واہ تیݙے بھائی چارے

واہ تیڈے بھائی چارے*

*لکھت اکبر خان ملکاݨی*

تیڈے شھر اشارے۔تیڈے شھر فوارے

میڈے شھر وچ مٹی۔دھوڑ۔اندھارے۔

واہ تیڈے بھائی چارے۔

ہکو ویڑھا ھا۔ہکو گھر ھا۔چپ کر گزریندے پئے ھاسے۔اساں تاں اوکھے سوکھے ۔جیویں کیویں ھاسے۔ول وی چپ ھاسے۔دھاں ھئی نہ فریاد ھئی۔دھاں جو ڈیوں ھا ۔کیکوں ڈیوں ھا۔کون ھا جیرھا ساڈی سنڑے ھا۔وقت ھا جیویں کیویں گزریئے۔گزر گئے۔ہنڑ میڈا بال جوان تھی گئے۔حسب اے توفیق ڈو چار جماعتاں وی پڑھ پئے۔سوال جواب کریندے۔وڈے چاچے پنجاب خاں دے بارے پچھدے۔ابو او امیر کیوں اے۔اساں غریب کیوں ہئیں۔انکوں کیا ڈساں چاچے تیڈے دا میڈے نال کیا رویہ ورت ورتاوا اے۔اوں کیا کجھ نئیں کیتا ساڈے نال۔ہرشئے اپڑیں نانویں کر چھوڑی اس۔میڈے کولھو کوئی چیز جو کئیناں ھئی۔تہوں میں تیکوں چھی ست جماعتیں تک پڑھا سگیاں۔چاچے توھاڈے ڈے بال یونیورسٹی وچ پڑھدے پئین۔ہک نہ ہک ڈیہنہ او وڈے آفسر بنڑ کیں اوسن۔شر شیطان اے۔بالیں کوں ہیں بلدی بھا وچ نہ سٹنڑ چاہندا ہم ۔ تہوں بالیں کوں شرافت دے سبق بہہ پڑھیندا ہم۔ سمجھیندا ھم۔اہدا ہم پتر وڈے چاچے دے خلاف الانونڑ مناسب نئیں ھوندا۔او ایں گالھوں جو انہیں دا چاچا پنجاب خاں لالچی۔فسادی۔سفاک پرائے زمینیں تیں قبضہ کرنڑ دا ماہر اے۔اور پرائے زمینیں تیں قبضہ کرنڑ کوں اپڑیں ایمان دا حصہ سمجھدے۔کتھائیں میڈے بال کوں کوئی نقصان نہ پچاوے۔بیشک آساں انہیں دے چھوٹے اور مترائے بھرا ہئیں کوئی گال نئیں۔مگر تیڈا حق نئیں بنڑدا۔جو توں وڈے چاچے دے سامہڑیں ونج الاوے۔بابا میں تیں کوئی ایہیں جہیں گستاخی آل گال تیں کئینی کیتی۔ میں تاں ابا سئیں اپڑیں وڈے چاچے پنجاب خاں دے نال صرف اپڑیں حق حقوق دی گال کیتی اے۔کوئی بی غلط گال تیں نمہیں کیتی۔بابا تساں بیشک کمزور ھاوے یا ھوے۔میں تیں کمزور کینی۔کل میں جھوک اخبار آلے دفتر گیا ھم۔ چاچے ظہور احمد دھریجے صاحب کوں ونج ملیا ھانمیں۔اوں میڈے نال ڈاڈھی جی پریت۔ ساہ سلوک۔ محبت ونڈی اے۔جیرھیاں گالہیں اوں میکوں ڈسین ۔میڈے تاں چودہ طبق روشن تھی گئین۔دھریجے صاحب ڈسیئے توھاڈے ابے سرائیکستان خاں نال توھاڈے چاچے پنجاب خاں نیں بہوں وڈیاں زیادتیاں کیتین۔کیونکہ جو توھاڈا بابا سرائیکستان خاں چھوٹا وی ھا۔ہینڑاں وی ھا۔مترایہ وی ھا۔توھاڈا چاچا پنجاب خاں سیاستدان وی ھا۔کجھ شاطر وی ھا۔ول وستی دے سارے وڈکے توھاڈے چاچے پنجاب خاں دے نال ھن۔او توھاڈے چاچے پنجاب خاں دے چاپلوس۔خشامتی۔دلے دلال وی ھن۔الیکشن وی اوھے لڑدے ھن۔سیاسی طور تیں وی اوھے مظبوط ان۔فوج نال وی انہیں دے کوڑے سچے۔تھوڑے بھانویں ڈھیر تعلقات ھن پئے۔پولیس وی انہیں دے اشارے تیں نچدی اے۔توھاڈا بابا کمزور ھا۔کمزور ھ۔صرف اندری اندر کڑھدا۔جلدا پجلدا رہ ویندے۔او اپڑیں ہنڑپ دی وجہ توں توھاڈے حق حقوق دی گال نئیں کر سگیا۔توھاڈے چاچے پنجاب خاں نیں توھاڈے حصے دی ساری بھوئیں تیں جو قبضہ کیتے۔اے نئیں الانڑاں۔توھاڈی وستی دے وڈے نواب مظفر کوں بالیں بچیں سودھا ہر کہیں دے سامہڑیں چٹے ڈیہنہ کوں شہید کیتے۔ اے نئیں الانڑاں۔انہیں توھاڈی وسطی دے دھیریں بھیڑیں نال او حشر کیتے۔جیرھا ڈسنڑ دے قابل وی نئیں۔ اے ول وی نئیں الانڑاں۔انہیں توھاڈے دریا ویچ کیں توھاڈے وسیب کوں ریت دے ٹبیں وچ جو تبدیل کر ڈتے ۔اے ول وی نئیں الانڑاں۔اپڑیں نال آلے سکے دریا تیں اتلا پلیں پاتین۔میں توھاکوں کیا ڈساں۔توھاڈے وہندے رہندے دریا دا اے حال اے۔ہر سو میل دے بعد روندیں رڑدیں سہا سہا کیں ہک پل جو بنڑائی نیں۔ اے ول وی نئیں الانڑاں۔توھاڈے پوری وستی وسیب دا پورے سال دا بجٹ ڈڈھپ نال چوری کر چا گئین۔جیندا آج تئیں کوئی پتہ وی کئینی۔ کتھاں ونج لائے نیں۔یا گیت ڈے ڈکار ڈے کھا گئین۔ الی کار اپڑیں گھریں تیں لائینیے یا جیڈیں کیتے نیں۔اے انہیں کوں پتہ۔اے ول وی نئیں الانڑاں۔توھاڈی بھوئیں تیں توھاڈے چاچے پنجاب دے خشامتی۔دلے دلال بنڑ۔ توھاڈیاں زمیناں گکڑیں دے بھا جو گھندے گئین۔اے ول وی نئیں الانڑاں۔ہر کہیں دی کاسٹ آؤندے پیو ڈاڈے دے ناں سنجانڑیں ویندی اے۔جیرھے توھاڈے چاچے پنجاب خاں دی اولاد ان۔اونہیں دی کاسٹ پنجابی اے۔او آپ کوں پنجابی سڈویندن۔جیرھے توھاڈے بابے سرائیکستان خاں دی اولاد اے۔او آپ کوں سرائیکی اکھواونڑ چاہدن۔اے اہدن نہ تساں آپ کوں پنجابی اکھواوو۔ول توھاڈا بابا جڈاں زمین دے ونڈارے دی گال کریندے۔چاچے پنجاب خاں دی دی اولاد پنجابی اہدن۔ کٹھے ٹھیک ہئیں۔کھیرو کھانڑ تھی ویسوں۔اے ھن پتر اصل حالات جیرھے توھاڈے بابے سرائیکستان خاں نال گزرتی رہ گئی اے۔او تہاکوں ڈسے نہ ڈسے۔گال ایہا اے۔جیرھی میں توھاکوں ڈسیندا بیٹھاں۔ظہور دھریجے صاحب دیاں اے بال گالہیں وی سنڑدا رہ گئے۔بال دی طبیت وی لہندی چڑھدی رہ گئی اے۔بال نیں پچھیا چاچا ظہور صاحب لوک ڈسیندن توھاڈا چاچا حمید اصغر شاہین ڈاڈھا تکڑا جوان ھا۔اوں ساڈے واسطے کیا کیتے۔دھریجے صاحب نیں بال کوں ڈسیئے۔پتر توھاڈا مرحوم چاچا حمید اصغر شاہین بہوں سیانڑاں۔تکڑا اور طاقتور سرائیکی رھنما ھا۔او اپڑیں جیندیں توھاڈے حق حقوق دی خاطر چو مکھی جنگ لڑدا رہ گئے۔اے ساریاں میں ھوندیاں تھیاں ھویاں گالہیں توھاکوں ڈسین۔ڈیہنہ گزر گئے۔اخر وچ بال نیں ویندے واری وعدہ کیتے چاچا ظہور سئیں آج دے بعد میں توھاڈے مونڈھے نال مونڈھے رلا کیں کھڑساں۔وعدہ کرینداں۔اجدے بعد میڈا سر دھرتی دی ویل ھوسی۔میں اپڑیں پنجابی سوتریں کنوں آپڑاں حق گھن کیں ڈکھلیساں۔ میں اپڑیں پنجابی سوتریں الی کار سرائیکی بنڑ کیں ڈکھلیساں۔ساڈی جدوجہد کو زمانہ ڈیکھسی۔اساں اپڑیں ابے سئیں سرائیکستان خاں دی پگ کوں کتھائیں وی جھکا نہ تھیونڑ ڈیسوں۔چاچا ظہور ہنڑ رات تھی گئی اے۔میں وینداں۔اگو اماں ابا میڈی بھال وچ ھوسن۔روزانہ توھاڈے کولھو میں گائیڈ لائین گھننڑ آندا رہ ویساں۔چاچا ظہور خاں آج تساں میڈے دماغ دے دریچے کھول ڈتن۔اٹھیئے۔اجازت منگی۔بھاری بھاری قدموں نال ٹردا ھویا ۔سر تلوں تیں سٹ کجھ سوچیندے ویندا ھا۔پتہ نئیں کیا سوچیندے ویندا ھا۔جیوے ھووے۔ سرائیکستان زندہ باد