیتی۔سوموار دا ڈینھ تے منگل دی شام اساں تیاری پکی کر گھیدی صبح 9 دا ٹائم ہک بئے کوں ڈے ڈتا ۔منگل دا ڈینھ سویر نال شاہ صدر دین دا ہک جروار مرید حسین میڈے نال رابطہ کیتا جو میں ڈیرہ غازی خان آندا پیاں ماما توں اج ڈیرئے ہوسے میں حال ڈیتا جو اساں تے میلے تے تیار ہیں اوں آکھیا چھوٹا کم ہے اوندے بعد میلے تے کٹھے جولدے ہیں او آ گیا اوندا کم بازار ہا او کیتا اوندے بعد آفتاب جوگیانڑیں ،صفدر لنڈ ،ثناءاللہ ،مرید جروار تے میں خاکسار خضر عباس ملکانڑیں ڈو موٹر سائیکل تے روانہ تھی ڳئے شاہ صدر دین دی طرف راستے وچ جڈاں اساں پیر عادل شاہ پہنچے تے ڈو سنگتی مل ڳئے انھیں زورئے نال ٻھیلا گھتیا نا چاہندیے ہوئے چاہ منگوا گھدی آدھا گھنٹہ انھیں کوں ڈیونڑا آ گیا۔اساں بے تاب جو ٹائم نال میلے تے پوڃ ونجوں آخر کار اساں چھٹی گھیدی انھیں کنے اور شاہ صدر دین دی طرف رواں دھواں تھی ڳئے سائیں ساڈو ساڈے کلاس فیلو عاصم خان لنڈ دی کال آ گئ جو میں میلے آلی گلی وچ کھڑاں توساں آ ونجو میں انتظار وچ ہاں ۔ ثنااللہ دا ہک بھنڑیجہ تے ہک بھتریجہ وی کال کیتی جو اساں وی آ گئے ہیں میلہ کٹھے ڈیکھسوں۔اساں گلی جیرھی شاہ صدر دین شہر کنے پواہد (مشرق) دو ویندی ہئ اساں اوتھاں پوجئے جنھیں دا اوتے زکر کیتے او آ گئے کٹھے گلی کنے میلے دو ڳئے اور موازنہ کیتا ڈیرہ غازی خان میلہ تے شاہ صدر دین میلہ اے میلہ تھوڑے رقبے تے محیط ہا لیکن عوام ٻھوں ہئ اتنا رش ہا جو آدھا کلو میٹر گلی تو میلے تک ساکوں پیدل مشکل نال گزارنا پیا ٻھوں تنگ تھی میلے تے پوڃ گئے میں جھولے دیاں ٹکٹاں کٹا آیا لیکن جھولے تے اتنا رش جو زورے نال جھاں بنڑاونڑی پوندی ہئ خیر میں تے آفتاب ہک جھولے تے وڈی طاقت لا تے جاہ بنڑائی لیکن اوتھاں جیب کترے پارٹیے دی صورت وچ ہن ہک شاہ صدر دین جیرھا ٻھوں مشہور شہر ایں کم واسطے ثنااللہ دے بھنڑینجے دا موبائل کہیں اوں دوران کڈھ گھیدا جڈا اساں جھولا تو تلے لہ اے تے ساڈے تک اے خبر آئی اساں ایں واقئے دے بعد ہوشیار تھی گئ رش وچ جیب تے ہتھ میلے وچ او ہر چیز موجود ہئ جیرھی ڈیرہ غازی خان میلے تے ہئ اساں جھولے دے بعد بیڑے تے وی بیٹھے اوندے بعد میلے ساریے کوں ڈیٹھا۔ساڈا ہک پرانڑا یار جیرھا کہ ایف ۔ایس ۔سی وچ کٹھے پڑھدا ہا شعیب جروار آوندی کال آ گی پوچھا کیتھا ہیوے اساں میلے دا ڈسیا اوں آکھیا جو میں آندا پیاں میلے تو نکل تے شہر آ ونجو اساں میلے تو نکل آئے ہک جوس دی دکان تے آ بیٹھے ترھے وڈی زور دی لگی وڈی ہئ جھورے دیاں ٻھوتھیاں سوکیاں ودیاں ہن اساں جوس دی دکان تے بیٹھے اوں پہلے سادہ پانڑی ڈتا ولا جوس پیتو سے شعیب وی آ گیا۔اساڈا دل کیتا فرید ثانی سائیں احمد خان طارق ایں شاہ صدر دین دا ماݨ ایں دھرتی تے مدفن ہے ضرور فاتحہ ڈتی ونجوں اساں سارے دوست سائیں احمد خان طارق صاحب دی مزار تے حاضری ڈتی اللہ تعالی دے حضور دعا کیتی ۔اوندے بعد شعیب جروار اسرار کیتا کہ میڈے گھر جلو اساں آکھیا جو اساں ویندے واپس لیکن اوں نا منیا آخر او ڈاڈھا تھیا گھر گھین گیا ۔اوتھاں اساں اوندی بیٹھک تے ونج بیٹھے اوں اپنڑاں مال ڈیکھالیا جیرھا کہ ٻھوں وڈی اعلی نسل دا مال ٻھیڈاں لیلے ہن ٹوریاں پھیرایا اپنڑی جھوک وسوں ڈیکھالی۔آخر روٹی چا آیا فروٹ چا آیا چاول،نال بوتل تے چاہ وی چئ آیا اساں کٹھے روٹی کھادی چنگا بھلا لہزا اوندے بابا سائیں نال ٻھیراوئے نال مامے نال گپ کیتی یاداں سانجھ کیتیاں اساں اوڈو ڈینھ وی ڈھل گیا اساں چھٹی گھیدی اوندے بعد مرید جروار شیخانڑییے آلی پل کنے بخاری بوک جتھاں اوندا ٹھیا ہا اوتھاں گھین گیا خدمت کتی مٹھائی کھوائی بوتل چاہ اوڈو ٹائم پنج دا تھی گیا اساں چھٹی گھیدی ول ساڈا ہک کلاس فیلو توصیق راجا جیرھا شاہ صدر دین دا رہیشئ ہا اوکوں جو پتا لگا جو میلے تے اے ودین اوں کال کر ڈتی میڈو لازمی اوئے اساں واپس ویندے پئے ہاسے لیکن مختصر حاضری اوکوں ڈتی ٻٹاں لایاں ول اساں ڈیرہ غازی خان دا رخ کیتا شام 7:30 تے واپس ڈیرے آ گئے ہاسٹل آخر دوستے کوں چاہ پلائی تے اجازت گھیدی میکوں میڈے ہاسٹل تے آفتاب جوگیانڑیں پوچایا آفتاب وی رخصت منگی تھکا ودا ہا او اپنڑے ہاسٹل لگا گیا اساں اپنڑے ہاسٹل ول اے لیکن اج دیاں یاداں وکھریاں ہن ٻھوں لطف جیرھا توہاڈے نال اساں سانجھ کیتیاں ہین اے یاداں قلم بند کیتیاں گئین اے دل وچ وی ہمیشہ کیتے لکھیج گئین۔ سارے یار وسدے رہین سدا جیوین سارے سجنڑے دے تھوریت ہیں ٹائم کڈھیے نئے اور یاداں سانجھ کیتے نے توہاڈا اپنڑاں بھیرا حقیر فقیر ملنگ موالی شاعر خضر عباس ملکانڑیں خضر عباس ملکانڑیں (ڳالھ مُہاڑ) ٢٢:٢٧, ١١ مارچ ٢٠٢٢ (PKT)

6 مارچ

بسم اللّٰہ الرحمٰن الرحیمْ

"*6 مارچ اجرک دا ڈینھ*"

