نورنامہ
نور نامہ ہک مذہبی کتاب ہے۔ جیکوں ہر گھر وچ رکھݨ تے پڑھݨ ثواب دا باعث سمجھیا ویندا ہے۔
پہلی سرائیکی تصنیف
[لکھو | ماخذ وچ تبدیلی کرو]سرائیکی شاعری دی مستقل تصانیف وچ پہلی کتاب حضرت ملاں دا "نورنامہ" ہے ۔ او خود ایندا سن تصنیف ہک شعر وچ٥٠٠ھ ݙسیندے ہن۔ ایں کتاب دی قدامت بارے ہک ٻئی اندرونی شہادت وی ساکوں لبھی ہے۔ حضرت ملاں نورنامے وچ اہدے ہن۔ جو ہک بزرگ کوں کتب خانے وچوں ہک نایاب کتاب صفت آفرنیش ملی جیں کوں اوں بزرگ سلطان محمود غزنوی دی خدمت وچ پیش کیتا۔ سلطان خوش تھی تے ٻہوں غلام آزاد کیتے۔ خیراتاں کیتیاں تے اوں علاقے دے لوکاں دا ٹیکس معاف کرݙتا۔ کتاب دے کئی نسخے تیار کرتے ہر پاسے روانہ کیتے۔ اوں ویلے ملتان سلطان محمود غزنوی دی سلطنت وچ شامل ہئی۔ تے علم و ادب دا ٻہوں وݙا مرکز ہائی۔ یقیناً صفت آفرنیش دا نسخہ اتھاں وی پُڄیا ہوسی۔ جیکوں حضرت ملاں سرائیکی زبان وچ ترجمہ کیتا۔ ایں طرحاں نورنامے دیاں ݙو اندرونی شہادتاں ایں کوں ٥٠٠ھ دی تصنیف ثابت کریندیاں ہن۔ اگر سلطان محمود دا زمانہ ٥٠٠ھ دے بعد ہووے ہا تاں ایہ دعویٰ خود بخود غلط ثابت تھی ویندا۔
بر صغیر دے معروف محقق حافظ محمود شیرانی نور نامے کوں 1054ء دی تصنیف آکھئے ۔ جݙاں جو ڈاکٹر مہر عبدالحق اینکوں ہِیں توں وی پہلے دی تصنیف آکھدن ۔ نور نامہ سرائیکی دی او شاہکار شاعری اے جیرھی صدیں توں صرف سرائیکی وسیب ءِ چ ای نی ، سارے ہندوستان دے پرے پرے دے علاقئیں تے اڄ دے پاکستان دے ہر علاقے ءِ چ قرآن مجید دی تلاوت دے بعد پڑھی ویندی اے ۔ ایں نظم وچ 19 واری نور دا لفظ آئے۔ سرائیکی دی اے نظم ہو بہو پڑھیجݨ دے نال ہندوستان تے پاکستان دے کئی زبانیں ءِ چ ترجمہ کر تے اینکوں پڑھیا ویندے پر ایندا حوالہ ملتانی نظم آلا ݙتا ویندے ۔ ماہر لسانیات پروفیسر شوکت مغل نور نامے کوں نویں سروں بݨا جوڑ تے ٹھہا ݙتے تے اساں اینکوں جھوک پبلشرز دی طرفوں شائع کیتے ۔ نور نامے ءِ چ سب توں پہلے اللہ سئیں دی ، ولا اوندے حبیب محمدؐ سئیں دی تعریف اے ، ولا شاعر اپݨی ارداس دے نال جڳ جہان دی ڳالھ کریندے ۔ اینکوں پڑھݨ کار ثواب سمجھا ویندے ۔
مضمون
[لکھو | ماخذ وچ تبدیلی کرو]نور نامہ او نظم ہے جیندے وچ حضور اکرم ﷺ دی نورانی زندگی دا ذکر کیتا ویندا ہے۔ اکثر ایندا ذکر ہوندا ہے کہ اللہ تعالیٰ نے ساریاں چیزاں پیدا کرݨ توں پہلے آپݨے نبی دے نور کوں پیدا کیتا ہا۔ نور محمدی دے بیان واسطے اکثر احدیث تے روایات دا سہارا گھد ویندا ہے، نور نامہ نظم تے نثر وچ ہکو جیہا مشہور تے ٻہوں زیادہ مقبول ریہا ہے