نوتیزئی
نوتی زئی، نوتیزی یا نوطیزی یا نوتھا زئی ہک بلوچ قبیلہ ہے۔ ایہ قبیلہ شجرہ نسب دے حوالے نال امیر جلال خان دی ناویں پشت تے مشہور سلسلہ لاشار دی تیرویں پشت نال جڑدا ہے۔ ایں قبیلے دے لوک ایران، افغانستان تے پاکستان وچ آباد ہن۔ نوتیزی قبیلے دا ناں "نوط" یا "نوت" دے ناں تے منسوب ہے۔ نوط دا شجرہ نسب ایں طرح ہے: نوط بن کھیا بن گوہرام بن زنگی بن سیف الدین بن کینگی بن سمال بن بوہر بن رندان بن امیر جلال خان بن ماہی جتو بن گوہرام بن امیر بن لاشار بن علی قریش۔ نوط دا اصل علاقہ کیچ تے مکران ہے۔ نوط دے چار بھرا وی ہن جنہاں دے ناں ہوت، بادین، جمالدین تے رخشان ہن۔ نوط دے پنج پتر ہن جنہاں دے ناں اللہ داد (لاداد)، موسیٰ، عیسیٰ، بلگاگ تے ایلی ہن۔ نوط دی اولاد وچ سردار ندام اپݨی عقلمندی، دانشمندی تے بردباری دی وجہ توں ٻہوں مشہور تے معروف رہیا ہے۔