منجاب: ۔۔۔۔۔۔۔۔۔ ۔۔۔۔۔۔۔۔۔

*پاکستان عوامی سرائیکی پارٹی*

لکھت: ۔۔۔۔۔۔۔ ۔۔۔۔۔۔۔

( خضر عباس ملکانڑیں مرکزی صدر طلبا ونگ پاکستان عوامی سرائیکی پارٹی)

6 مارچ جیرھا کہ اجرک دا ڈینھ سرائیکی ثقافت دا ڈینھ ہے ہر پارٹی ہر جماعت ہر فرد اپݨے اپݨے طریقے نال اپنڑی ثقافت کوں اجاڳر کنڑ کیتے منائے ۔کیوں جو زندہ حیات قومیں دا دستور ہے اپݨی ثقافت اپنڑی شناخت اپنی پہچان زندہ رکھین۔ملک پاکستان وچ ٻھوں ساریاں قوماں وسدیں ہر بندا پہلے تے پاکستانی ہے لیکن ہر قوم دی پہچاݨ اپݨے ملک وچ انھیں دی ثقافت تو کیتی ویندی ہے غیر ملک وچ اساں سارے پاکستانی ناں پہچاݨ نال سڈیے ویندوں لیکن اپنے ملک وچ بطور قوم ہر کہیں دا اپنا صوبہ تے اوں صوبے وچ اوندی اپݨی ثقافت ہوندی ہے ۔بلوچ ٻھیراوے دا اپݨا طریقہ رہݨ سہݨ دا لباس ثقافت جدا ہے پنجابی ٻھیراوے تے پشتون ٻھیراوے تے اساں سرائیکی لوڳے کنے انویں وی ساڈے صوبے سرائیکستان وچ ساڈی الڳ ہک ثقافت ہے ساڈی سرائیکی قوم واسطے اجرک ہک مشہور ثقافت دا حصہ ہے جیندے نال ساڈی محبت جڑی ہوئی ہے اساں سرائیکی لوڳ عقیدت نال اے ڈینھ منیدوں۔

 جیوے پہلے اے ڈینھ منیدی ہئ پاکستان عوامی سرائیکی پارٹی انویں ہنیں سال مناوݨ کیتے پور جوش ہئ لیکن کجھ سیچوئیشن دی وجہ نال او سک پوری ناں تھی کیوں جو ساڈی پارٹی دے سربراہ بانی جنھیں بنیاد رکھی ہئ او جھوک لڈا ڳئے ایں پروگرام تو ہک ڈیرھ مہینہ پہلے جیندی وجہ نال ساری زندگی سوڳ مناؤ تھوڑا ہے ڈوجھا ڈو ڈینھ پہلے پشاور دا واقعہ سامݨے آیا جیندی وجہ نال ڈکھ وچ اضافہ تھی ڳیا ول اساں ایں پروگرام کوں ترے(3) حصے وچ تقسیم کیتا۔پہلہ حصہ 6 مارچ دے حوالے نال ثقافت کو نشابر کیتا ثقافت دے مقصد اپنی ثقافت نال محبت تے الفت دا پرچار کیتا۔ڈوجھاں سائیں اکبر خان ملکانڑیں بانی پاکستان عوامی سرائیکی پارٹی انھیں یاد وچ انھیں دے ماضی تے روشنی اور لب کشائی کیتی۔اللہ پاک دے حضور دعا مغفرت کیتی۔  تریجہ حصہ شہید پشاور انھیں دی یاد وچ غم دا پرچار کیتا انھیں دے وارثے دے ڈکھ وچ برابر دے شریک تھئے ایں ثانیے دی مزہمت کیتی اے وڈا ظلم تھئے ہک انسانیت دے مزہب نال جیندے وچ ایں مزہب کوں پامال کر ڈتا ڳئے اے سکیورٹی سسٹم تے سوالیہ نشان ہے ۔ ساڈی اپیل ہے وقت دے قوتیں کنے جلد از جلد مجرم دی تلاش کر کے اکوں تختہ دار کیتا ونجے اور کڑی سزا ڈتی ونجے۔

+پروگرام +

            پروگرام سادا طریقے نال 6 مارچ کوں پاکستان عوامی سرائیکی پارٹی مݨاون دا اعلان کیتا ہا بوجہ ثانیہ پشاور اور سائیں اکبر خاں دے وچھوڑے دا صدمہ ایں واسطے احترام کریندے ہوئے دول ،جھمر،مشاعرے تو اجتناب کیتا۔ سائیں اکبر خان ملکانڑیں دے ڈتے ڳئے سبق اور کیتے ڳئے کم کوں آگو تے ودھاوݨ کیتے 6 مارچ اڈیت دے ڈینھ سویرے 10 وجے نال سرائیکستان ہاؤس وچ سرائیکی نظریات تے ثقافت نال عقیدت رکھݨ آلے لوڳ کٹھے تھئے پروگرام دا آغاز تلاوت قرآن پاک تو کیتا ڳیا تعریف خدا دے  بعد تعریف محبوب خدا کیتی ڳئی نعت شریف پڑھن دا شرف حاصل کیتا ڳیا ایندے بعد مرکزی صدر یوتھ پاکستان عوامی سرائیکی پارٹی سائیں عبد لحادی خان گاڈی نے ثقافت دے ڈینھ تے روشنی ڈالی اور سردار اکبر خان ملکانڑیں دیاں کجھ یاداں سانجھ کیتیاں سرائیکستان صوبے دے مقصد ڈسیے اور لوگے نال محبت دا اظہار پشاور ثانیے دی مزیمت کیتی۔آخر تے چئیرمین پاکستان عوامی سرائیکی پارٹی سائیں سجاد اکبر خان ملکانڑیں نے تفصیلی گفتگو کیتی مختلف پہلوں تے روشنی ڈالی اور ثقافت دے مقصد ،سرئیکیستان صوبے کوں درپیش مسائل اور پشاور ثانیے دی بھر پور مزہمت کیتی۔ ایں پروگرام وچ شامل

چئیر مین پاکستان عوامی سرائیکی پارٹی سائیں سجاد اکبر خان ملکانڑیں۔مرکزی چیف آرگنائزیشن پاکستان عوامی سرائیکی پارٹی سائیں اکبر خان کھوسہ نائب صدر پاکستان عامی سرائیکی پارٹی سائیں اسلم خان ملکانڑیں چیف کوآرڈینٹر پاکستان عوامی سرائیکی پارٹی سائیں ابولحسن لغاری ضلعی صدر پاکستان عوامی سرائیکی پارٹی ذوالفقار خان ملکانڑیں تحصیل صدر پاکستان عوامی سرائیکی سائیں سلیمان خان گندی یوتھ صدر سائیں عبدالحادی خان گاڈی میں خاکسار مرکزی صدر طلبا ونگ پاکستان عوامی سرائیکی پارٹیخضر عباس ملکانڑیں مرکزی جنرل سیکٹری پاکستان عوامی سرائیکی پارٹی طلبا ونگ سائیں شمس خان واسی تے پاکستان عوامی سرائیکی پارٹی دے پروگرام وچ شامل سر راہ پاکستان ملکانڑیں اتحاد افضل خان ملکانڑیں عبدلغفار تھیم،ناصر خان جتوئی، عمران احمدانی،بلال جتوئی ذیشان لغاری،ربنواز سیکھانڑیں،عرفان خان،فیصل خان چنگوانی،غازی خان میرانی،مولی طارق،غلام فرید خان،حاجی امیر محمد خان،عبدلحمید خان، حسنین بخش پہلوان،حاجی حسن،حاجی ارشاد خان ،یاسر چنگوانی،محمد ریاض ،حامد ملکانڑیں ،اللہ وسایا ملکانی،محمد شاکر ملکانڑیں،اعظم خان لغاری،انصر کونسلر شاہ صاحب،عمران لکی صحافی ،ملک انصر کھنڈویا،ارشاد میرانی، ملک عرفان اور وی ٻئے سارے لوگ جیندے ناں میں میڈے ذہین تو کہ گئین سارے اجرک دے ڈینھ وچ ساڈے نال سانجھ کیتی پروگرام دے اختتام تے سائیں سردار اکبر خان ملکانڑیں دی مغفرت دی دعا تے شہید پشاور کیتے دعا اور سرائیکی نعرے تے اے پروگرام اپݨے انجام کوں پہنچ ڳیا۔ ایندے بعد رخصت عام ڈتی ڳئی لوڳ دل وچ محبتاں تازیاں اور یاداں نال ملبوس اپݨے گھرے دو روانہ تھی ڳئے۔ پاکستان عوامی سرائیکی پارٹی سارے ٻھیراوے دے ٹر آنونڑ تے دل نال تھورایت ہے جیون سرائیکی لوڳ جیوے سرائیکی

