نویں ٹیکنالوجی

اڄ دے زمانے دی سب تو وݙی چس ہک اے وی ہے جو ہر کہیں کنیں جتھ کِتھ موبائل فون ء جیندے ءچ کیمرہ تے ریکارڈنگ موجود ہوندی ء جیندے نال اجوکے ویہلے کو ویقے کوں موقع کوں قابو کیتا ونڄ سنڳیندے ڄیہڑا اگلی پیڑھیاں کیتے مُنڈھلے ایرے دا کم کر سگدے ۔ تہاݙا اج دا چِھکا ہک فوٹو یا وڈیو وسیب دی کل دی کہاݨی لکھسی ۔۔۔ جو اڄ ء او کل بدل ویسی اویں نا رہسی ۔۔۔۔۔ نویکلا دور اپݨی ٹیکنالوجی نال ہر شئے بدلیندا آندے ۔۔۔۔ جتھ ہر شئے بدلدی پئی ء اُتھ انسانی سماجی رشتے وی نال نال وٹاندرے کھاندا پئے ۔۔۔۔ وستیاں شہر سڑکاں چوک فیشن گالھ مہاڑ اخلاقیات رشتے سبھو کجھ ءچ بدلاء آندا ویندے ۔ تہوں اڄ سخت لورھ ء جو جتھ ہوو جیڑھی شئے دل کوں بھاوے چنگی لگے ۔۔۔۔ کلک مارو تے نال ء نال ڈو لفظ اکھر لکھ کراہیں پوسٹ چاکرو تاں جو تاریخ دا ہک ریکارڈ بݨدا آوے ۔۔۔کل کوں ایہو کم اگلی پیڑھیاں اݨ پُھرلیسن ۔۔۔۔پٹیسن ۔۔۔۔ جیڑھی شئے انٹر نیٹ تے ہے او سانبھی پئی ء ۔۔۔ تے ہک کلک دی مار تے ہوسی تے اساڈی تاریخ نویں نسل کوں ہتھڑیکے تھیسی۔ شہزاد عرفان