واٹر ریکلیمیشن

واٹر ریکلیمیشن دے معنی ہن کہ استعمال تھئے ہوئے یا گندے پاݨی کوں خاص طریقے نال صاف کر کے ولدا کہیں کم وچ لا ݙتا ون٘ڄے۔ اے صفائی ایہجی چنگی تھیندی ہے کہ ایں پاݨی کوں ولدا زراعت، صنعت، یا شہری استعمال (جیویں پارکاں وچ پاݨی ݙیوݨ، گھراں دے فلش ٹینک وغیرہ) کیتے ورتیا ون٘ڄ سڳدے۔ ایں عمل نال نہ صرف صاف پاݨی دی بچت تھیندی ہے بلکہ ماحول دی وی حفاظت تھندی ہے۔

A lavender-colored pipeline carrying non-potable water in a dual piping system in Mountain View, California, U.S.

واٹر ریکلیمیشن دے فائدے

Uses of recycled water in California, 2011

سرائیکی وسیب، جیہڑا کہ پاݨی دے بحران نال دوچار ہے، کیتے تاں واٹر ریکلیمیشن ہک نعمت دے برابر ہے۔

1. پاݨی دی کمی کوں پورا کرݨ: دریائے سندھ تے بݨݨ والے ڈیماں تے ہک طرفہ پالیسیاں دے سبب سرائیکی وسیب کوں پاݨی دی شدید قلت دا سامݨا ہے۔ ریسائیکل طریقہ ایں کمی کوں پورا کر سڳدے۔

2. کھیتی باڑی دی ترقی: صاف تھئے ہوئے پاݨی کوں فصلاں دی آبپاشی کیتے ورتیا ون٘ڄ سڳدے۔ ایندے نال زیر زمین پاݨی دے ذخیرے تے دباؤ گھٹ ویندے تے کھیتاں کوں پاݨی میسر تھیندے۔

3. ماحول دی سنڄاݨ: گندے پاݨی کوں دریاواں تے نہراں وچ وہݨ ݙیوݨ نال زمین دا پاݨی آلودہ تھیندے تے بیماریاں پھیلدن۔ ریسائیکل کر کے ایں آلودگی کوں روکیا ون٘ڄ سڳدے۔

4. پاݨی دے ٻل کوں گھٹاؤݨ: صنعتاں جے اپݨا گندا پاݨی ریسائیکل کرن، تاکہ نجی پاݨی دے ٻل کوں گھٹا سڳن۔

5. شہری استعمال: وݙے شہراں وچ، صاف تھئے ہوئے پاݨی کوں پارک، گالف کورس تے عمارتاں دے فلش سسٹم کیتے ورتیا ون٘ڄ سڳدے۔

ٹریٹمنٹ دے مراحل

Sequence of reclamation from left: raw sewage, sewage treatment plant effluent, and finally reclaimed water (after several treatment steps)

اے کم کئی مرحلیاں وچ تھیندے:

1. پرائمری ٹریٹمنٹ (پہلے درجے دی صفائی): ایندے وچ گندے پاݨی وچوں وݙے پتھر (جیویں کہ پلاسٹک، پتھر، ریت) کوں چھاݨ کے کڈھ ݙتا ویندے۔

2. سیکنڈری ٹریٹمنٹ (ݙوجھے درجے دی صفائی): ایندے وچ بیکٹیریا (جراثیم) دی مدد نال پاݨی وچوں اوں آلودگی کوں ختم کیتا ویندے جیہڑی اکھیاں نال نہ ݙٹھی ون٘ڄ سڳے۔

3. ٹرٹیری ٹریٹمنٹ (تریجھے درجے دی صفائی): اے آخری مرحلہ ہے۔ ایندے وچ جدید طریقے نال پاݨی وچوں کیمیکلز، نمکیات تے بیماری پھیلاوݨ والے جراثیم کوں وی ختم کر ݙتا ویندے۔ ایں طرح اے پاݨی پیوݨ تے ٻئے کماں کیتے چنگا تھی ویندے۔

سرائیکی وسیب کیتے سفارشات

1. سرکاری سطح تے پلانٹس دا قیام: سرائیکی وسیب دے وݙے شہراں مثلاً ملتان، ڈیرہ غازی خان، بہاولپور، میانوالی وغیرہ وچ واٹر ریکلیمیشن پلانٹس ضرور لاوݨے چاہیدن۔

2. صنعتاں کیتے قانوݨ: ہر وݙی صنعت کوں پابند کیتا ون٘ڄے کہ او اپݨا گندا پاݨی صاف کرے تے ولدا استعمال کرے۔

3. عوامی آگاہی: لوکاں کوں ایندے فائدے سمجھاوݨا ضروری ہے۔ ایں ڳالھ دی تشہیر کرݨی چاہیدی ہے کہ صاف تھئے ہوئے پاݨی نال آبپاشی کرݨ نال فصل تھیندی ہے تے کوئی نقصان کینہی۔

4. سستی ٹیکنالوجی: چھوٹے کاشتکاراں کیتے سستی تے آسان ٹیکنالوجی متعارف کراوݨی چاہیدی ہے جیندے نال او گھٹ پیمانے تے پاݨی صاف کر سڳن۔

Irrigation water is pumped from this tank which stores effluent received from a constructed wetland in Haran-Al-Awamied, Syria.

Reclaimed water sign in Dunedin, Florida, United States

سرائیکی وسیب دا مستقبل پاݨی نال وابستہ ہے۔ واٹر ریکلیمیشن ہک ایہجا حل ہے جیہڑا کہ پاݨی دے مسئلے کوں حل کرݨ دے نال نال ماحول کوں وی صاف رکھدے۔ ایندے تے فوری توجہ ݙیوݨا ضروری ہے۔ جے اساں اڄ ایں طرف دھیان نہ ݙتا تاں اڳلے ورہیاں پاݨی دے حصول کیتے ٻہوں پریشانی ݙیکھݨی پوسی۔ سادے الفاظ وچ، واٹر ریکلیمیشن دا مطلب ہے "استعمال تھئے پاݙیے کوں ولدا قابل استعمال بݨاوݨ"۔ اے سرائیکی وسیب کیتے ہک رحمت ثابت تھی سڳدی ہے۔