               سرائیکستان زندہ باد خضر عباس ملکانڑیں (ڳالھ مُہاڑ) ٢٢:٢٨, ١١ مارچ ٢٠٢٢ (PKT)

میلہ ڈیرہ غازی خان

"میلہ ڈیرہ غازی خان"

لکھت ۔۔۔۔۔۔۔ ۔۔۔۔۔۔۔

                *شاعر خضر عباس ملکانڑیں*

میلہ میل نال لگدے تے میل لوڳ بنڑیندے لوگ انتظار ءچ ہن میلہ لڳے تے میل ٻنڑاؤ۔سارے سال تے راہ ٻھلنڈݨ لوکیں دیاں اساں موکیاں تانگھ دی گھڑی ختم تھئ خوشیے دے لحے آئے جتھاں ریت ہئ زمین بر لاتھی ہئ کھوہ دا ناں مٹھا کھوہ ہا اوتھاں جڈاں میلے دا سامان آیا تے او ریت کیچ دے مل تو ودھ گئ ہر کہیں اپنڑیں وسعت مطابق اپنڑی اپنڑی دکان دا سامان آیا مٹھیاں ،چاول،جوس،گھنڈھیریاں،روٹی واسطے ہوٹل،چاہ دا ہوٹل تے گڑھ بدامیں آلا کھاونڑ پیونڑ دیاں سب دکاناں لگیاں۔سامن جیرھا میلے تے سیل تھیندے جیندے وچ ربڑ ،پلاسٹک دے گھیڈونڑے لاکٹ،چھلے موندریاں،پستول ،کلاشاں،شیشے ،کنگھیاں،گھڑیاں،بٹووے،غرض سیل دا سامان اوندیاں دکاناں لگ گیا۔نجومی وی آ تے اپنڑے تکڑے تڈیاں سٹ ڈتیاں طوطے سمیت ٻیھ ڳئے۔ٹوپیے ،کپڑیے،پھوکڑیے دے انجھ سٹال لڳ ڳئے۔میلے دا خاص سامان تے خاص دکاناں جیرھیاں عوام دی توجہ دا مرکز ہوندین اوندے وچ موت دا کھوہ ،لکی راݨی،چیڑیا گھر،وڈا چڈول ،ٻیڑا،ٹرین،گھوڑے آلا چڈول،چھوٹیاں ڳاڈیاں ،فوٹوں ٻنڑاونڑ آلیاں دکاناں لڳ گیاں۔انھیں ساریے دکانیں تے پراڈکٹ عورت کوں ٻنڑایاں ڳیا ہر ٹکٹ دی جاہ تے عورت کوں ضرور جاہ ڈتی ڳئی اوکوں توجہ دا مرکز ٻنڑایاں ڳیا۔روڈ تو لتھے ناں ہووؤ ہا لکڑیں وچ شاپر ٻدھی بندے روڈ تے جھلیندے ہن موٹر سائیکل سٹینڈ کوئی اٹھ ڈھا ہن تے ٻھوں وڈیاں ہن۔30 روپے تو گھین تے 50 روپے تک ٹوکن دے پیسے اے ہک میلے تے مقامی لوڳے دا کاروبار ہا جتھاں انھیں کوں ٻھوں وڈا فائدہ تھئے۔میلے دے مغرب دے پاسو اتنے تنبو جتنے کے ہک وسطی وسائی ونج سگدی ہے اوتناں گھوڑے ڈے تنبو ہن وڈی تعداد وچ گھوڑیاں انھے دے گھا نال موجود مالک اپنڑے اپنڑے تنبو وچ موجود گھوڑی دی قیمت دے مطابق ہر آنوݨ آلے گاہک نال مصروف ہن۔ گھوڑے دی دروک دا عمل وی جاری ہا اوتھاں کبڈی ۔ملھینڑ جاں گھیڈاں گھیڈیاں ویندیاں پیاں ہن اور انھیں دے الگ پڑ ہن۔چڈول دی تے آپنڑی چس ہئ لیکن اوتھاں شناسی وی موجود ہن جیرھے اپنڑیاں پوڑیاں، دوائیاں ،تیل مطمئن کر تے لوکیں کوں ڈیندے پئے ہن۔ میلے تے بندے کوں محتاط تھینوڑا لازمی ہے ۔ایں میلے دی خوشی وچ کی گھر غم دا ساماں وی برپا تھئے اے روڈ جیرھا کہ ڈیرہ غازی خان پل ڈات تو سخی سرور ویندے ٻھوں مصروف روڈ ہے کیوں جو سخی سرور تو بجری،پتھر تے کوئٹہ تو پھل واسطے ٹرک ڈیرہ غازی خان تے ایندے نواحی علاقے ویندین ایں واسطے اتھاں پہلے وی رش ہوندا ہا میلے دی وجہ نال رش ودھ گیا تے جیتھاں ایکسیڈنٹ وی تھئے ۔خوشی نال نال نقصان دا سامنڑاں وی کرنڑاں پئے ڳیا۔ چیڑیا گھر وچ جتنا کوڑ سپیکر تے ماریا ویندا پیا ہا انویے ہا کینا ۔لوکے کنے وڈا پیسا کمائے انھیں ۔ساڈا وی ونجڑاں تھئیا ۔اساں وی میلے دی چس چاتی جتناں چیزاں اوتے ہین اوہے ڈیکھنڑ کوں میلیاں۔ڈھیر سارے لوک ہن چھٹے ٻالیں تو گھین تے بزرگ لوکیں تئیں۔ اے سارا آنکھیں ڈیٹھا حال ہا جیرھا گوش گزار کیتا گئے خضر عباس ملکانڑیں (ڳالھ مُہاڑ) ٢٢:٢٨, ١١ مارچ ٢٠٢٢ (PKT)

غزل

کڈھا فرصت وچ سوچیندا تے ہوسی۔ او ویلھا پرݨا تے منظر عجیب ہین۔

ہن لوک چنگے جیرھے چھوڑ گئے ہن۔ او ہر وقت ہر دم دل دے قریب ہن۔

محبت دی دولت دے ٻھوں بادشاہ ہن۔ انویں تے سچ مچ محض غریب ہن۔

نکھڑیوں تاں شائت مزاج وی بدلیا ڳئے۔ جیکوں ڈیکھوں لگدے حریف ہین۔

کھیلدیںے کھیلدے خضر آہدا گئے۔ ہنڑ سائیں میڈے مرید ہین خضر عباس ملکانڑیں (ڳالھ مُہاڑ) ٢٢:٢٩, ١١ مارچ ٢٠٢٢ (PKT)

برسی سائیں اکبر خان ملکانڑیں

• سائیں اکبر خان ملکانڑیں دی یاد وچ ضلع کونسل تعزیتی ریفرینس دا حال*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تحریر:

                 "خضرعباس ملکانڑیں مرکزی جنرل سیکٹری پاکستان عوامی سرائیکی پارٹی طلبا ونگ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضلع مظفر گڑھ وچ راہوݨ آلے سید بادشاہ سائیں غلام علی بخاری نے سردار اکبر خان ملکانڑیں دی یاد وچ ہک تعزیتی کٹھ دا انعقاد کیتا۔ایں انعقاد دا ٹائم ٹیبل تے تے وار سردار اکبر خان ملکانڑیں دے وڈے پتر انھیں دی جاہ تے چیر مین دا انتظام سمبھالنڑ سائیں سجاد اکبر خان ملکانڑیں کوں ڈسایا۔معمول مطابق سائیں سجاد اکبر خان ملکانڑیں نے اپنی پارٹی دے میں سمیت ہر ہک بندے کوں ڈسایا جو بروز ہفتے تیار راہنوڑے تے ضرور ڃولسوں۔سید غلام علی بخاری صاحب دے ایں پروگرام دی مشاورت وچ ٻھوں کردار سائیں ظہور احمد دھریجے دا وی ہا اور مقامی لوگے وی معاونت وچ حصہ گھیدا ۔صبح ہفتے سائیں سجاد اکبر خان ملکانڑیں دی ٻالڑی بیمار تھی ہئ جیندی وجہ نال باعمر مجبوری ساڈے نال نا ونج سگیے ۔سائیں اکبر خان ملکانڑیں دے بھیرا سائیں اسلم خان دی زیر سرپرستی ساکوں سائیں سجاد اکبر خان ملکانڑیں روانہ کیتا۔جیندے وچ ساڈی پارٹی دے چیف ارگنزیشن سائیں اکبر خان کھوسہ صاحب،ڈوژنل کوآرڈینٹر سائیں ابولحسن لغاری صاحب،طلبا ونگ دے مرکزی صدر انجینر عبدالحادی خان گاڈی صاحب جنرل سیکٹری طلبا ونگ خضر عباس ملکانڑیں میں خاکسار تے سرائیکی دانشور سائیں احسان چنگوانی صاحب شامل ہن۔ سفر دے دوران راستے وچ سائیں اکبر خان ملکانڑیں تے سائیں اسلم خان ملکانڑیں دے مشترکہ دوست اشتیاق رائے جیرہا کہ ہک ٻھوں وڈے پیو دا پتر رائے اللہ بخش دا بیٹا ہا اے زمیندار گھرانے نال تعلق رکھدا ہا انھیں دے والد صاحب وائس چئیر مین وی رہ چکے ہین مل گیا۔اساں گاڈی تو لیہ کے اکوں ملیے او وڈے ادب نال استقبال کیتا اسرار کیتا ونجنڑ دا لیکن او ساکوں نال ہی ہک کوئٹہ نمکین ہوٹل ہا اوتھاں گھین ڳئے ٹائم چونکہ روٹی دا ہا ایں واسطے انھیں روٹی دا آرڈر کیتا کھانے وچ وڈا گوشت ،دال ماش چپس تے یخنی منگوائی ۔کھانے تو بعد چاہ پلوائی ۔ٻھوں گپ کیتی زورے نال چھٹی گھیدی دل ساڈا وی نا آہدا ہا جو ہک خوش مزاج شخص ہن ساڈی محبت انھے دے کلب وچ ٻیھ ڳئ ہئ جیندی وجہ نال آہدے رہ ڳئے جو جاہ تے جلو۔خیر ولا ملنڑ دا آکھ تے اساں روانہ تھی ڳئے۔اساں مظفر گڑھ پہنچے تے ساڈے تو پہلے ظہور احمد دھریجہ صاحب موجود ہن ڳلکڑی پا تے ملیے شریف خان لاشاری وی استقبال کیتا۔ ساڈے ونجڑ دے بعد پروگرام شروع تھی گیا کیونکہ علاقے دے لوگ پہلے کنے موجود ہن۔حسب معمول آغاز تلاوت کلام پاک تو تھیا ،کلام خدا دے بعد تعریف محبوب خدا دی کتی گئ ،ثناہ خانی دے بعد سلسلہ تقریر دو آگیا اتھو دے لوگے ٻھوں احسن انداز نال سائیں اکبر خان ملکانڑیں دی جرات کوشش کاوش محنت عظمت کوں سلام پیش کریندے رہ ڳئے ،سرائیکی صوبے دے بارے ڳالھیں تھیا ۔مظفر گڑھ دے حقوق دی ڳال تھیندی رہ ڳی۔اسلم خان کوں ادب تے شان نال سٹیج تے سڈیا گیا ۔اسلم خان نے علاقے دے لوگے شکریہ ادا کیتا سردار اکبر خان ملکانڑیں دیاں چند یاداں بیان کیتیاں سائیں سرور کربلائی دا کلام آ خر وچ نظم دی صورت وچ پیش کیتا۔آخر تے پروگرام دی صدارت کرݨ والے سائیں ظہور احمد خان دھریجہ کوں ٹائم ڈیتا انھیں اپنی تقریر وچ اپنے ساتھی اکبر خان ملکانڑیں دی جدائی تے ٻھوں اظہار افسوس کیتا۔سلوٹ کیتا سائیں اکبر خان ملکانڑیں دے فوٹو کوں اور سرائیکی ہیرو سائیں کوڑے خان دی تاریخ بیان کیتی جیندے وچ ڈسیا انھیں اپنی ساری زمین تعلیم دے نظام کیتے وقف کیتی کوئی 80 ہزار اکیڑ زمین ہئ انھیں دی۔انھیں 1880 وچ پل بنڑایا جیرھا اجاں تی ہے پیا انھیں راہ لللہ وقف کیتا ہا قوم واسطے لیکن اج ٹول پلازے دی صورت وچ ٹیکس حکومت گھیندی ٻیٹھی ہے اور شہد مظفر دی گال کیتی جیندے ناں تے اے شہر ہے شہد مظفر اپنے بالے بچے خاندان سمیت رنجید سنگ دے خلاف لڑیا اور شہد تھی ڳیا۔ مظفر گڑھ دی آبادی 6 لکھ ہے اتھا ہک یونیورسٹی کینی اتھو لوگے نال نا انصافی ہے لاہور ہک روڈ تے 7 یونیورسٹیاں ہین اتھا جتھا ہک ضلع دی آبادی ہے جو یورسٹی کہنی۔ڈوجھا اتھا پلانٹ ہے اور اتھا نوکریاں مقامی لوگے دیاں کینی پالوشن تے کنیں علاقے وچ ہے لیکن نوکری تو اے لوگ محروم ہین۔ساڈے سرائیکی خطے دیاں فصلاں ٻھارو ویندین لیکن وافر مقدار وچ یوریا پیدا تھیونڑ عالی لین وچ کھڑ تے پیسے نال وی ٻڑی مشکل نال کسان کو میلدی ہے اے وڈا ظلم ہے۔ایں کٹھ وچ اے آکھیا گیا جو ساریاں تحریکاں مل ونجین اور ہک پلیٹ فارم تے آوین اور ہک طاقت ٻنرن انھیں دا مشترکہ مسئلہ سرائیکی صوبہ ہے ۔جیرھی پارٹی تاہاکوں ووٹے دے راہ تے صوبے دا لولی پاپ ڈیوے اوندے نال ناں کھڑے ۔ہاں کوڑا کرو جو کمر جاوید باجوا دی توسیح کیتے ساریاں جماعتاں ہکی لین وچ کھڑ تے حمایت کیتی ہاوے او تے ہک فرد واحد ہا اتھا ہک قوم ہے ایندے واسطے کیوں نہوے کھڑدے۔ اور آکھیا گیا جو سیاسی لوگ مفاد پرست ہین جیتھا مفاد ہوسی اوتھاں ویسین اور اے سویلے ہک پارٹی وچ ہین شام ٻی وچ انھیں کوں پتا ہوندے کون اقتدار تے آوسی اے اپنے بندے ضرور او پارٹی وچ کھڑیندین۔ساڈے سرائیکی جیرھے سیاسی لوگے دے تلوے چٹیندین چھوڑ ڈیوین۔منافق نا ٻنڑین جو انھیں کوں خاص پتا ہے اے لوگ لوٹیرے ہین ولا انھیں نال کیوں کھڑین۔ پروگرام دے اختتام تے سردار اکبر خان ملکانڑیں واسطے ڈھیر ساری دعا منگی گی فاتحہ آکھیا گیا۔ ایں پروگرام وچ جنھیں کوں اساں سونجاڑ دے ہاسے او ظہور احمد خان دھریجہ،شریف لشاری،ملک جاوید چنڑ ایڈوکیٹ،سراییکی سنگر صوبیہ ملک،حسنین،احسان چنگوانی،اکبر کھوسہ ،ابولحسن لغاری،انجنیر عبدالحادی خان گاڈی،خضر عباس ملکانڑیں،سرائیکی شاعر ساحل،محسن خان،سید افتخار رضوی،ٻئے وی ڈھیر لوک ہن جنھیں دے ناں ذہین تو لیہ ڳئین۔اخر تے اجازت منگݨ لگے تے سید غلام علی بخاری نے آکھیا کھانا کھا کے ویسو ٻھوں آکھیا جو بوکھ کہینی لیکن او اپنے گھر گھین ڳئے کھنا پروٹکول نال کھویا۔سارے دوستے کو ملیے تے انھیں کنے چھٹی گھیدی آخر تے سائیں ظہور احمد خان دھریجہ نال مکلوا تے اساں گھر دو روانہ تھے رات دا ویلھا ہا اساں سارے پارٹی دے بندے ہاسے پروگرام دے بارے ڳالھیں کریندے آندے ہاسے اچانک ساڈی کار پنچر تھی پئ خدا کیتے متبادل ٹائر ہا تبدیل کیتا۔راستے وچ اسلم خان دے آکھیے تے چوک قریشی چاہ کیتے تھوڑا ہوٹل تے رکیے ۔چاہ پیتی تھوڑا لہزا بیٹھے اوندے بعد روانہ تھے سائیں سجاد اکبر خان ملکانڑیں ساڈے نال رابطے وچ رہ گئے۔اخر اساں پل ڈات تے آ گئے ۔اپݨے گھر واسطے ہر کہیں کوں مل تے روانہ کیتا میں وی اپݨے ہاسٹل آ گیا خیر نال۔ دعا ہے اللہ پاک سردار اکبر خان ملکانڑیں دے درجات بلند کرے آمین خضر عباس ملکانڑیں (ڳالھ مُہاڑ) ٢٢:٣٠, ١١ مارچ ٢٠٢٢ (PKT)

