نور تھہیم

نور احمد المعروف نور تھہیم ایڈوکیٹ خانپور اچ منظور احمد تھہیم دے گھر 2 جنوری 1963ء کوں پیدا تھئے ۔ایم اے سرائیکی تے ایل ایل بی کیتا تے وکالت دے شعبے نال منسلک تھی ڳئے پر سرائیکی زبان ادب واسطے اپݨے کم کار کوں نِت جاری رکھیا ۔ سرائیکی دے بہترین افسانے لکھئے ، وکالت توں پہلے آپ مدرس ہَن انہاں سرکاری سکول اچ وی طالب علمیں کوں سرائیکی ماء ٻولی دے سبق پڑھائے تے سندھی تے بنگالی استاد وانگے اپݨے سرائیکی استاد ہووݨ دا ثبوت ݙتا۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء