نور الحسن چشتی
اصل ناں نورالحسن
تخلص چشتیؔ
ڄمݨ 1940ء
پیشہ دوکانداری
جاہ پتہ محراب والا تحصیل احمد پور شرقیہ(بہاولپور)
غزل
[لکھو | ماخذ وچ تبدیلی کرو]خوشیاں نہ کیوں مناواں خوشیاں دا وار آڳئے
دل والے غنچے کھل پئے ، سوہݨاں نکھار آڳئے
من مست تھی ڳیا ہے ، ساقی دی خیر ہووے
الفت دی مئے پلئی ہِس، میکوں خمار آڳئے
گل پھُل امید والے سرسبز اڄ نظردن
اُڄڑے چمن وچالے بݨ تے بہار آڳئے
ہک وار کھل تے ٻولئے آکھیس وفا کریساں
بھُل ڳین پچھلیاں ڳالھیں ول اعتبار آڳئے
مدتاں دے بعد اڄ سئیں نازیں بھریئے جو ڈٖٹھے
قسمے خدا دی چشتیؔ دل کوں قرار آڳئے
٭٭٭