نوید ستاری

اصل ناں       نوید اقبال

قلمی ناں       نوید ؔ ستاری

ڄمݨ           1976ء

تعلیم          میٹرک

پیشہ           صحافت

فون نمبر        0307 7655193

جاہ پتہ         چاہ ٻوہڑ والا علی پور روڈ مظفر ڳڑھ

نوید ستاری شاعر ابنِ شاعر ہن ، ہفت روزہ ’’صدائے مخدوم‘‘ دے بانی حضرت مخدوم غفور ستاری کوں کون نہیں ڄاݨدا ؟ آپ اردو تے سرائیکی دے ممتاز شاعر ہن۔نوید ستاری آپ دے چھوٹے فرزند ہن۔ نوید وی اردو تے سرائیکی ݙوہائیں زباناں وچ شاعری کریندے۔ نمونہ کلام حاضر ہے۔

غزل

ایویں اپݨے خیالاں وچ مکان اپݨاں اسارا ہے

نہ ہمت ہے ، نہ دھرتی ہے ، نہ سلھاں ہن ، نہ گارا ہے

گھمر گھیری چھکیندی ہے زمانے دے سمندر دی

نہ کئی ٻیڑی نظردی ہے ،نہ کئی نیڑے کنارا ہے

ڳولیندا پُھل کوں رہ ویندے ، جتھاں ݙسدے ٹھکا تھیندے

کݙی ایں جاء ، کݙی اوں جاء اے دل کیجھاں اوارا ہے

جݙݨ دلبر نظردا نئیں میکوں کئی شئے وی نئیں ݙسدی

فلک تے چندر نئیں ݙسدا ، نہ ݙسدا کئی ستارا ہے

میں اپݨے دل دیوچ اوکوں نویدؔ ایجھاں وسا ٻیٹھاں

تصوّر وچ میکوں ہردم اوندا تھیندا نظارا ہے