نور جنکشن ریلوے ٹیشݨ

نور جنکشن ریلوے ٹیشݨ اسلام آباد وچ ہے۔ ایہہ پشاور ویندے ہوئیں راولپنڈی توں اڳلا ٹیشݨ ہے۔ ایہہ ٹیشݨ پاکستان دا واحد جنکشن ہے جتھاں کہیں وی ریل ڳاݙی دا کوئی سٹاپ کائنی۔ نور جنکشن، مارگلہ ریلوے ٹیشݨ تے اسلام آباد کیرج فیکٹری کیتے ہے۔

تاریخ:

نورجنکشن اسلام آباد دے I-12 سیکٹر وچ کرنل شیر خان روڈ تے راولپنڈی ریلوے ٹیشݨ تے مدینہ الحجاج ریلوے ٹیشݨ دے وچالے اچ ہے جینکوں 1969ء وچ بݨایا ڳیا ہا۔ ایہہ پاکستان دا واحد جنکشن ہے جتھاں کہیں وی ریل ڳاݙی دا شیڈول سٹاپ کوئنی۔

ناں:

ایں ریلوے ٹیشݨ دا ناں پاکستان فضائیہ دے ائیر مارشل نور خان دے ناں تے رکھیا ڳیا ہے جئیں نے 1941ء توں 1971ء تک فوج وچ خدمت انجام ݙتی تے فضائیہ دے سربراہ رہے ہن۔ 1965ء دی جنگ وچ دادِ شجاعت ݙتی۔

مجوزہ اسلام آباد–مظفر آباد برانچ ریلوے لائن:

نور جنکشن توں مارگلہ ریلوے لائن کوں 1979ء وچ نور جنکشن توں مظفرآباد (آزاد کشمیر) تک 128 کلومیٹر طویل ریلوے لائن وچھاوݨ دا منصوبہ بݨایا ڳیا جیندے تے اسلام آباد دے مارگلہ ریلوے ٹیشݨ تک تاں کم تھیا لیکن اوندے بعد 1980ء وچ ایں منصوبے تے کم رک ڳیا جینکوں ولا 2016ء وچ محکمہ ریلوے نے شروع کرݨ وچ دلچسپی ݙکھائی تے منصوبے تے تعمیر توں پہلاں پلاننگ تے ٻئے مراحل کوں مکمل کیتا ڳیا اوندے بعد تاحال معلوم نئیں تھی سڳیا ایہہ منصوبہ کݙݨ شروع تھیسی۔ اگر ایہہ منصوبہ شروع تھی ویندے تاں ایہہ ریلوے لائن نور جنکشن توں مارگلہ ریلوے ٹیشݨ، بارہ کہو، مری، بھوربن دے بعد دریا جہلم دے متوازی چلدا ہویا کوہالہ وچ دریا جہلم کوں پار کر کے مظفرآباد تک ویسی۔

ہݨ ایکٹو لائن:

نور ریلوے ٹیشݨ

اسلام آباد ریلوے ٹیشݨ

مجوزہ لائن:

بہارہ کہو

سمبلان

کھجوت

مری

بھوربن

دیول شریف

بیروٹ

کوہالہ

مظفرآباد