نور عالم خان

نور عالم خان
رکن پاکستان قومی اسمبلی
آغاز منصب 13 August 2018
مدت منصب 2008 – 2013
معلومات شخصیت
ڄمݨ	12 اکتوبر 1972ء (53 سال)  پاکستان
شہریت	پاکستان
جماعت	پاکستان پیپلز پارٹی
عملی زندگی
کم	سیاست دان
ماء ٻولی	اردو
پیشہ ورانہ زبان	اردو

نور عالم خان ہک پاکستانی سیاست دان ہن جیہڑے اگست 2018 توں پاکستان دی قومی اسمبلی دے رکن ہن۔ ایندے توں پہلے اوہ 2008 توں 2013 تائیں رکن قومی اسمبلی رہ چکے ہن۔ اوہ 2018 توں 2022 تائیں پاکستان تحریک انصاف (پی ٹی آئی) دے رکن رہے۔ پی ٹی آئی توں منحرف رکن تھیوݨ دے بعد انہاں آکھیا ہئی جو اوہ اپݨی پارٹی دے چیئرمین وزیراعظم عمران خان دے خلاف تحریک عدم اعتماد وچ ووٹ ݙیسن۔ تاہم، نور عالم خان کوں ووٹ نئیں ݙیوݨا پیا، کیونکہ اپریل 2022 کوں حزب اختلاف پاکستان ڈیموکریٹک موومنٹ (PDM) وزیراعظم عمران خان کوں معزول کرݨ کیتے خود کافی ووٹ اکٹھے کرݨ وچ کامیاب تھی ڳئی ہئی۔ نور عالم خان 2008 توں 2018 تائیں پاکستان پیپلز پارٹی (پی پی پی) دے رکن رہے۔

سیاسی دور

سیاسی وابستگی

اوہ 2008 دے پاکستانی عام انتخابات وچ پاکستان پیپلز پارٹی (پی پی پی) دے امیدوار دے طور تے حلقہ NA-3 (پشاور-III) توں پاکستان دی قومی اسمبلی کیتے منتخب تھئے۔ انہاں 27,038 ووٹ حاصل کیتے اتے عوامی نیشنل پارٹی (ANP) دے محمد ہشام بابر کوں ہرایا۔ ایں دور وچ انہاں وفاقی پارلیمانی سیکرٹری برائے تجارت دے طور تے خدمات انجام ݙتیاں۔ انہاں 2013 دے پاکستانی عام انتخابات وچ NA-3، پشاور توں پاکستان پیپلز پارٹی (PPP) دی طرفوں حصہ ڳھدا اتے 22045 ووٹ حاصل کر تے چوتھے نمبر تے رہے۔ اوہ 2018 دے پاکستانی عام انتخابات وچ حلقہ NA-27 (پشاور-I) توں ول قومی اسمبلی کیتے پاکستان تحریک انصاف (PTI) دے امیدوار دے طور تے منتخب تھئے۔ ایں وچ انہاں 71,158 ووٹ حاصل کیتے اتے متحدہ مجلس عمل (MMA) دے حاجی غلام علی کوں ہرایا۔

اثاثے

2012 وچ، انہاں کوں پاکستان دی قومی اسمبلی وچ سب توں امیر ترین رکن دے طور تے نامزد کیتا ڳیا، انہاں دے اعلان کردہ اثاثیاں دی مالیت 32 بلین روپے توں ودھ ہئی۔ انہاں دے کول پشاور وچ 200 ایکڑ پرائم لینڈ (160 ملین پاکستانی روپے فی ایکڑ دے حساب نال)، PKR 11.6 ملین مالیت دے سونے دے زیورات، ݙو گاݙیاں اتے ہک گھر ہئی۔

تنازعات

فروری 2022 وچ جݙاں عمران خان نے حکومت مخالفین تے الزام لایا جو پی ٹی آئی دے ارکان کوں مل ڳھدا ویندا پیا ہے اتے اوہ ارکان اسلام آباد دے سندھ ہاؤس وچ ہن، تاں سب توں پہلے نور عالم خان دی ویڈیو سامݨے آئی۔ بعد ازاں معاملات کھلݨ لڳے۔ 2022 وچ انہاں وزیراعظم عمران خان دے خلاف تحریک عدم اعتماد وچ حصہ ڳھدا۔ ایندے بعد عوام دی طرفوں نور عالم دے خلاف سخت رد عمل سامݨے آیا۔ حتیٰ کہ بعض حلقیاں دی طرفوں انہاں کوں لوٹا قرار ݙتا ڳیا۔