نعتیہ طوطے نامے
سوہݨے مدنی منٹھارتئیں اپݨے دل دے ارمان پُڄاوݨ کیتے عاشقانِ رسولؐ ہوائیں کوں سنیہے ݙتن۔ پکھیاں کوں اپݨیاں عرضیاں پُڄاوݨ دی منت کیتی ہے ۔ ہِیں سک تے آس تے نعتیہ ’’طوطے نامے‘’ دی صنف کوں ایجاد کیتا۔ انھاں طوطے نامیاں وچ طوطے کوں مخاطب کرتے دل دے احوال دربارِنبویؐ وچ پُڄاوݨ دیاں زاریاں کیتیاں ڳن ۔ نور الدین مسکین دامشہور نعتیہ طوطا نامہ:
ٻولیں طوطا نال ادب دے
اڳوں میݙے شاہ عرب دے
آکھیں طوطا یار میݙے کوں
دل دے بھید اں ݙیواں کیکوں
توں ہِیں واقف راز نہانی
وچ مدینے ہویوں باقی
علوی خاکی سب مشتاقی
کݙہیں پھیر سنبھالو جانی
سرتے دھرتے تاج سنہری
کرکے پھیر براق دی سواری
شبِ معراج کرو سیرانی
دلبر جانی ݙے نہ رولے
ھن سب عاصی تیݙے اولے
تیݙا دامن ہے امن امانی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان