نواز خان اشہر

نواز خان اشہر سرائیکی زبان دا شاعر ہے۔

نمونہ کلام

جیندا عشق عروج تے پہنچ ونڄے او کہیں مسکان کوں کیا ݙہدے.

ڄیکوں پتهریں نال پیار ہووے او ول رحمان کوں کیا ݙہدے.

نہ خوف خدائی دا کوئی ہوندے نہ محشر دا کوئی ݙر ہوندے.

او منکر ہے ہر گال کنوں او کوئی یزدان کوں کیا ݙہدے.

جیکوں خبر نہیں بے خبرا ہے او غافل ہے میں کیا آکهاں.

توڑے کنیں وچ کڑوا تهیوے پنج وقت آذان کوں کیا ݙہدے.

جیندے ذہن تے مغرب چها گئی ہے جیندا فیشن قبلہ بنڑدا ہے.

او آدمی ہے انسان تاں نئیں او ول قرآن کوں کیا ݙہدے.

جتهاں رہبر رہزن بنڑ ویندن جتهاں وحشی قسم دا راج ہووے.

بهانویں فلکیں توں تصدیق تهیوے او کہیں فرمان توں کیا ݙہدے.

جیکوں آپ تے آپ بهروسہ نئیں جیکوں کہیں دی کوئی پہچان وی نئیں.

او بس مسکان کوں ݙہدا ہے او کہیں انسان کوں کیا ݙہدے.

جیرها اشهر پیت دا قیدی ہے او ریت رواج دا قائل ہے.

جیرها قیدی کہیں دے زلفیں دا او کہیں زندان کوں کیا ݙہدے.

نواز خان اشهر.