نگیال

نگیال راجپوت ہک پوٹھوہاری قبیلہ ہے جیندا نسلی تعلق جموں دے جموال خاندان نال اے۔ انہاں دا نسب چوݙہویں صدی وچ جموں دے راجہ ملدیو جموال نال ملدے۔ نگیالاں دا سلسلہ نسب راجہ ملدیو جموال دے سب توں نکے پتر راجہ ناگی خان نال ملدے اتے ایں نسبت نال ای انہاں کوں نگیال سݙیا ویندے۔

راجہ ملدیو جموال دے دور حکومت وچ تیمور لنگ نے ہندوستان تے حملہ کیتا اتے جموں توں لنگڳھدے ہوئے ایں علاقے کوں تباہ و برباد کیتا۔ راجہ ملدیو نے تیمور لنگ دے سامݨے اسلام قبول کیتا اتے اپݨی حکومت بحال کروائی۔ بعد ازاں، راجہ ملدیو دے پتر راجہ ہمیر دیو نے بغاوت کیتی جیندے تے راجہ ملدیو نے بھمبر دے نیڑے دیوا بٹالہ وچ ہجرت کیتی۔

راجہ ملدیو نے دھمیال شاہی خاندان وچ شادی کیتی اتے انہاں دے کول ناگی خان پیدا تھئے۔ ناگی خان دی اولاد نگیال سݙویندی اے جیہڑی پوٹھوہار دے متعدد وسریاں وچ وسدی اے۔ انہاں دا آبائی علاقہ کوٹ دھمیک اے جتھاں دھمیال اتے نگیال راجگان نے ترائے صدیاں حکومت کیتی۔ گکھڑاں توں شکست دے بعد، دھمیالاں اتے نگیالاں نے کاشتکاری کوں ذریعہ معاش بݨایا۔ راجہ دولوں خان پکھڑال نے نگیال زمینداراں کوں دولتالہ وچ زمیناں ݙتیاں جتھاں اوہ اڄ وی وسدے پن۔