نویں ڳال کائنی
اسیݙے وݙیں دے سامھے وقت دے شاہ تاں نہ جھکدے ہن پر اساں اے ݙٹھا جو موضعے دے نمبرداری دھریجیں کول نہ ہئی پر نمبردار اسیݙی وستی ہوندے ہن تے فیصلے اتھائیں تھیندے ہن ، یونین کونسل دے چیئرمین حاجی احمد بخش ابے سئیں کول ٻیٹھے راہندے ہن، آپت ء ِچ یاری وی ݙاڈھی ہانے نور بشرد ا مسئلہ وی چھیڑی رکھدے ہن ، حاجی صیب دیو بندی تے ابا میݙا بریلوی ہن، ہک ݙینھ بحش لڳی پی ہئی تے ہک سیاݨا بندہ آکھدا ٻیٹھا ہا بریلی شہر دا ناں دیو بندی وی ہے، اے شہر ہندوستان ء ِچ ہن تُساں اتھائیں لڑدے ٻیٹھو، ٻے بندے آکھیا قادیان وی ہندوستان ء ِچ ہے تریجھے کوں تروپ ݙتی جو ایں آکھو سارے فتنے ہندوستان ء ِچوں آئن، اسیݙی وستی کوں چاچا عبد الرحیم خان سرائی اپݨا ݙوجھا گھر سمجھدے ہن، نانے سئیں کنے سید الطاف شاہ ،سید اسد شاہ وݙے وݙے علماء تے وݙے لوک اَمدے ہن، اُستاد امان اللہ صیب کول ملک دے ٻاہرلے ملکوں مرید تے عقید ت مند اَمدے ہن، وستی وچ ماشاء اللہ سرائیکی حوالے نال ہُݨ وی وݙے وݙے لوک امدن پر وستی آلیں کیتے اے کئی نویں ڳال کائنی۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان