نواب شاہ ریلوے ٹیشݨ

نواب شاہ ریلوے ٹیشݨ صوبہ سندھ دے شہر نواب شاہ وچ واقع ہک اہم ریلوے ٹیشݨ ہے۔ اے کراچی-پشاور ریلوے لائن تے واقع ہے تے نواب شاہ - ٹنڈو آدم لوپ تے نواب شاہ - میرپورخاص میٹر گیج ریلوے لائنیں دا جنکشن وی ہئی۔ ایندے علاوہ اتھو ہک ٻئی اہم ریلوے لائن شروع تھیندی ہئی جیہڑی نواب شاہ کوں سکرنڈ جنکشن نال ڳنڈھیندی ہئی۔ اینکوں نواب شاہ - سکرنڈ جنکشن ریلوے آکھیا ویندا ہئی۔

سکرنڈ ریلوے ٹیشݨ نواب شاہ دے اٻھے پچادھ وچ واقع ہئی۔ اے لائن بھٹ شاہ تے ٻیاں وستیاں کوں نواب شاہ نال ملیندی ہئی۔ پر افسوس دی ڳالھ اے ہے جو ہُنڑ اے لائن چالو کوئنی تے اتھو ٹریناں دی آمد و رفت بند تھی چکی ہے۔ ماضی وچ اے علاقہ ریلوے دے ذریعے پورے ملک نال جڑیا ہویا ہئی پر ہنڑ اے سہولت موجود کوئنی۔ البتہ نواب شاہ ریلوے ٹیشݨ ہُنڑ وی ہک مصروف ٹیشݨ ہے جتھوں ٻیاں شہریں کیتے ٹریناں ملدیاں ہن۔