نکی گلرانی

نکی گلرانی
معلومات شخصیت
ڄم	3rd January 1993 بنگلور
شہریت	بھارت
بھیݨ بھرا	سنجنا
رشتے دار	سنجنا (بھیݨ)
عملی زندگی
تعليم	بشپ کاٹن گرلز اسکول
پیشہ	ادکارہ ،  فلم اداکارہ ،  ماڈل
پیشہ ورانہ زبان	ملیالم
	IMDB پر صفحہ

نکی گلرانی ہک ہندوستانی فلمی اداکارہ، ماڈل تے فیشن ڈیزائنر ہن جیہڑی بنیادی طور تے تامل تے ملیالم فلموں وچ کم کریندی ہن۔ اوہ کنڑا تے تیلگو فلموں وچ وی نظر آئی ہن۔ انہاں دی پہلی وݙی تجارتی کامیاب فلمیں ملیالم زبان دی 1983 (2014)، ویلیموں گا (2014) تے 2015 وچ تامل زبان دی ہارر فلم ڈارلنگ ہن۔ میڈیا نے گیلانی کو تمل سنیما دی "ڈارلنگ" آکھیا۔ انہاں نے جنوبی ہندوستانی فلمی صنعتاں وچ ہک ماہر اداکارہ دے طور تے کیریئر قائم کیتا ہے تے اوہ کئی ایوارڈز حاصل کر چکی ہن۔ "2015 دی 25 انتہائی مطلوبہ زنانیاں " دی تندیر وچ کوچی ٹائمز نے انہاں کو پنجویں نمبر تے رکھیا۔

2016 وچ، مکافی انٹیل سیکیورٹی نے گلرانی کو تمل سنیما وچ سب توں زیادہ سرچ کیتی ونڄݨ آلی مشہور شخصیت آکھیا۔

انہاں نے 1983 (2014)، ویلیموں گا (2014)، ڈارلنگ (2015) تے ویلینو وندھوتا ویلایکرن (2016) جیہاں تجارتی طور تے کامیاب فلموں وچ کم کیتا۔ فلمیں دی مسلسل کامیابی، جیہڑی انہاں کو جنوبی ہندوستان دی فلمی صنعت دی سب توں زیادہ مطلوب اداکاراواں وچوں ہک بݨیندی ہے۔ آئی بی ٹائمز نے گلرانی کو ملیالم سنیما دی کامیاب ترین اداکارہ قرار ݙتا۔

ابتدائی تے ذاتی زندگی

نکی گلرانی، بنگلور دے رہائشی منوہر گیلانی تے ریشما دی نکی دھی ہن۔ انہاں دی ہک وݙی بھیݨ سنجانا وی ہک اداکارہ ہن۔ نکی گلرانی نے بشپ کاٹن گرلز اسکول توں اپݨی پی یو سی دی تعلیم تے بعد وچ فیشن ڈیزائننگ دا کورس وی کیتا۔ انہاں نے ݙسایا کہ انہاں نے پی یو سی سائنس ایں سانگے کیتی کیوں جو انہاں دے ماء پیو تے بھیݨ چاہندے ہن کہ اوہ ڈاکٹر بݨن پر بعد وچ انہاں نے اپݨی توجہ ڈیزائننگ دی جانب کر ݙتی۔ ایندے بعد اوہ ماڈلنگ کریندی رہی تے ٻہوں سارے اشتہارات وچ نظر آئین۔

فلمی کیریئر

نکی گلرانی نے اپݨے فلمی کیریئر دا آغاز 2014 وچ ملیالم زبان دی فلم 1983 توں کیتا، جیہڑی فیشن فوٹوگرافر ابریڈ شائن نے لکھی تے ہدایتکاری کیتی ہئی۔ ایہ ہک اسپورٹس ڈراما فلم ہے جیہڑی نوین پاؤلی نے مرکزی کردار ادا کیتا۔ نکی گلرانی ایں فلم وچ ثانوی ہیروئن دے طور تے نظر آئین۔ ایں فلم وچ نکی نے ہک دیہاتی ڳالھ 'منجولا سسیدھرن' دا کردار ادا کیتا، جیہڑی رمیشاں (نوین پاؤلی) دے نوعمری دی محبوبہ ہئی، رمیشاں کوں کہیں وی چیز توں زیادہ کرکٹ نال محبت ہئی تے منجولا ہک ٻئے چھوہر دے سانڳے رمیشاں کوں چھوڑ ݙیندی ہے۔ انہاں نے اپݨی ایں پہلی فلم دے سانڳے ڈیبیو اداکارہ دا فلم فیئر، سایما تے وینتھا ایوارڈز جتیا۔ 1983 فلم دے پروڈیوسر شمس الدین ہن تے انہاں نے ایہ فلم شمس فلمز دے بینر تلے پروڈیوس کیتی ہئی۔ ایہ باکس آفس تے تنقیدی تے تجارتی کامیابی ہئی۔