ڈوڑھا

تیکوں جلدی ہئ توں نکھڑیا گئ اساں اوکھے ہیں ساڈی نئ نبھدی

تیڈی ذات کوں اے اندازہ ہا جیوے نال تیڈے ہئ پئ نبھدی

ساکوں خوف نا کوئی وسواس ہاسے نت خوشیاں نال جو ہئ نبھدی

ہنڑ کوشش ہے بیا چس کینی بھاوے جو وس لاو سائیں نئ نبھدی خضر عباس ملکانڑیں (ڳالھ مُہاڑ) ٢٢:٣٠, ١١ مارچ ٢٠٢٢ (PKT)

ڈوڑھا

تیڈا میل سوہنوڑ نی بھلدا تیڈا سیج تے بھاونڑ نی بھلدا یاد آندی ہے سچی پیت تیڈی تیڈا کھل الاونڑ نئ بھلدا خضر عباس ملکانڑیں (ڳالھ مُہاڑ) ٢٢:٣١, ١١ مارچ ٢٠٢٢ (PKT)

سرائیکی مضمون

غازی یونیورسٹی تے سرائیکی مضمون دا مسئلہ۔ ۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔ دیرہ غازیخاں وچ غازی خان میرانی دے ناں اتے ہک یونیورسٹی کافی عرصے توں قائم تھی چکی اے۔لیکن پہلے ڈینہ توں اے کہیں تنگ دل تے متعصب نظر دے وات آ گئی ہے۔ایندا وائیس چانسلر ہک پنجابی فیصل ابادی آرائیں ہے۔جیرھا سرائیکی لفظ، سرائیکی زبان تے سرائیکی دے ناں توں سڑدے۔تے اللہ بھانویں سڑدا راہوے۔ ہر سال وانگوں ایں سال وی غازی یونیورسٹی وچ نویں داخلے دا شیڈول آ گئے۔جیندے وچ سرائیکی سبجیکٹ کئے نیں، شنید ہے جو وی سی صاحب فرمائے آندے سال سرائیکی کلاسز شروع کریسوں۔ اے صرف ٹال مٹول آلی گالھ ہے۔ حالانکہ سرائیکی دی ایں یونیورسٹی واسطے کتواں سال اے منظوری تھئی پئی اے۔ اے صرف ایں متعصب تے انتہا پسند پنجابی فرد واحد دا فیصلہ ہے۔ ایں توں پچھو کیا اتھاں سرائیکی بالیں کوں سرائیکی پڑھنڑ دا حق کئے نیں۔ دیرہ غازیخاں تاریخی سیاسی سماجی ثقافتی تے قومی شناخت دے حوالے نال مکمل طور تے سرائیکی ہے۔ بچہ بچہ سرائیکی الیندے، ایں شہر دے واسی ،بلوچ ،پٹھانڑ، سندھی ،مہاجر، سید، قریشی، بزدار،احمدانڑیں، ملکانڑیں،میرانی،چنگوانی،رانڑے، کھوسے،لغاری،دریشک،مزاری،لنڈ،قیصرانی، واگھے،بھٹے،گاڈی،ملک، جٹ، لشاری، قاضی، رند، بھٹی،چنڑ، روہیلے،کچھیلے،جتوئی،چانڈیہ ، وڈانی ، مراثی ،نائی، کٹانڑے، بھنگی ، درکھانڑ، کمبھار وغیرہ سبھے سرائیکی ہن،سرائیکی آندے پئیں تے سرائیکی ہوسن۔ اے سبھے بالیں بچیں سمیت سرائیکی الویندن، انھیں دیاں مجالس،مشاعرے،کٹھ، سنگ، جھمر، میل ، کچاریاں، بولیاں، لولیاں سرائیکی وچ صدیں دی شناخت رکھدئین۔ دیرہ غازیخاں جگ مشہور سرائیکی شاعر سرور کربلائی دے آباؤ اجداد دا شہر ہے، سرور کربلائی دا خاندان نواب غازی خان میرانی توں سرائیکی بولیندا آندے۔ ایندے علاؤہ سید محسن نقوی دا خاندان سرائیکی مجالس تے عزاداری وچ پورے پاکستان وچ جانڑیاں سنجانڑیاں ویندے۔ سرائیکی دے ہر دلعزیز شاعر سئیں عزیز شاہد دا خاندان اپنے پیو ڈاڈے توں سرائیکی دی خدمت کریندا اندے۔ جیکوں تساں مہاجر اہدو ، دیرے دا میاں غلام سرور بودلہ او وی اپنے خاندان سمیت سرائیکی ہن۔انھیں دے پتر پوترے نواسے سرائیکی الویندن۔ دیرے دے سیاسی گھرانیں وچ سردار ذوالفقار کھوسہ دا پورا خاندان سرائیکی الویندے۔ موجودہ سی ایم سردار عثمان خاں بزدار صاحب دا ابا سئں سردار فتح محمد خان بزدار مرحوم بلوچکی دے نال پوری سرائیکی زندگی گزاری اے، انھیں دا خاندان آج وی سرائیکی الویندے۔ دیرے وچ کوئی بلوچ وغیرہ چوکھی تعداد وچ بلوچی بول سگدین؟ اے سرائیکی شہر ہے،سرائیکی پڑھنڑ تے پڑھانونڑ دا حق رکھدے۔ اساں وی سی غازی یونیورسٹی دے رویے دی مزمت کریندوں، جیرھا اپنے ناجائز اختیارات دا استعمال کر تے سرائیکی کلاسیں دی منظوری دے باوجود داخلے روکی بیٹھے،تے ہر دفعہ اگلے سال تے ٹلیندا بیٹھے۔ اساں وزیراعظم، وزیر اعلیٰ تے گورنر توں اپیل کرینداں جو او غازی یونیورسٹی دیرہ غازیخان وچ سرائیکی کلاسز شروع کراون، تے متعصبانہ رویے دے حامل شخص دا تبادلہ کیتا ونجے۔ با امر دیگر اساں احتجاج دا پورا پورا حق رکھدوں، اساں یونیورسٹی دے باہروں وی سی دے خلاف چوک تے سرائیکی طلبا و طالبات تے سرائیکی لوکیں دا احتجاجی جلسہ کریسوں۔

محمد اکبر خاں ، ذات ملکانڑیں، قوم سرائیکی۔ چیرمین پاکستان عوامی سرائیکی پارٹی دیرہ غازیخاں۔ 27 اگست 2021 ،جمعہ خضر عباس ملکانڑیں (ڳالھ مُہاڑ) ٢٢:٣١, ١١ مارچ ٢٠٢٢ (PKT)

مثنوی

‏سرائیکی زبان کے ملک الشعراء مولوی لطف علی بہاولپوری نے 1195 ھجری بامطابق 1781ء میں اپنی تصنیف سیفل نامہ( مثنوی سیف الملوک) تخلیق کی جس کو محققین کی اکثریت کسی بھی زبان میں لکھی گئی مثنوی کواولین مثنوی قرار دیتے ہیں۔ مولوی لطف علی بہاولپوری کی جائے پیدائش ملتان ہے اور ان کا سن پیدائش 1714ء ہے۔ اور سن وفات1794ء ہے۔ مولوی لطف علی کے نام کے ساتھ بہاولپوری اس لیے ہے کہ انہوں زندگی کا زیادہ حصہ بہاولپور میں گزارا ۔ مولوی لطف علی بہاولپوری کی شخصیت اور ان کے ادبی سفر ان کی تخلیقیات پر بہت کچھ لکھا گیا تاہم ڈاکٹر انوار احمد اور مجاہد جتوئی کی کتب سے بہت زیادہ استفادہ کیا گیا۔ مولوی لطف علی بہاولپوری کا قلمی نسخہ بھی ہے جس کی ایک نادر اور نایاب تصویر دی جارہی ہے۔ خضر عباس ملکانڑیں (ڳالھ مُہاڑ) ٢٢:٣٢, ١١ مارچ ٢٠٢٢ (PKT)

ماء بولی

" ماء بولی"

                   ۔۔۔۔۔۔۔۔۔۔۔۔
                   ۔۔۔۔۔۔۔۔۔۔۔۔

لکھت ۔۔۔۔۔۔۔۔ ۔۔۔۔۔۔۔۔

      «شاعر خضر عباس ملکانڑیں»

کہیں وی قوم دی بنیادی اکائی زبان ہوندی ہے ۔ جیکوں آساں ماء ٻولی دا ناں ڈیندوں۔قوم دی سنجاݨ زبان نال ہوندی ہے ۔زبانے دے ناں تے قومیں دے ناں ہوندین ۔سندھی بولݨ آلیے کوں سندھی آکھیے ویندے اوندی بولی دی وجہ نال پشتو ٻولݨ آلیے کوں پشتون ،پنجابی ٻولݨ آلیاں کوں پنجابی تے انویں وی ساڈی زبان سرائیکی ساڈی پہجاݨ ،سنجاݨ ہے ۔اساں ملک دے کہیں کونے تے ہووں لہجہ ڈیکھ کے اے اندازہ لایا ونج سگدے اے سرائیکی ہے ۔ساڈی حکومت دے وزیر خارجہ وزیر اعلیٰ جڈا اقوام متحدہ وچ ٻھاندین ہک ڳال آکھ تے اندین۔او ہک ڳال وعدہ ہوندا ہا۔جو جیرھی بنیادی تعلیم ہے اساں ہر قوم کوں انھیں دی زبان وچ ڈیسوں۔پرئمری مطلب پنج تک پنجابیے کوں پنجابی ،سندھیے کوں سندھی،بلوچے کو بلوچی اور سرائیکیے کوں سرائیکی وچ ڈیسوں۔کافی قومے نال اے وعدہ وفا وی تھیندا رہ گیا وقت نال نال ڈو ہزار پندرہ وچ پنجابی زبان دی تعلیم وی جاری تھی ڳی۔لسانی طور تے ہک قوم سرائیکی نال وانجھ کیتا ڳیا انھے دے ٻالے کوں سرائیکی وچ تعلیم ناں ڈتی ڳئ۔ایف۔اے وچ ہک مضمون سرائیکی دا شامل ہا او وی اختیاری طور تے جو رکھݨ چاہوے۔لازمی طور تے سرائیکی دا مضمون شامل نا کیتا ڳیا۔اڳو سرائیکی ڈیپارٹمنٹ وی کینا ہا ۔بی۔ایس سرائیکی وی ٻھوں ساریاں یونیورسٹیاں جیرھیاں سرائیکی وسیب وچ ہن اوندے وچ کینا ہئ۔سرائیکی قوم دے لیڈر قوم کوں جگیندے رہ گئے احساس ڈیویندے رہ گئے ۔مقدمے درج کیتے عدالتے وچ ۔سرائیکی قوم دے کٹھ ۔دھرنے سڑکے تے اے ہک پیغام حکومت کوں ڈوایا ۔سرائیکی قوم وی ہے ۔بلا آخر نو فروری کوں حکومت اے فیصلہ کیتا سرائیکی کوں وی بطور مضمون پرئمری ،مڈل،ہائی ،سکینڈری،گرییجویشن،تے ماسٹر لیول تے پڑاھایا ویسی۔کوئی جاب ریشو ہوندی ہے او مضمون وچ ونڈیندی ہے ہوݨ سرائیکی دی سیٹ جیرھا سرئیکیے دا حق ہا او سرئیکیے کوں میلسی۔انویں وی اجاں ساکوں ڈھیر جہدو جہد دی لوڑھ ہے اجاں ساکوں بطور سرائیکی اپݨی شناخت گھینڑی چاہیدی ہے ۔اڃاں ساڈے صوبے آلہ موقف انوے اپݨی جاہ تے کھڑے کیوں جو ۔لسانی،جغرافیائی طور تے ساڈا حق الگ صوبہ ٻنڑدے اے ساڈا حق اجاں حکومت کنے ادھار ہے ۔اڳر قوم سرائیکی اجاں تک کجھ اپݨی قوم کوں نال نئ ملا سڳیے تے ضرور کوشش کرین پہلے اپت وچ جڑ ونجین ولا ونج کے ہک ڈینھی اپݨی شناخت گھینسوں تے ضرور گھینسوں سرائیکستان زندہ باد خضر عباس ملکانڑیں (ڳالھ مُہاڑ) ٢٢:٣٢, ١١ مارچ ٢٠٢٢ (PKT)

ڈوڑھا

گئے تھک ہین روز الاونڑتو ہوندے نال ہن کل تیڈے سنگتی ہن۔

کوئی زندگی ساری تگدا نی بس پل ڈو پل تیڈے سنگتی ہن۔

چھٹ نال ٻلھا تے خوش کرگئے او میٹھے پھل تیڈے سنگتی ہن

کوئی آپ تو آپ جدا تھیندے ہین مونجھاں گل تیڈے سنگتی ہن خضر عباس ملکانڑیں (ڳالھ مُہاڑ) ٢٢:٣٣, ١١ مارچ ٢٠٢٢ (PKT)

غزل

لگدیاں جو ہن محفلاں یاریں دیاں کڈاہیں اج تلاش رزق وچ کوئی کیتھائی کوئی کیتھائی

نئ خبر پل دی کوئی جتھ ڈیرے یار دے اساں وی دور ہیں اوندی وی نی رسائی

کل تئیں جیرے لوگ کٹھے ساڈے ہوندے ہن جتنا وی زور لاؤ ول ساکوں میلنڑے نئ

کیا تھیا جو کڈھا رابطہ تھیا موبائل تے آہدے ہن میلدے پئیں ہیں اج سبھائی

ایں روسیاں خوشیاں قریب تھیے نکھیڑے خواب وچ سجنڑ ساڈے کئ کئی ڈینھ ولدے نئ خضر عباس ملکانڑیں (ڳالھ مُہاڑ) ٢٢:٣٤, ١١ مارچ ٢٠٢٢ (PKT)

ڈوڑھا

اساں واسی سرائیکی صوبے دے اساں حق دا نعرہ لائی رکھسوں

اے نعرہ جان تو پیارا ہے تھیسی انت نتارا لائی رکھسوں

انصاف دی خاطر جند ڈیسوں اساں روز قطاراں لائی رکھسوں

ساڈے ست کروڑ سرائیکی ہین سرائیکستان دا نعرہ لائی رکھسوں خضر عباس ملکانڑیں (ڳالھ مُہاڑ) ٢٢:٣٤, ١١ مارچ ٢٠٢٢ (PKT)

نظم

نظم: ۔۔۔۔۔۔ ۔۔۔۔۔۔

                     "بہار"

شاعر: ۔۔۔۔۔۔۔ ۔۔۔۔۔۔۔

             *خضر عباس ملکانڑیں*

تئیں باجھوں ساکوں لگدی ہے رت پھیکی چیتر بہار دی ہے

پھل نسریے پیلے سرمی دے اے موسم سیند سنگار دی ہے

سب سینگے مل تے کھیڈدے ہین ہر ہک دی پیت پیار دی ہے

بسریم تے قطرے شبنم دے سوہنڑی حالت سبزاہ ذار دی ہے

سرمی ءچ چیکنڑ چیڑیے دا ہر پاسے کوؤ چلکار دی ہے

کوئی دھپ تےکوئی مینھ منگدے ساکوں سیکھ تیڈے دیدار دی ہے

انویں رونقاں ٻیٹ دا ہر جاہ ہین

پر  تیڈی  تیاری   پار  دی   ہے

ہنڑ مال ولا وا ٻھانڑیں تے لائی ڃا آئی کھاں وی تار دی ہے

تیڈی مونجھ تو دوٻڑے سک گئے ہین جیوے حالت اج تیڈے یار دی ہے

ساہ ساڈے وس نئ آ خضر اہیا رت تے ساڈے پیار دی ہے خضر عباس ملکانڑیں (ڳالھ مُہاڑ) ٢٢:٣٤, ١١ مارچ ٢٠٢٢ (PKT)

جزبہ انسانیت

• تحریر:*

۔۔۔۔۔۔۔۔۔۔۔ ۔۔۔۔۔۔۔۔۔۔۔

               شاعر خضر عباس ملکانڑیں مرکزی جنرل سیکٹری پاکستان عوامی سرائیکی پارٹی طلبا ونگ

• • منتخب عنوان**

                   *"ٻالے دے اندر جزبہ انسانیت"*

_________________________ _________________________

فلسطین دے ہک سکول ءچ استانی ٻالے کوں آکھیا سویرے توہاڈا ٹیسٹ ہے تے میڈا وعدہ ہے جیرھا توہاڈے وچو پہلی پوزیشن گھینسی میں اوکوں انعام ڈیساں۔انعام ءچ اے ہا جو نوی ڃوتی گھین کے ڈیوݨ دا وعدہ کیتا۔جڈا ٹیسٹ تھیا استانی ٹیسٹ چیک کیتا ٻال تے سارے محنتی ہن پڑھی ودے ہن کہیں کوئی غلطی ناں کڈھ سڳی ۔نمبر ساریے دے ہکو جیتنا آئین۔استانی ٻالے نال صلاح کیتی نمبر تے ساریے دے برابر ہین ہنڑ انعام وی ڈیونڑے ۔انویے کیتا ونجے پرچیاں پاتیاں ونجین ۔کرعہ اندازی کیتی ونجے جیندا ناں نکل آیا اوکوں انعام میلسی ۔توساں اپݨے اپݨے ناں لکھو۔ناں لکھیج گئے ڈبہ استانی منگوایا ساریاں پرچیاں ڈبے وچ سٹوا ڈتیاں۔چنڳی تراحاں تے رلا ملا کیتا جو کہیں نال نا انصافی نا تھیوے ۔کہیں دی حق تلفی نا کیتی ونجے۔جڈاں مکس تھی ڳیاں پرچیاں ہک چھوٹے ٻال کنے پرچی چوائی ساریے دے سامݨے کھولی تے ناں نکل آیا وفا عبدلکریم ۔ساریے ٻالے تاڑیاں ماریاں ۔وفا عبدلکریم دے آنکھیں وچو ہنجوں نکل آیاں انوں اپݨا انعام وصول کیتا جو اپݨے پاڑیے بیریے لیر کتیراں کپڑیے کنے تنگ تھی گئی ہئ ۔والد دا سایہ سر تے کینا ہا ماں مجبور بے وس ہئ ایں واسطے اوندے کیتے جوتی وڈی قیمتی ہی اے انعام ٻھوں معنی رکھدا ہا ۔

