نقاشی

نقاشی یا رنگکاری ، رنگ، رنگدار مادے یا ٻئے وسائل دی کہیں سطح تے لاڳو کرݨ دا عمل ہے۔فن دی دنیا وچ، ایں اصطلاح نال عمل (Act) تے نتیجہ، جیہڑا جو "نقش" (A Painting) آکھیا ویندے، ݙوہیں مراد ہوندے ہن۔

تسمیات:

لغوی طور تے ݙٹھا ونڄے تاں اصطلاحات "نقاشی" تے "رنگکاری" وچ کوئی خاص فرق کائنی، پر استعمال وچ فرق ضرور ہے۔ نقاشی دی اصطلاح اوں ویلے استعمال کیتی ویندی ہے جݙاں فنی عمل یا فنکاری مراد ہووے، جیویں جو تصاویر (نقوش) وغیرہ بݨاوݨ دا فن تے ایندے عمل کرݨ آلے کوں "نقاش" (Painter) آکھیا ویندے۔ جبکہ رنگکاری دی اصطلاح نال مراد ایہو جاہیں کم دی ہوندی ہے جیندے وچ کہیں سطح تے رنگ چاڑھایا ویندے پر ایندے نال کوئی فنی شئے تخلیق نہ تھیوے، یعنی کوئی فن پارہ وغیرہ۔ ایہو جہے کم کوں عام ٻولی وچ "رنگائی" وی آکھیا ویندے۔ ایندے عمل کرݨ آلے کوں "رنگکار" آکھیا ویندے۔