واٹرلو دی جنگ 1815
واٹرلو دی جنگ 1815
[لکھو | ماخذ وچ تبدیلی کرو]واٹرلو دی جنگ 18 جون 1815ء کوں ستویں اتحادی جنگ دے دوران لڑی ڳئی ۔ ایہ جنگ فرانسیسی فوج تے برطانوی ، ڈچ ، تے پرشین فوجاں دے اتحاد دے درمیان تھئی ۔ ایہ جنگ بیلجیئم دے شہر واٹرلو دے نیڑے تھئی ۔ ایں جنگ دا مقصد نپولین دی فوج کوں مکمل طور تے شکست ݙے تے یورپ وچ امن بحال کرنا ہئی ۔
فرانسیسی فوج دی اڳواݨی نپولین بونا پارٹ خود کریندے پئے ہن ، جݙاں جو اتحادی فوج دی اڳواݨی ڈیوک آف ویلنگٹن کریندے پئے ہن ۔ ݙوہاں پاسوں سخت لڑائی تھئی ۔ فرانسیسی فوج زوردار حملے کیتے ، پر اتحادی فوج دلیری نال دفاع کیتا ۔ پرشین فوج دی آمد نال اتحادی فوج دی طاقت ودھ ڳئی اتے فرانسیسی فوج کوں پچھوں تے ہٹݨ تے مجبور تھیوݨا پیا ۔
واٹرلو دی جنگ وچ اتحادی فوج کوں فیصلہ کن فتح حاصل تھئی ۔ فرانسیسی فوج کوں باری نقصان تھیا اتے نپولین کوں قیدی بݨا گھدا ڳیا ۔ ایں شکست نال نپولین دے اقتدار دا ہمیشاں کیتے خاتمہ تھی ڳیا ۔ ایں فتح نال یورپ وچ کئی سالاں تک امن بحال تھی ڳیا ۔
واٹرلو دی جنگ نپولین دیاں جنگاں دی تاریخ دا ہک اہم موڑ ثابت تھئی ۔ ایں جنگ نپولین دے اقتدار دا خاتمہ کیتا اتے یورپ وچ طاقت دے توازن کوں تبدیل کر ݙتا ۔ ایں جنگ ثابت کیتا کہ نپولین دی فوج ناقابل تسخیر نئیں ۔ ایں جنگ دے نتیجے وچ یورپ وچ سیاسی استحکام بحال تھیا اتے نويں دور دا آغاز تھیا ۔