نویکلی شاعری
قرآن کل صفتاں کیتین صفتاں وی ہن ساریاں تیڈیاں مسجد مندر کعبے اندر تھیندیاں پیاں ہن داریاں تیڈیاں
توں من نہ من مرضی تیڈی اکھیں مگر کوڑیاں تاں نئیں روندیاں ڈٹھم کئی بے ندا پیاریں توں ہن پیاریاں تیڈیاں
کیویں ونجاں میں او تائیں ول ول ولاں ول اے تائیں پر پیر جے آزاد ھن گل وچ تاں ہن گاریاں تیڈیاں
بسمل وی ہاؤں مردے نسے پھڑکن جیتی پھردے نسے قسمت ساڈی جلدی انویں مردیاں وی نئیں ماریاں تیڈیاں
پتھریں کوں کل کیری کیتی موسی کوں اج تائیں ہوش نئیں ہئیں اج کتھاں ول تیار توں خیری تاں ہن تیاریاں تیڈیاں
سب کجھ لٹا کے وی اساں گیوں ادھ پچدھ سانگے تئیں توں وی سجنڑ اپنڑی سنڑا عرشیں تئیں ہن یاریاں تیڈیاں
توں جیت گئیں اشتر جیڑھی آخر اوھا ھک جیت ہئی ہارنڑ دی سدھ نئیں پئی تیکوں بازیاں جو نئیں ہاریاں تیڈیاں...!!!
سائیں عبدالرشید اشتر
دوستیں دی نظر [ کافی]
میں کوں مٹاونڑے توڑ تائیں نبھاونڑے
کلھی کلھی کونج اے ٻہوں اوکھی مونجھ اے
مونجھ کوں مکاونڑے
توڑ تائیں نبھاونڑے
موسمیں دی پت ہے ٻاجھرے دا بھت ہے
چوڳ ݙے کھاواونڑے
توڑ تائیں نبھاونڑے
کوجھیاں تے گندیاں اللہ لیسی کندھیاں
کندھیاں تے ڳاونڑے
توڑ تائیں نبھاونڑے
ہنجوں نال دھوتڑی پیریں سٹ پوتڑی
یار کوں مناونڑے
توڑ تائیں نبھاونڑے
طارق شامی لودھرا راہ ڈِیکھ تیں روونڑ پئے گیا ہئیں اجاں رُوھ نئیں آئے اجاں تھل نئیں آئے
اجاں ڈِینہہ ہے غم دی شام نئیں آئی اجاں سانگ دی نوک تیں گَل نئیں آئے
اجاں پَل نئیں آیا پیتیں دا اجاں قول تیڈے دے کَل نئیں آئے
کوئی پنل کہیں دا نکھڑے نہ جیہڑے نکھڑیے ہن اُو ول نئیں آئے
سئیں پنل جتوئی صاحب ::::::
سچا قول بھلاونڑاں کئینی مفتا حال ونجاونڑاں کئینی
یاری پکی رب دے نال اے بیا کوئی یار بنڑاونڑاں کئینی
جو وی پنسوں ایں در پنسوں غیر دا در کھڑکاونڑاں کئینی
ڈکھ جو ڈیسی آپ ٹلیسی کہیں کوں ڈکھ سنڑواونڑاں کئینی
شاہ رگ توں او نیڑے وسدے مشکل وچ گھبراونڑاں کئینی
اجمل کہیں وی غیر اللہ کوں رب دے نال رلاونڑاں کئینی
اجمل نزیر تاج پوری سندھو ڈیکھݨ آیاں ــ اکھیں ٻُوہڑ ٻیڑی کونجاں ــــ اکھیں
ٹاہلیاں کیکر ٻُورے ـــ ٻُوئیاں لائیاں کھمبیاں ݙاچاں اکھیں
سُݨ سرمی دے ساز سُریلے سانوݨ آن وچھایاں اکھیں
تھل دی پپل ٹُوبھیاں اُتے تسیاں تسیاں چھاپیاں اکھیں
سیپ سندورے کݙھنڑ والی مونجھیں دیوچ سیتیاں اکھیں
رنگ رنگیلے پوترے وُونڑے ت چھٻی اُتے نکھتیاں اکھیں
شاعر_جعفر جام
AN EPIC FROM A NEW COMER کیتلی داد ڈویجے 🌴🌴🌴🌴🌴🌴🌴🌴🌴🌴🌴 کہڑا بچپن جوانی نشانی تاں ڈس نال سینگھاں دے کئ کھیڈ کھیڈا ہوواں کہیں توں رُسا ہوواں کہیں منایا ہووے گلی سُتے کوں آ کہیں جگایا ہووے چُولا گل اچ نواں کڈی پایا ہووے ہتھ بستے یا تختی کوں لایا ہووے کوئی نشانی تاں ڈس کئی نشانی تاں ڈس رٙجاں بٙچا بُھایا اُروڑی اوتے میں مقدر سمجھ کے اتھائیں بہہ گیاں توں وی ڈہدا رہئیں لوک ڈہدے رہے میڈی غربت دا فوٹو چکھیندا رہیا میں وی جیندا رہیا جی حضوری کیتے ھا مزوری کیتے سجھ سوجھل گواہ
میں تاں گھر دا بوھا
ھالیں توڑیں تاں ڈیں کوں وی ڈٹھا نہیں سارے گھر دا جو ہکو سہارا ھاں میں
بابے امڑی دے اکھیں دا تارا ھاں میں
میڈے سوچاں کوں سوچاں جو کھاندیاں رہیاں
خاب لُڑھدے گئے اکھیں واہندیاں رہیاں
میں تاں آدھاں جو بچپن توں بڈھڑا ہمی
توں وی سچا ہیں سئیں میں وی کوڑا تاں نہ
کوئی نشانی تاں ڈس ہے جوانی تاں ڈس
Zair Baloch