نوار بنت مالک

نوار بنت مالک
معلومات شخصیت
پِیؤ	مالک بن سرمہ بن مالک بن عدی بن عامر بن غنم
امؤاں	سلمیٰ بنت عامر بن مالک بن عدی
اولاد	یزید بن ثابتزید بن ثابت

نوار بنت مالک الانصاریہ ہِک صحابیہ ہَن اَتے اُوہ صحابی رسول حضرت زید بن حارث اَتے یزید بن ثابت رضی اللہ عنہما دی امّاں ہَن۔

سیرت

نوار بنت مالک بن سرمہ بن مالک بن عدی بن عامر بن غنم دا تعلق بنو عدی بن النجار نال ہِے جہڑے خزرج قبیلہ کنوں ہِن اَتے انّھاں دی امّاں دا ناں سلمیٰ بنت عامر بن مالک بن عدی ہے۔ النوار نے ثابت بن الضحاک بن زید نال شادی کیتی اَتے اُون٘دے نال زید بن ثابت اَتے اُون٘دا بِھرا یزید بن ثابت ڄَمّے ہَن۔ ول ثابت کوں بعثت دے ݙین٘ہ قتل کر ݙِتّا ڳِیا اَتے زید دی عمر چھی ورھیں دی ہَئی، تاں عمارہ بن حزم، جئیں غزوہ بدر اتے رسول اللہ صلی اللہ علیہ وسلم دے نال سارے غزویاں وِچ شرکت کیی، انّھاں نال شادی کیتی اَتے انّھاں توں مالک ڄَمّے ہَن۔ النوار نے پیغمبرِ اسلام دے یثرب آوݨ کنوں پہلے اسلام قبول کِیتا اَتے صحابی مصعب بن عمیر دے ہَتھ توں قرآن حفظ کرݨ شروع کِیتا۔ النوار نے پیغمبر محمد صلی اللہ علیہ وآلہ وسلم کنوں کُجھ حدیثاں روایت کیتیاں۔ مومناں دیاں مان٘واں اَتے اُم سعد بنت زرارہ نے انّھاں دی سند کنوں روایت کِیتی ہے۔ النوار مدینہ وِچ نبی کریم صلی اللہ علیہ وآلہ وسلم کوں ݙتّے ڳئے پہلے تحفے دی مالک ہَن، جہڑیلے اُنّھاں نے آپݨے پُتر زید بن ثابت کوں کھاوݨ دا ہِک ٹوٹا نبی صلی اللہ علیہ وآلہ وسلم دے کول بھیڄیا جہڑیلے اُوہ ابو ایوب الانصاری دے گھر ٹِکّے ہوئے ہَن۔ حضرت النوار دا گھر مسجد نبوی دے چَودھار دے گھراں وِچوں ساریاں کنوں اُچّا ہَئی، اِیں کیتے حضرت بلال رضی اللہ عنہٗ اُون٘دے اُتّے کنوں اذان ݙیوݨ کِیتے چڑھدے ہَن، اِیں کِیتے انّھاں دا گھر پہلا مینار ہَئی جین٘دے اُتّے اذان ݙِتّی وین٘دی ہَئی۔ النوار بنت مالک دا انتقال اُوں ویلے تِھیا جہڑیلے اُنّھاں دا پُتر زید جِین٘دا ہَئی اَتے اُوں نے ای انّھاں دی نماز جنازہ پڑھائی۔