ملیالم سینیما وچ اہم پیش رفت (2014)

ریلیز دے اعتبار نال 2014 دی فلم 1983 نکی گلرانی دی پہلی فلم ہئی، البتہ نکی گلرانی نے بطور اداکارہ اپݨے کیریئر دا آغاز اگست 2013 توں ہی کر ݙتا ہئی۔ انہاں نے سب توں پہلے کنڑا زبان دی فلم اجیت وچ مرکزی کردار ادا کرݨ دے سانگے آڈیشن ݙتا، جو کارتھی تے تمنا بھاٹیہ دی تامل فلم پیا دا ری میک ہئی، ایہ پہلی فلم ہئی جیہڑی نکی نے سائن کیتی۔ ترائے ݙینہاں دے اندر اندر، انہاں کوں ہک ٻئی فلم سائن کرݨ دا موقع ملیا، جو تامل فلم، یاگوارایِنم نا کاکا ہئی تے چند ہفتیاں دے بعد، انہاں نے ملیالم فلم 1983 سائن کیتی۔ آخری فلم ہووݨ دے باوجود جیہڑی انہاں نے 2013 وچ سائن کیتی ہئی، 1983 فلم 2014 دے اوائل مہینیاں وچ ہی ریلیز تھی ڳئی تے نکی دی پہلی فلم بݨ ڳئی تے انہاں دی ایہ پہلی ہی وݙی باکس آفس تے وݙی ہٹ فلم ہئی۔ جیہڑی وچ انہاں نے منجولا سسیدھرن ناں دی دیہی وستی دے اسکول دی ڳالھ دا کردار پیش کیتا تے ایہ کردار انہاں دی حقیقی زندگی توں بالکل برعکس ہئی تے ایہ کہ ایں فلم وچ انہاں دے منجولا سسیدھرن دی رنگت گندمی ہئی، چنانچہ ایں کردار تے پورا اترݨ دے سانڳے انہاں کوں کئی واری غسل آفتابی کرݨا پیا تاکہ انہاں دی رنگ تھوڑی کالی نظر آوے۔ فلم کوں کافی پزیرائی ملی تے اوہ باکس آفس تے کامیاب تھی ڳئی، جݙݨ گلرانی اپݨی اداکاری دے سانڳے فلم فئیر ایوارڈ برائے بہترین نویں اداکارہ (جنوبی ہند) ایوارڈ جیتݨ وچ کامیاب رہیں۔

ہک ہفتے دے بعد ہی، نکی گلرانی دی ݙوجھی فلم ریلیز تھئی، نوین پاؤلی تے نظریہ ناظم دی اوہم شانتی اوشانا، جیندے وچ انہاں نے ہک کیمیو (مختصر) کردار ادا کیتا ہئی۔ 2014 وچ نکی دی تریجھی ملیالم فلم ویلیموں گا ریلیز تھئی ہئی، جیندے وچ انہاں نے ہک کرسچن نرس دا کردار ادا کیتا ہئی۔ فلم، ₹ 5 کروڑ روپے دے بجٹ نال بݨائی ڳئی، باکس آفس تے ₹ 20 کروڑ کمائی کرݨ وچ کامیاب رہی۔ 2014 دے آخر وچ، آئی بی ٹائمز نے گلرانی کوں ملیالم سنیما وچ 2014 دی سب توں کامیاب اداکارہ قرار ݙتا۔ انہاں دی پہلی کنڑا فلم دی ریلیز توں پہلے، اوہ مزید ترائے کنڑا فلماں دے منصوبیاں تے دستخط کر چکی ہن، جنہاں وچ: جمبو سواری جو تیلگو فلم سوامی را را دا ریمیک ہئی، اوبیریا تے پرورشندینو، اگرچہ مؤخر الذکر ݙوہائیں فلمیں مکمل نہ تھی سڳیاں تے بعد وچ بند تھی ڳئی۔ اجیت تے جمبو سواری 2014 دے ݙوجھے سہ ماہی وچ تیزی نال ریلیز تھئی۔ انہاں نے شرتھ ہریداسن دی فلم اینتھورو بھاگیم تے وی کے پرکاش دی فلم دے سانڳے وی دستخط کیتے ہن، پر شوٹنگ شیڈیول تے تواریخ دی وجہ توں ݙوہائیں فلماں چھوڑݨا پیاں۔

باکس آفس تے کامیابی تے تامل سینما وچ شہرت (2015)

