نغمہ مشتاق

نغمہ مشتاق
مناصب
رکن پنجاب صوبائی اسمبلی
رکنیت سنہ 15 اگست 2018
حلقہ انتخاب	پی پی-223
پارلیمانی مدت	17 ویں صوبائی اسمبلی پنجاب
معلومات شخصیت
پیدائش	سنہ 1968ء (عمر 56–57 سال)  ملتان
شہریت	پاکستان
جماعت	پاکستان مسلم لیگ (ن)
عملی حیاتی
پیشہ	سیاست دان

پنجاب اسمبلی لاہور

نغمہ مشتاق لانگ (جنم: 1968ء) ہک پاکستانی سیاست دان تے سابق وزیر پنجاب ہن، جیڑھی 3 واری پنجاب دی صوبائی اسمبلی دی رکن رہ چکی ہن، تے اگست 2018ء توں ہک واری وَل صوبائی اسمبلی دی رکن ہن۔ ایں توں پہلے نغمہ مشتاق لانگ 2008ء توں 2010ء تئیں تے ول مئی 2013ء توں مئی 2018ء تئیں پنجاب اسمبلی دی رکن رہی ہن۔ ملک مشتاق لانگ دے وفات پا ونجݨ دے ہک سال بعد انّھاں نے اپݨے ہی ڈرائیور نال نکاح کر گھدا جیڑھا ہݨ تئیں قائم ہئی۔ ایں ڈرائیور نال انّھاں دی ہک دھی وی ہئی جیندے وجہ توں انّھاں دی لانگ برادری دی اکثریت انّھاں نال نفرت کریندی ہئی۔

ابتدائی حیاتی

نغمہ مشتاق لانگ 1968ء وچ پیدا تھئی ہن۔ اوہ پنجاب دے سابق رکن صوبائی اسمبلی ملک مشتاق احمد لانگ دی ذال ہن۔

سیاسی حیاتی

نغمہ مشتاق لانگ پنجاب دی صوبائی اسمبلی کِیتے 2008ء دے پاکستانی عام انتخابات وچ حلقہ پی پی-206 (ملتان-12) توں پاکستان مسلم لیگ (ق) دی امیدوار دی حیثیت نال منتخب تھئی ہن۔ انّھاں نے 28,109 ووٹ حاصل کیتے تے پاکستان پیپلز پارٹی (پی پی پی) دے امیدوار کوں ہرا ݙتا۔

نغمہ مشتاق لانگ دی مخالف امیدوار نے انّھاں دی گریجویشن ڈگری کوں چیلنج کر ݙتا ہئی، جیندے تے نغمہ مشتاق لانگ نے اپریل 2010ء وچ اپݨی پنجاب اسمبلی دی نشست توں استعفیٰ ݙے ݙتا ہئی۔

دسمبر 2013ء وچ، اوہ آبادی دی بہبود کِیتے پارلیمانی سیکرٹری دے عہدے تے فائز رہی ہن۔

اوہ 2018ء دے عام انتخابات وچ حلقہ پی پی-223 (ملتان-12) توں مسلم لیگ (ن) دی امیدوار دے طور تے پنجاب دی صوبائی اسمبلی کِیتے وَلا منتخب تھئی ہن۔