نورمحمد بمپشتی

نورمحمد بمپشتی بلوچ تاریخ دا ہک نامور شاعر تے انقلابی شخصیت دے حامل ہن۔ نورمحمد بمپشتی مغربی بلوچستان دے علاقے بمپشت وچ ڄمیے۔ انہاں دے پیو میر عثمان درا زئی قبیلے نال تعلق رکھدے ہن۔ بمپشتی نے ابتدائی تعلیم بمپشت ہی وچ حاصل کیتی تے اتھوں دے مقامی علما توں قرآن دی تعلیم حاصل کیتی۔ ابتدا ہی توں شعر تے شاعری دا شوق رکھدے ہن تے بالآخر ایہے جذبے نے بمپشتی کوں بلوچ تاریخ دا ہک ایسا شاعر بݨایا کہ جیہڑا ہمیشہ یاد رکھیا ویسے۔ انہاں دے اشعار انقلابی ہن تے بلوچ قوم دی حق خود ارادیت دے حصول کیتے شہید کیتے ڳئے۔ نورمحمد بمپشتی جیہڑے اپݨی بلوچی قومی اشعار دی وجہ توں جاݨیے پہچاݨے ویندے ہن، کوں ایران دے قاجار ستمگر حاکم کرمان نے بعد از دستگیری کرمان ڳھن کے انہیں دی زبان ڄٻھ کٹݨ دا حکم ݙتا جیہڑی وجہ توں ٻہوں ظلم ستم تے تشدد تے زبان کٹݨ دے ترائے مہینے بعد شہید تھی ڳئے۔ نور محمد بمپشتی کوں وݙی بے دردی نال شہید تاں کیتا گیا لیکن اڄ وی بلوچستان وچ انہاں دے اشعار بڑے ذوق تے شوق نال سݨیے تے گائے ویندے ہن۔