نورہ بنت عبد الرحمان آل سعود
| ||||
|---|---|---|---|---|
| (عربی میں: نورة بنت عبد الرحمن بن فيصل آل سعود) | ||||
| معلومات شخصیت | ||||
| پیدائش | سنہ 1875ء | |||
| وفات | سنہ 1950ء (74–75 سال) | |||
| مدفن | مقبرہ العود | |||
| شہریت |  سعودی عرب | |||
| شریک حیات | سعود الکبیر بن عبد العزیز بن سعود | |||
| والد | عبد الرحمان بن فیصل آل سعود | |||
| بہن/بھائی | ||||
| خاندان | آل سعود | |||
درستی - ترمیم  | ||||
نورہ بنت عبد الرحمٰن آل سعود (عربی: نورة بنت عبد الرحمن آل سعود؛ 1875ء – جولائی 1950ء) نجد دے امیر عبدالرحمن بن فیصل بن ترکی دی سبھ توں وݙی دھی تے سعودی عرب دے شاہ عبدالعزیز دی وݙی بھیݨ تے مشیر ہئی۔ مداوی الرشید دا آکھݨ ہئی جو اوہ سعودی عرب وِچ شاہی زنانیاں دی پہلی مثال ہن جنھاں کوں ترقی پسند شاہی خاندان دے نقطہ نظر دی حمایت کِیتے متعارف کرایا ڳیا ہئی۔
ابتدائی زندگی
[لکھو | ماخذ وچ تبدیلی کرو]نورہ 1875ء وِچ ریاض وِچ ڄَمّی ہئی[١]۔ اوہ عبد الرحمن بن فیصل بن ترکی دی سبھ توں وݙی دھی تے عبد العزیز بن عبد الرحمٰن دی مکمل بھیݨ ہئی، جیڑھے جدید سعودی عرب کوں قائم کیتا تے ایندے پہلے بادشاہ دے طور تے حکومت کیتی۔ نورہ دے ݙوجھے ہم بھیݨ بھراں وِچ فیصل، باز، حیا تے سعد شامل ہن۔ انّھاں دی ماں سدیری خاندان دی رکن ہئی، سارہ بنت احمد، جنّھاں دا انتقال 1908ء[٢] یا 1910ء وِچ تھیا۔ نورہ دی نانی حیسا بنت محنہ بن صالح النویران ہئی۔ نورہ دے اپݨے پیو دی ݙوجھیاں شادیاں توں وی کئی سوتیلے بھیݨ بھائی ہن، جنّھاں وِچ محمد، عبداللہ، احمد تے مسید شامل ہن۔[٣][٤]
نورہ تے اوں دا بھائی عبد العزیز نے ریاض دی ہک مسجد اسکول وِچ تعلیم گھِدّی جݙݨ انّھاں دے پیو الرشید دے دور حکومت وِچ صوبہ حائل وِچ ہن۔ اُتّھاں انّھاں نے اپݨے ابتدائی سالاں توں لکھݨ پڑھݨ سِکھیا جو اُوں زمانے وِچ عرب ڄاݨکی کِیتے ہک ٻہوں ہی نایاب شئے ہئی۔ 1891ء وِچ نورہ نے اپݨے خاندان دے افراد دے نال ریاض چھوڑ ݙِتّا جݙݨ اوں دے پیو کوں جلاوطنی تے مجبور کیتا ڳیا۔[٥][٦]
تعلقات تے سرگرمیاں
[لکھو | ماخذ وچ تبدیلی کرو]شاہ عبد العزیز تے نورہ ہک ݙوجھے دے ٻہوں قریب ہن۔ اے ڳالھ مشہور ہئی جو کئی مواقع تے شاہ عبد العزیز نے عوام دے سامہݨے اے اعلان کر تے خود کوں پچھاݨا جو "میں نورہ دا بھائی ہاں"। انّھاں دے ہک ٻئے نِکے بھائی محمد بن عبد الرحمٰن وی ایہا آکھیا کرے ہن۔
نورہ دے کول "40 آدمیاں دے دماغ" تے وݙی حکمت والی آکھیا ویندی ہئی۔ اوں نے عبد العزیز کوں ملک دی قیادت دوبارہ حاصل کرݨ دی ترغیب ݙِتّی جݙݨ اے خاندان کویت وِچ جلاوطنی وِچ ہئی۔ انّھاں دی کرشماتی شخصیت تے مضبوط سیاسی خیالات دی وجہ توں شاہ عبد العزیز نے ٻہوں سارے اہم مسائل دے بارے وِچ انّھاں دی رائے تے توجہ ݙِتّی۔ بالآخر، اوہ انّھاں دی اہم مشیراں وِچوں ہک بݨ ڳئی تے اِتّاں تک جو جݙݨ اوہ ایویں کرݨ توں قاصر ہن تاں ریاست چلاوݨ وِچ وی انّھاں دی جاہ گھِن گھِدّی۔
ذاتی حیاتی
[لکھو | ماخذ وچ تبدیلی کرو]نورہ بنت عبد الرحمن نے 1905ء وِچ سعود بن عبد العزیز بن سعود بن فیصل نال شادی کیتی جیڑھے سعود الکبیر دے ناں نال مشہور ہن۔ اوہ آل سعود دی الکبیر شاخ نال تعلق رکھیندا ہئی، جیڑھی سعود بن فیصل بن ترکی دی اولاد تے مشتمل ہئی، 1871ء توں 1875ء تک نجد دے امیر تے نورہ دے پیو امیر عبد الرحمن بن فیصل دے وݙے بھائی ہن۔
موت
[لکھو | ماخذ وچ تبدیلی کرو]نورہ دا انتقال شاہ عبد العزیز توں کجھ سال پہلے جولائی 1950ء وِچ 75 سال دی عمر وِچ تھیا۔ انّھاں کوں ریاض دے العود قبرستان وِچ سپرد خاک کیتا ڳیا۔ شاہ عبد العزیز کوں 1953ء وِچ ایں ئی قبرستان وِچ دفن کیتا ڳیا ہئی۔[٧]
حوالے
[لکھو | ماخذ وچ تبدیلی کرو]- ↑ Madawi Al Rasheed (2013)۔ A Most Masculine State: Gender, Politics and Religion in Saudi Arabia۔ Cambridge: Cambridge University Press۔ ص 43۔ ISBN:978-0-521-76104-8
- ↑ Nadav Samin (2015)۔ "4. Marriage and Lineal Authentication"۔ Of Sand or Soil: Genealogy and Tribal Belonging in Saudi Arabia۔ Princeton, NJ: Princeton University Press۔ ص 118۔ ISBN:978-1-4008-7385-2
- ↑ http://d1.islamhouse.com/data/en/ih_books/single/en_king_Abdul_Aziz.pdf
- ↑ Alexei Vassiliev (1 مارچ 2013)۔ King Faisal: Personality, Faith and Times۔ London: Saqi۔ ص 12۔ ISBN:978-0-86356-761-2
- ↑ Peter Hobday (1986)۔ Saudi Arabia Today. An Introduction to the Richest Oil Power (2nd ایڈیشن)۔ London: The Macmillan Press۔ ص 21۔ ISBN:978-0-333-21471-8
- ↑ Prince Mohammed bin Abdul Rahman Al Faisal Al Saud (PDF)۔ ص 55۔ 17 ستمبر 2012 کو اصل (PDF) سے آرکائیو کیا گیا
{{حوالہ کتاب}}:|work=تُجوهل (معاونت) - ↑ Jennifer Bond Reed (2006)۔ The Saudi Royal Family (Modern World Leaders)۔ New York: Chelsea House Publishers۔ ص 43