              جڈاں استانی گھر گی تے رو تے اے کہانی آپڻے شوہر کوں سونڑایوس ۔اوندا شوہر خوش تھیا جو ہک حقدار کوں اوندا حق مل گئے نال اے پوچھا جو توں روندی کیوں ہنوے؟ ایں گال تے استانی دیاں اکھیں ساوݨ دا بادل بݨ وس پیاں ڈسیا جو میکوں وفا عبدلکریم کوں جوتی ملݨ تے ٻیے ٻالے دا احساس ہے جو جڈاں میں باقی پرچاں کھول کے ڈیٹھیاں تے ساریے تے وفا عبدلکریم دا ناں ہا ساریے ٻالے اوندا ناں لکھیا ہا ۔انھیں کوں معصوم وفا عبدلکریم دی مجبوری تے لاچاری دا احساس ہا لیکن ساڈے معاشرے کوں کینی حتہ کہ ساکوں آپ کوں کینی ۔
              ساڈے ہک استاد ساکوں آکھیا ہا جو ٻالے دے اندر اگر احساس پیدا کرنڑیے تے انھیں کوں سخاوت دا درس ڈیو ۔ساڈے کئ اسلاف دے بارے کتابے ءچ موجود ہے جو  خیرات،صدقات،زکواۃ اپݨے ٻالے دے ہتھوں تقسیم کراؤ ۔انھیں کوں بچپن وچ وی احساس تھیوے سخاوت دے عادی تھیوین ۔اور غریبے دی لا چاری کوں سمجھ سڳین۔ خضر عباس ملکانڑیں (ڳالھ مُہاڑ) ٢٢:٣٥, ١١ مارچ ٢٠٢٢ (PKT)

محسن نقوی

• "تحریر"*:

۔۔۔۔۔۔۔۔ ۔۔۔۔۔۔۔۔

                 "شاعر خضر عباس ملکانڑیں مرکزی جنرل سیکٹری پاکستان عوامی سرائیکی پارٹی طلبا ونگ"

• • منتخب عنوان**

• "غلام عباس عرف محسن نقوی"*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

         اردو ادب دے جڳ مشہور شاعر غلام عباس المعروف سید محسن نقوی 5 مئ 1947ء کوں سر زمین ڈیرہ غازی خان دی نشابر جاہ 45 بلاک وچ اکھ کھولی۔محسن نقوی دا پیدائشی ناں سید غلام عباس نقوی ہا ۔شاعری وچ اپݨا تخلص محسن نقوی لکھدے ہن۔انھے دی لازوال شاعری دی وجہ نال انھیں کوں ٻوں شہرت ملی۔محسن نقوی نے ملتان وچو گریجویشن کیتا۔گریجویشن دے بعد جامعہ پنجاب ادارے وچو ایم۔اے۔اردو کیتا۔ایم۔اے ۔اردو کرݨ دے بعد انھیں دا پہلا مجموعہ کلام سامݨے آیا۔بعدازاں  لاہور منتقل تھی گئے۔اوتھاں لاہور وچ علمی ادبی سر گرمیاں ءچ حصہ گھینڑ شروع کیتا۔جیندی وجہ نال انھیں کوں بے حد مقبولیت ملی۔

• *چنتی ہیں میرے اشک رتوں کی بھکارنیں*
• محسن لٹا رہا ہوں سر عام چاندنی**

محسن نقوی اکثر ہفت روزہ شمار ہلال تے روزنامہ "امروز" ایندے نال نال روزنامہ" مساوات" ءچ کالم لکھدے رہ گئے

               محسن نقوی دی شاعری دل کو چھو گھینڑ عالی شاعری ہئ محسن نقوی اپݨے خیال کوں اشعار ءچ گھین آنوݨ تے ہک پھولے دی لڑی وچ پرونوڑ دی مہارت رکھدے ہن۔

• *عمر اتنی تو عطا کر میرے فن کو خالق*
• میرا دشمن میرے مرنے کی خبر کو ترسے**

     محسن نقوی اپݨی شاعری دے ذریعے مکتب اہل بیت دی عظیم ترجمانی کریندے ہن انھے دی شاعری ءچ " کرب" تے "درد" دا عنصر ٻھوں نمایاں پاتا ویندا ہا اور جڈا محسن نقوی واقعات کرٻلا دا اظہار اپݨی شاعری ءچ کیتے تے سنڑݨ والیے تے رقت طاری تھی ویندی ہئ۔
                     مدحت اہلبیت واسطے انھیں دی شاعری ٻھوں خاصی مقبول ہئ۔محسن نقوی مرثیہ نگاری ءچ خاصی مہارت رکھدے ہن انھیں اپݨی شاعری ءچ واقعہ کرٻلا دے استعارے جاہ بجا استعمال کیتے ۔

• *غم حسین میں اک اشک کی ضرورت ہے*
• پھر اپنی آنکھ کو کوثر کا جام کہنا ہے**

انھیں دی شاعری مجموعات ءچ بندقبا ،رشائے خواب،برگ صحرہ،موج ادراک،ریزہ حرف ،عزاب دید،طلوع اشک،رخت شب،فرات فکر،خیمہ جاں،تے میرا نوحہ انہی گلیوں کی ہوا لکھے گی شامل ہیں۔ انھیں پاکستان دی سابقہ وزیر اعظم بے نظیر بھٹو شہید واسطے ہک نظم "یا اللہ یا رسول ،بے نظیر بے قصور " لکھی ۔1994ء ءچ انھیں کوں صدارتی تمغہ برائے حسن کارکردگی نال نوازیا گیا ۔

            اردو ادب دے ایں روشن ستارے کوں 15 جنوری 1996 ء کوں نامعلوم دہشت گرد گولیے دا نشانہ بنڑایا تے شہید کر ڈتا ۔
         منفرد لب لہجہ دے شاعر محسن نقوی کوں دنیا توں رخصت تھئے ہوئے 27 سال دا عرصہ تھیندا پئے لیکن اوندی شاعری اڃ وی اردو ادب دے علاوہ ہر مکتب فکر والے واسطے انویں تازہ ہے اور اوندے چاہݨ والیے واسطے دلے ءچ ہمیشہ زندہ جاوید ہے ۔

• *میرا ماتم اسی چپ چاپ فضا میں ہوگا*
• میرا نوحہ انہی گلیوں کی ہوا لکھے گی**

دعا ہے خالق حقیقی خدا وند منان دی بارگاہ ءچ جو سید محسن نقوی کوں جوار آل محمد ءچ جاہ ملے تے جنت الفردوس وچ اعلیٰ مقام ملے آمین خضر عباس ملکانڑیں (ڳالھ مُہاڑ) ٢٢:٣٦, ١١ مارچ ٢٠٢٢ (PKT)

غزل

ہر کوئی یارے نال آلویندے

ٻیاکوئی کڈاں حال ونڈیندے

مفت جو روسدیں پاگل تھی گئی تیڈا کون ارمان کریندے

اپݨے دل وچ منصف تھی ہاں

کوڑ تے انویں کھل آلویندے

پہلے تھوڑا توں ازما گئی ہر ویلھے امید بھنیدے

ہݨ تاں بھولا سیانڑاں تھی ونج کلھیے راہنڑ دا عادی تھی ونج

کے تئیں کوئی تیڈے نال راہسی ڈکھ سکھ دا بھیوال راہسی

او تاں تیڈی تانگھ نئ رکھدا تیڈا کی ڈینھ ماݨ نئ رکھدا

اوندے اپنڑے ڈھیر ودے ہین نال ودین چوپھیر ودے ہین

روز دیاں میسج کالاں سٹ گھت جیرھا نا الواوے بھالا سٹ گھت

خضر آخری فیصلہ تھی گئے 

ساڈا دل ہنڑ پتھر تھی گئے خضر عباس ملکانڑیں (ڳالھ مُہاڑ) ٢٢:٣٧, ١١ مارچ ٢٠٢٢ (PKT)

ڈھوڑاھا

آ میل ٻھوں ڈھیل تھی ڳئی ہے ساڈی پکھی کھل تھی ڳئی ہے پہلےتاں میں کلھا مونجھا ہامی ہونڑ مونجھی دل تھی ڳئی ہے خضر عباس ملکانڑیں (ڳالھ مُہاڑ) ٢٢:٣٨, ١١ مارچ ٢٠٢٢ (PKT)