نیللی بیلے

نیللی بیلے
(انگریزی میں: Nellie Bly)
الزبتھ کوچرن، ’’نیللی بیلے‘‘
معلومات شخصیت
پیدائشی نام	(انگریزی میں: Elizabeth Jane Cochran)
پیدائش	5 مئی 1864(1864-05-05) بیورل ٹاؤن شپ، آرم اسٹرونگ کاؤنٹی، پنسلوانیا، ریاست ہائے متحدہ
وفات	جنوری 27، 1922(1922-10-27) (عمر  57 سال) نیو یارک شہر، ریاست ہائے متحدہ
وجہ وفات	نمونیا
مدفن	ووڈ لان قبرستان
طرز وفات	طبعی موت
رہائش	نیویارک شہر
قومیت	امریکی
آنکھوں کا رنگ	سبز
شریک حیات	روبرٹ سیمین (m. 1895-1904)
عملی زندگی
پیشہ	صحافی، ناول نگار، موجد
پیشہ ورانہ زبان	انگریزی
شعبۂ عمل	نظریاتی صحافت ،  خیرات (عمل)
اعزازات
نیشنل ویمنز ہال آف فیم (1998)
دستخط
دستخط: "Nellie Bly"
شادی کے بعد، نیللی اپنا نام ’’الزبتھ کوچرن سیمین‘‘ لکھا کرتی تھیں، جیسا کہ اُن کے فائل کردہ پیٹنٹس پر دستخط سے ظاہر ہوتا ہے۔

نیللی بیلے (5 مئی 1864 - 27 جنوری 1922) امریکی صحافی الزبتھ کوچرن سیمین دا قلمی ناں ہئی۔ اوہ ہک مصنف، صنعت کار، موجد تے خیراتی کم کرݨ والی وی ہئی۔ جولس ورن دے افسانوی کردار فلیز فوگ دی نقل کریندے ہوئے ریکارڈ توڑ 72 ݙینہاں وچ دنیا دے گرد سفر کرݨ تے ہک ذہنی بیماری دے ادارے کوں جانچݨ کِیتے پاگل تھیوݨ دا بہروپ بھرݨ، نیللی بیلے دی وجہِ شہرت بݨا۔ اوہ اپݨے ایں شعبے دی بانی ہئی تے انّھاں تفتیشی صحافت دی ہک نویکلی قسم متعارف کروائی۔

ابتدائی سال

نیللی بیلے دا پیدائشی ناں الزبتھ جین کوچرن ہئی۔ انّھاں ’’کوچرن ملز‘‘ وچ جنم گِھدا، جیڑھا ہݨ بیورل ٹاؤن شپ، آرم سٹرونگ کاؤنٹی، پنسلوانیا دے پٹس برگ مضافات دا ہک حصہ ہے۔ انّھاں دے پیؤ، مائیکل کوچرن، معتدل مزدور تے کارخانے وچ کم کرݨ والے ہَن جنّھاں نے میری جین نال شادی کیتی۔ زیادہ تر گلابی رنگ دا لباس پاوݨ دے باعث الزبتھ کوں اڳوں ’’پنکی‘‘ (گلابی) آکھ کے پکارا ویندا ہئی۔ الزبتھ ہک میقات تک میقاتی درس گاہ (بورڈنگ اسکول) وچ زیرِ تعلیم رہی، پر رقم نہ ہووݨ دے باعث انّھاں مجبوراً اسکول چھوڑݨا پیا۔

1880 وچ اوہ تے انّھاں دا ٹٻر پٹس برگ منتقل تھی ڳئے۔ جݙݨ ’’پٹس برگ ڈسپیچ‘‘ وچ ہک جارحانہ زن بیزار کالم بعنوان ’’واٹ گرلز آر گڈ فار‘‘ (What Girls Are Good For) چھپیا تاں الزبتھ نے ’’لونلی اورفن گرل‘‘ (تنہا یتیم لڑکی) دے قلمی ناں نال اوندے دا جوش تے جذبات نال بھریا رد عمل لکھ تے مدیر کوں بھڄ ݙتا۔ مدیر، جارج میڈن، انّھاں دے جذبے توں متاثر تھئے تے ہک اشتہار دے ذریعے لکھاری کوں اپݨی سُنڄاݨ ݙکھاوݨ دی دعوت ݙتی۔ جݙݨ کوچرن نے اپݨے آپ کوں مدیر نال متعارف کروایا تاں جارج نے انّھاں کوں اخبار وچ اپݨے قلمی ناں ہی نال ٻیا لکھݨ دی پیش کش کیتی۔ ڈسپیچ وچ انّھاں دے پہلے مضمون، ’’دی گرل پزل‘‘ (The Girl Puzzle) نے جارج کوں ہک واری پھیر متاثر کِیتا تے انّھاں نے الزبتھ کوں کل وقتی نوکری دی پیش کش کر ݙتی۔ اُوں ویلے وچ اخباراں وچ کم کرݨ والیاں زنانیاں قلمی ناں ورتیاں ہَن تے الزبتھ کِیتے مدیر دی طرفوں ’’نیللی بیلے‘‘ (Nellie Bly) دا قلمی ناں تجویز کِیتا ڳیا جیڑھا اسٹیفن فوسٹر دے معروف گیت ’’نیلے بلے‘‘ (Nelly Bly) توں گِھدا ڳیا ہئی۔ اگرچہ الزبتھ خود اپݨاں ناں ’’نیلے بلے‘‘ (Nelly Bly) رکھݨا چاہندی ہئی پر مدیر نے غلطی نال Nellie لکھ ݙِتّا تے ایہہ غلطی ہمیشہ کِیتے رہ ڳئی۔

بطور لکھاری، نیللی نے شروع وچ زیادہ تر کم کرݨ والیاں عورتاں دے ابتر حالات کوں اپݨا موضوع بݨایا۔ انّھاں نے کارخانیاں وچ کم کرݨ والیاں زنانیاں دے بارے وچ تحقیقی تے تفتیشی مضامین دا ہک سلسلہ لکھیا، پر ادارتی دباؤ نے انّھاں کوں فیشن، معاشرے تے باغبانی نال تعلق رکھݨ والے موضوعات دا احاطہ کرݨ کِیتے نام نہاد ’’زنانیاں دے صفحات‘‘ دے شعبے وچ دھکّے ݙِتّا۔ اپݨیاں ذمہ داریاں توں غیر مطمئن الزبتھ نے ہک قدم چُکیندے ہوئے میکسیکو دا سفر کِیتا تاں جو بطور غیر ملکی نامہ نگار کم کر سڳے۔