نکی گلرانی دی سائن کیتی ڳئی پہلی تامل فلم یاگوارایِنم نا کاکا تاخیر دا شکار تھی ڳئی، تاں نکی گلرانی دی ݙوجھی تامل فلم ڈارلنگ دی شوٹنگ دا آغاز کر ݙتا ڳیا جیہڑی ہک ہارر کامیڈی فلم ہئی، ایہہ فلم وی تجارتی کامیابی رہی، ₹ 10 کروڑ روپے دے بجٹ نال بݨائی ڳئی ایں فلم نے ₹ 32 کروڑ (امریکی $4.5 ملین) کمائی کیتی تے نکی گلرانی دی پہلی تامل فلم بݨی۔ ایہ تامل فلم انڈسٹری وچ 365 ݙیہاڑے توں زیادہ چلی تے بھارتی باکس آفس وچ کامیاب قرار پوی۔ گلرانی نے ہک روح دا کردار ادا کیتا تے انہاں دی کارکردگی کوں ناقدین توں خوب پزیرائی ملی تے "واقعی وچ انہاں نے کردار ٻہوں چنگا ادا کیتا"۔ سیفی ڈاٹ کام نے بیان ݙتا کہ "نکی گلرانی خوبصورت تے پیاری ہے، اوہ جذباتی انداز دی اداکاری وچ وی کافی چنڳی ہن"۔ ڈارلنگ دے بعد انہاں دی ݙو ملیالم فلمیں آئین مریادا رمن تے اورو سیکنڈ کلاس یاترا ریلیز تھئین۔ تے کنڑا فلم سدھارتھا وچ انہاں نے مرکزی کردار ادا کیتا جیندی شوٹنگ انہاں نے اگست 2014 وچ کیتی ہئی۔ جون 2015 وچ، انہاں دی تاخیر دا شکار تامل فلم یاگواراینم نا کاکا بالآخر ریلیز تھی ڳئی۔ فلم دے متعلق انہاں نے آکھیا کہ فلم وچ انہاں دا کردار "میری اصل زندگی وچ جو کجھ ہے اوندی کاربن کاپی" ہئی۔ سیفی ڈاٹ کام نے ݙسایا کہ "گلرانی دی مسکراہٹ تے انرجی فلم دے پہلے نصف حصے وچ ہک اہم پلس پوائنٹ ہے"۔

تیلگو فلم انڈسٹری وچ آمد تے پہچان (2016)

2016 وچ نکی گلرانی نے اداکار سریش گوپی دے مدمقابل ملیالم فلم ردرا سمہاسنم وچ کم کیتا۔ انہاں دی اڳلی تامل فلم، کو 2 تجارتی لحاظ نال تامل باکس آفس تے کامیاب رہی۔ تے ایہو ہی سال انہاں دی ݙوہائیں تیلگو زبان دی اولین فلمیں کرشناشٹمی تے مالپو نے باکس آفس تے عمدہ پرفارم کیتا۔ نکی گلرانی نے تامل زبان دی ہک فلم ویلانو ونڈدوتہاویلیکارن (2016) وچ اداکاری کیتی ہئی جتھاں انہاں نے اداکار وشنو وشال دے مدمقابل ہک پولیس افسر دا کردار ادا کیتا ہئی۔ فلم تجارتی طور تے کامیاب رہی۔ انڈیاگلیٹ ڈاٹ کام نے لکھیا کہ "نکی نے گاݨے وچ فلم وچ ٻہوں زیادہ گلیمر دا اضافہ کیتا تے پوری فلم کوں اپݨے اسٹنٹ تسلسل دے ذریعے زندہ رکھیا"۔ نکی گلرانی نے شاجہانم پریکیتیم وچ وی ہک کیمیو (مختصر) کردار ادا کیتا۔ انہاں دی اڳلی تامل فلم ہک واری ولا جی وی پرکاش کمار دے مدمقابل ہئی، جیندا ناں کداول اہروکان کمارو تاے ہئی۔ بلاسٹنگ نیوز ناں دی ویب گاہ تے آکھیا ڳیا کہ "نکی گلرانی شاندار ہن تے ترائے کرداراں (نکی گلرانی، جی وی پرکاش، آنندی) نے لفظی طور تے سامعین دے دلاں دے نرم حصے کوں اپݨی لپیٹ وچ ڳھن ڳھدا"۔

کامیابی جاری رہی (2017-حال)

2017 وچ، نکی نے راگھو لارنس دے مدمقابل تامل فلم موٹا شیوا کیٹا شیوا وچ کم کیتا جیہڑی تیلگو فلم پٹاس دا ری میک ہئی۔ انہاں نے ملیالم فلم ٹیم 5 تے کالاکلپو 2 وچ وی کم کیتا۔

ایوارڈ

سال	قسم	ایوارڈ	نتائج
2014	بہترین پہلی فلم (خواتین) کے لیے سیما فلم ایوارڈ	سیما فلم ایوارڈ
2014	Best Female Debut	Filmfare Awards
2014	Vanitha Film Award for Best Debut (Female)	Vanitha Film Awards
2014	Asianet Film Award for Best New Face of the Year (Female)	Asianet Film Awards
2015	Kerala Film Critics Association Awards	Upcoming actress
2015	Edison Award for Best Debut Actress	Edison Awards