نہ کھیݙ جھمراں

نہ کھیݙ جھُمراں نظر لڳ ویسی ڑی

کوئی ݙہدا کھڑا ہوسی تیکوں ٹھڳ ویسی ڑی

گورے تن تے سجدائی سُوٹ گلابی

دل چیری ویندی تیݙی اَکھ شرابی

نہ کھیݙ جھُمراں نظر لڳ ویسی ڑی

تیکوں سوہݨے لڳدے کناں وچ اے جھُمکے

نہ پا دھمالاں نہ مار ٹھمکے

ڑی نہ کھیݙ جھُمراں نظر لڳ ویسی ڑی

نک وچ ہے سجدی سونے دی نتھلی

بُت نازیں پلیا اُتوں چیل پتلی

نہ کھیݙ جھُمراں نظر لڳ ویسی ڑی

سدا لانویں میندیاں ماݨے جوانی

کوئی ݙکھ نہ آوی عاشقؔ دا جانی

نہ کھیݙ جھُمراں نظر لڳ ویسی ڑی

حوالہ

سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان