نوازشہانوی

ڈاکٹر نواز شہانوی دا اصل ناں اللہ نواز ہے۔ آپ 1954ء اچ پیدا تھئے۔ بی اے تئیں تعلیم حاصل کرݨ توں بعدہومیوپیتھک ڈاکٹر دے پیشے نال منسلک ہن۔ انسانیت نال پیار کرݨ آلی شخصیت ہن غریب لوکیں دی ٻہوں خدمت کریندن۔ سرائیکی زبان نال پیار تے ٻہوں سوہݨی سرائیکی شاعری کریندن۔ قصبہ شہانی تحصیل و ضلع بھکر اچ رہائش پذیر ہن۔سرائیکی نال ٻہوں محبت کریندن۔ڈاکٹر نواز شہانوی ہک پڑھیا لکھیا ، سطحی سوچ رکھن آلا شاعر و ادیب ہے ،جیندی کتاب ’’ شاعری دے گُر‘‘ انہاندی علمی ادبی بصیرت تے مقام دا تعین کریندی ہے۔432صفحیاں تے مشتمل ایہ کتاب پورے سرائیکی وسیب اچ نواز  شہانوی دی پہچان بن چکی ہے۔جیندے وچ علم عروض دے تمام قواعدو ضوابط تفصیل نال پیش کیتے گئین ،ایہ کتاب عروض نال دلچسپی رکھن آلے خصوصاََ نو آموز شعراء واسطے سنگِ میل دی حیثیت رکھدی ہے ۔ وسیب وچ ٻہوں پذیرائی حاصل تھئی اے۔علاوہ ازیں نواز شہانوی دا ناں کالم نگار دے حوالے نال وی ہک معروف ناں ہے۔ جنہاں دے اردو ،سرائیکی کالم اخبارات تے رسائل وچ اکثر چھپدے رہ ویندن۔جھوک توں کتاب چھپی تے جھوک اچ تحریراں وی چھپدیاں ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء