نو بہار دولتانہ
اصل ناں نو بہار
قلمی ناں نو بہار دولتانہ
ڄمݨ 1969ء
جاہ پتہ وستی کورائی بلوچ ڈاکخانہ حاجی پورتحصیل کبیر والا ضلع خانیوال
غزل
[لکھو | ماخذ وچ تبدیلی کرو]نت حالات بدلدے رہندن
سورج چڑھ کے ڈھلدے رہندن
گھر فرعون دے حضرت موسیٰ
رب دی قدرت پلدے رہندن
ڄڑھ مضبوط شجر دی ہووے
پتے شاخ تے ہلدے رہندن
دین ایمان سلامت ہووے
آس دےݙیوے ٻلدے رہندن
وچھڑے ہوئے مسافر اکثر
قافلے نال وی ولدے رہندن
منہ دے مومن کافر بندے
اندروں اندر جلدے رہندن
٭٭٭