نوسو لار، فلم

نوسو لار یا آسٹرل سٹی جرنی ہک برازیلی فلم اے جیہڑی روحانیت دے نظریات تے مشتمل اے۔ اے فلم پرتگالی زبان وچ ہے۔ فلم دی کہانی مرݨ دے بعد دی زندگی تے ہے جینکوں اساں برزخ یا اعراف دے ناں نال ڄاݨدے ہیں۔ اے کہانی ہک ڈاکٹر دی ہے جیہڑا کہیں بیماری نال مر ویندے تے ول اوندی روح کوں ہک نویں دنیا وچ منتقل کیتا ویندے جتھوں دے اصول تے ضابطے مختلف ہوندن پر او دنیا اونکوں پسند آندی اے۔ اوں دنیا وچ اونکوں اوندے توں پہلے فوت شدہ لوگ وی ملدن جیہڑے اونکوں ڄاݨدے ہوندن یا او انہاں کو ڄاݨدے۔ اوں آسمانی دنیا دی ٹیکنالوجی جدید ݙکھائی ویندی اے۔ اتھاں ٻہوں سارے لوگ عذاب وچ وی ݙکھائے ویندن۔ ایں فلم دے ڈائریکٹر تے لکھاری، واگنر ڈی اسیس ہن تے پرڈیوسر لافا برٹز ہن۔ ڈاکٹر دا کردار ریناٹو پریٹو نے نبھایا تے 3 ستمبر 2010ء وچ ریلیز کیتی ڳئی۔ فلم دا دورانیہ 105 منٹاں دا اے۔ ایندا بجٹ ہک کروڑ دا ہئی تے باکس آفس وچ ݙو کروڑ پنجاہ لکھ دا بزنس ریکارڈ تھیا۔