نوشین احتشام

نوشین احتشام (جنم: 14 ستمبر 1958ء) سابقہ ٹینس کھلاڑی ہِن جنّھاں دا تعلق پاکستان نال ہِے۔

پس منظر

نوشین احتشام 14 ستمبر 1958ء کوں ٹینس کھلاڑی خواجہ افتخار احمد دے گھر پیدا تھئیں۔ انّھاں دا پُتر اعصام الحق قریشی وی ہک مشہور ٹینس کھلاڑی ہِے تے کئی مقابلیں وِچ پاکستان دی نمائندگی کر چُکا ہِے۔ انّھاں دے بھتیجے سمیر افتخار نے جونیئر سطح تے انٹرنیشنل ٹینس کھیڈیا ہِے جݙݨ جو انّھاں دی بھانجی آشنا سہیل نے فیڈ کپ تے ساؤتھ ایشین گیمز وِچ حصہ گِھدّا ہِے۔

قومی

نوشین احتشام ݙہ سال تک پاکستان دی صف اول دی کِھݙار رہی ہِن۔ انّھاں نے 2000ء وِچ ایہ اعزاز جِتیا ہئی۔

کَم کار

نوشین احتشام 1997ء وِچ فیڈ کپ وِچ حصہ گِھنݨ والی پہلی ٹیم دا حصہ ہَن جِتھاں اوہ پلیئنگ کپتان ہَن۔ نوشین احتشام نے شام تے پیسیفک اوشیانیا دے ڈبلز ربڑ وِچ ندا وسیم دے نال شراکت کِیتی۔ ݙوہاں کوں ݙو سیٹاں وِچ شکست دا سامݨا کرݨا پیا۔ 1999ء دے گروپ میچاں وِچ انّھاں نے مریم رحیم دے نال ڈبلز وِچ شراکت کِیتی تے ترکمنستان، شام تے فجی دے خلاف کامیابی حاصل کِیتی۔ سنگاپور دے خلاف پلے آف وِچ انّھاں نے حلیمہ رحیم دے نال شراکت وِچ ڈبلز ربڑ کوں 2-1 نال جِتیا پر اوہ سنگلز کوں 0-2 نال ہار ڳئیاں۔ پھر انّھاں دی جاہ تے شاہدہ چشتی کوں بطور کپتان تعینات کِیتا ڳیا۔ 2000ء وِچ نوشین احتشام تے انّھاں دے پُتر قریشی نے فیڈ کپ تے ڈیوس کپ وِچ بالترتیب پاکستان دی نمائندگی کِیتی تے تاریخ رقم کِیتی تے ہک وقت وِچ اِیں مقابلیں وِچ مقابلہ کرݨ والی پہلی ماں تے پُتر دی جوڑی بݨ ڳئے۔ انّھاں نے اپݨی کپتانی دوبارہ حاصل کِیتی تے ڈبلز ربڑ وِچ حصہ گِھدّا۔ اردن تے شام دے خلاف فتح حاصل کِیتی تے ترکمانستان دے خلاف شکست کھادی۔ ہک دہائی تک پاکستان نے فیڈ کپ 2001ء توں 2010ء تئیں مقابلہ کرݨا چھوڑ ݙِتّا۔ واپسی تے نوشین احتشام 2011ء تے 2013ء وِچ غیر کھلاڑی کپتان بݨ ڳئی۔