نکولس کوپرنیکس دے نظریات
نکولس کوپرنیکس پروشیا سلطنت پولینڈ دا رہݨ والا ریاضی دان تے ماہر فلکیات ہا۔ 1473 اچ پیدا تھئے تے 70 سال دی عمر اچ 1543 اچ فوت تھئے۔ کوپر نیکس نے اپݨے نظریات نال فلکیاتی سائنس کوں بدل ݙتا ہا۔
کوپرنیکس ماڈل
[لکھو | ماخذ وچ تبدیلی کرو]1514 اچ کوپرنیکس ماڈل پیش کیتا ڳیا۔ پہلی واری اے ماڈل کوپرنیکس نے چرچ دے خوف دی وجہ کنوں اپݨے ناں دے بغیر چھپوایا۔ ایں ماڈل اچ کوپر نیکس نے اے انقلابی خیال پیش کیتا جو فلکیاتی اجسام دا مرکز زمین نئیں بلکہ ساݙے نظام شمسی دا مرکزسجھ اے جیڑھا ساکن اے۔ زمین تے باقی سیارے سجھ دے اردگرد گول مداریں اچ چکر لیندے پن۔ اے ٻہوں اچھا ماڈل ہا لیکن اے ماڈل وی مشاہدات تے پورا نہ اتردا ہا۔
حوالہ
[لکھو | ماخذ وچ تبدیلی کرو]کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان