نور محمد پندھیڑو
اصل ناں حاجی نور محمد
تخلص پندھیڑوؔ
ڄمݨ 1945ء
تعلیم مڈل
پیشہ دکان داری
فون نمبر 03426447868
جاہ پتہ موضع احمد موہانہ ،ڈاکخانہ شاہجمال ضلع مظفر ڳڑھ
غزل
[لکھو | ماخذ وچ تبدیلی کرو]تیݙی جھوک تے اَوں ساݙا دل اَہدے
سبھے حال سنْاؤں ساݙا دل اَہدے
تیݙی ذات صفات دا ذکر کروں
تیݙے سہرے ڳاؤں ساݙا دل اَہدے
تیݙے در تے ہن دربان کھڑے
تیݙا در کھڑکاؤں ساݙا دل اَہدے
تیݙی جھوک دے لوک اَنْ واقف ہن
کہیں نال الاؤں ساݙا دل اَہدے
تیݙی نندر دا ویلا نہ ہووے
اساں ناد وڄاؤ ساݙا دل اَہدے
ارمان پندھیڑوؔ مُک ویسن
سر ویل ہُکاؤں ساݙا دل اَہدے