نگہت سعید خان

نکہت سعید خان
نکہت سعید خان
معلومات شخصیت
قومیت	پاکستان
عملی حیاتی
مادرِ علمی	جامعہ کولمبیا
پیشہ	مصنفہ، زنانیاں دے حقوقدی کارکن، محقق
مہان٘درا کم	ویمن ایکشن فورم دو بانی اتے رکن

نگہت سعید خان (اردو: نگہت سعید خان، کنوں) ہِک پاکستانی حقوق دی کارکن، محقق اَتے مصنفہ ہِن۔ اُوہ اپلائیڈ اکنامک ریسرچ (اے ایس آر) ریسورس سینٹر دی ڈائریکٹر اَتے بانی اَتے ویمن ایکشن فورم دی بانی رُکن ہِن۔

حیاتی دا احوال

نگہت نے آپݨاں نِکّا لاء پاکستان اَتے امریکہ وِچ گُزاریا۔ لندن کنوں اے لیول دی تعلیم پوری کِیتی۔ نیو یارک شہر وِچ کولمبیا یونیورسٹی کنوں انڈر گریجویٹ کِیتا۔ یونیورسٹی وِچ تعلیم دے وِچالے، اُوہ ویتنام مخالف جنگ اَتے زنانیاں دے حقوق دی تحریک نال جُڑ ڳئی۔ 2017ء وِچ ہیرالڈ کوں انٹرویو ݙین٘دے ہوئے اُنّھاں نے انکشاف کِیتا جو اُنّھاں دے پِیؤ پاک آرمی وِچ ہَن جہڑیلے اُوہ وݙّی تھین٘دی پئی ہَئی، تاہم نگہت،ایوب خان دے خلاف اُوں ویلے طالب علماں دی تحریک وِچ شامل تِھیوݨ کنوں نہ ریہ سڳی جہڑیلے اُون٘دا آپݨاں پِیؤ مارشل لا ایڈمنسٹریٹر ہَئی۔ اُوہ زنانیاں دے حقوق دی کارکن طاہرہ مظہر علی اَتے اُون٘دے پئے مظہر علی خان دے پورھئیے کنوں متاثر ہَن۔

سیاسی سرگرمی

نگہت سعید ویمن ایکشن فورم (ڈبلیو اے ایف) بانی ممبر دی حیثیت نال مشہور ہے۔ اُوہ 12 فروری 1983ء  وِچ جنرل ضیاء الحق دی طرفوں مرداں دے مقابلے وِچ زنانیاں دی اَدّھی ڳواہی دے قانون دے سخت خلاف ہَن۔

تحقیق اَتے کَم

نگہت نے پروفیسر ایرک سائپرین دے نال شاہ حسین کالج لاہور، اَتے بعد وِچ 1970ء دے ݙہاکے وِچ قائد اعظم یونیورسٹی، اسلام آباد وِچ کَم کِیتا۔ کَھٻّی ٻان٘ہ دے سیاسی اعتقاداں دی وجہ کنوں بعد وِچ انّھاں کوں آپݨے منصب کنوں ہٹا ݙِتّا ڳِیا۔

انّھاں نے ایہو جہیں ابواب وِچ حِصّہ گِھدّا ہِے جنّھاں وِچ "زنانیاں دی تحریک اُتے نظر ثانی: مستقبل کِیتے تشویش دے شعبے" اَتے "شناخت، تشدد اَتے زنانیاں: تقسیم ہند دی عکاسی 1947ء" شامل ہِن۔