نہر تے دھانوݨ
اسیݙی وستی دھریجہ نگر دے زمینیں کوں ݙونہریں دا پاݨی لڳدے ، وستی ݙوہیں نہریں دے ٹیل تے ہے۔ کئیں ویلے اوں نہر تے دھانوݨ ویندے ہاسے تے کئیں ویلے اوٻی تے ۔ دھریجہ پھاٹک آلی نہر تے کھوکھریں دی وستی دے نال ٹھوکر اَمدی ہئی ۔ ٹھوکر ءِچ ٹٻی مارݨ دی ݙاڈھی چس ہئی ۔ نہر دی بھر تے پاݨی مار تے تِلݨ بݨیندے ہاسے ۔میں اَݨ تارا تیباقی ڈھیر سارے چھوکرے تارے ہَن او چنگے ہتھ پیر مار گھندے ہَن ۔ نہراں تاں اتنیاں وݙیاں کائنا ہن پر گھیرجِھکا ہا تے ایندیءِچ گھر تے لمبی ٹُٻے مریندے ہَن تے ڈھیر پرے ونڄ نکلدے ہَن ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان